Romains 15:8 - New Testament in Mitsogo

⁸ Bangôani mbe Christ amakou môyanzi aAjuif gôédugéda éne émavanga Nzambé na téteye yAjuif va mbeego. Te éne étôtubéda mbe Nzambé asapata.

Romains 15:8 ပူးပေါင်းရင်းမြစ်များ

Matthieu 15:24

Jésus amaabéa mbe: Me namatômu na gôndé asi mbumu éaIsraël. Agono na mandombo mamadimbanani.

Matthieu 20:28

Béyé me Muana Amôma, vamaviga me tsivutéé mogo mami gôétôma oma. Ivô namatôma na namabanda na mogo mami. Nameetsa memuene monyo ami ngu na g’ôwa, te môvanô gôéoboo oma ayekani.

Jean 1:11

Ogi ômatsiga gô tsengene na ôsisingô n’ane andé gô yangô, tambô amuene te kumu atsengene.

Jean 10:16

Me nandé na mavo mandombo madeo masiengédu gô môgômba. Nanyôngéô mbe mandombome mane makedu na me gô nzéa. Na mangookô ôgie wami. Gôngaba ôbua ôvo na môkeneyi môvo.

Mayanzame 13:46

Paul na Barnabas amavovo gébé na gomo mbe: Nzambé amanyôngéô mbe anye Ajuif nôpanga éékédu Mane Mamavovo amuene. Ivô anye nôkékôa mangô. N’anye nôeeséda anyene veendanye mbe: We tôsabuta monyo amôbô na môbô. Tambô, menyani mbe we tônôtôgi gôndé anye. Tôkea na gôndé ane asaba Ajuif.

Romains 11:22

Tasani gatubéda Nzambé wa n’anyô ngeba yedi na ôpisedi. Andé n’opisa gôndé ane amakubani. Andé na ngeba gondé anye nômôgobeda n’etondo. Digaani gô ngeba yedi kabaga anye nôkeedu gakeedu mitabémie.

Romains 11:30

Va mbeego anye nômakina ôgi aNzambé ivô ndéô nedué nôndé nôenanô na Nzambé ngeba gôébégô Ajuif amamôkékôéa.

Romains 15:16

Amasevoa me gôéba môyanzi aJésus-Christ gôndé ane asaba Ajuif. Eyanzee éami te gôénigôa ane asaba Ajuif Tsangô Eamôsôba émaviga gôndé Nzambé. Nayanza gameenda môdeekedi adigondoku. Nadeekeda ane asaba Ajuif ôbiia na gôndé Nzambé. Gô ngudi yaGédidi sedi, Nzambé asinga ôgondokue ône.

Romains 3:3

Na gô pie avo va gatse aô amatsuma Nzambé paga. ?Ivô pagaye yaô dingakoa ôgi aNzambé mbe ôsaba na ngudi-a?

Romains 4:16

Endé te nane. Nzambé amavanga mbe: Mate mami neetsa ôbiia gôndé ane eetsa me mitéma miaô gétsumé me paga. Ovangee ône ôndé na tsoongo gôndé ana aAbraham muetso. Ane agobeda mige miaNzambé n’ane eetsa Nzambé mitéma miaô gameetsa Abraham ône wedi gébé na paga. Abraham te tétene éasô n’anyô muetso.

I Corinthiens 1:12

Oôkôni éne énôévôa me. ?Anye nôvovo môma na môma éedi ébégô nayee? Môvo mbe: Me te môsi géômbé saPaul. Na môvo mbe: Me te môsi géômbé sApollos. Na môvo eenda mbe: Me te môsi géômbé saPierre. Na môvo eenda mbe: Me te môsi géômbé samuene Christ.

I Corinthiens 10:19

Vavovo me vane ?te mbe mbumba éndé na ngudi‐a? Aé. ?Te mbe nyama édeekedu na gôndé mbumba éndé na tsoongo‐a? Aé.

I Corinthiens 10:29

Me tsavovo gôndé éwe mbe ôngakuba, ivô navovo te kabaga ôkubéda akoo. Ewe ôtsapéô mbe: Tambô me nangaa, vo tsangaa ?te gatômu me na mianga miamitéma mindé n’akasô‐a? Me nangabanda, vo tsangabanda ?te gatômu me na matasame mandé n’akasô‐a? ?Ebégôé éne ékegea nayee?

I Corinthiens 15:50

Oôkôni éne ébuta me énônigôa ana aTéta. Ene émavangôni éndé éotô na nzina ésaba na tsoongo g’ôkumu aNzambé. Géne sapitsi yatangaga, gésaba n’evamba na géne samôbô na môbô.

II Corinthiens 1:20

Na gô pie divanga yetso dimavanga Nzambé gôndé wa n’anyô te Jésus atôtubéda mbe Nzambé asapata. Te gô ina aJésus‐Christ tôkuméda Nzambé vatôaabéa mbe: Amen, ébaké te nane.

Ephésiens 2:12

Gô ndéô nene nômabaka gôdagôda na Nzambé. Anye na Nzambé nôsimenyangané, nômabaka agenda. Nôsindenganô va gatse ane amasevou na Nzambé. Gô évamba émavamba Nzambé n’omedi gô ngudi yovanga ôvôni, anye nômabaka nômatatôuni. Nômadigaa gô monyo atsengene gébé na ébégô éeténdéda, na gémenye Nzambé.