Romains 15:5 - New Testament in Mitsogo

⁵ Môvinéné asô n’anyô na ékasôga éasô n’anyô éviga gôndé Nzambé. Te mbe angô atôétsa ngudi gôédigaa na vitoo gô mbumu éaNzambé mônongovo gadigaa amuene Jésus-Christ.

Romains 15:5 ပူးပေါင်းရင်းမြစ်များ

Mayanzame 4:32

Géômbé sane ameetsa Jésus mitémamie, gémabaka étasevo na môtémovo. Ta na môma môvo amavovo mbe: Eôma éami éndéké te éamemuene. Ivô éôma éaô éetso ésibé na kumu, émagésu vavo.

Romains 12:16

Bakani n’evamba anyene n’anyene. Nômbiaba na nyemo gôéabatéda anyene ivô bandani buéyé na mayanza moma abobo. Nômbianyemôga gô éodoe éanyene.

Romains 15:13

Gôsatsuma anye Nzambé paga, te mbe angô Kumu atsoongone éasô n’anyô, anôétsa gényônga sedi na gétabé sedi sapie. Okitie wanyô te môténdéda ôndé n’anyô gô ngudi yaGédidi SaNzambé.

Romains 15:3

Jésus-Christ asidigee gô monyoe ava tsina gô gényônga samuene. Oôkôni éne étônigôu na Matendeo MaNzambé mbe: Matokime matokou éwe, mamaaga te gôndé me.

I Corinthiens 1:10

Ana aTéta gô ina aKumu asô n’anyô Jésus‐Christ me nanôongô mbe: Bakani na ésinganéa gébé na tatô. Bakani n’évambevo n’etasevo gôékea nzéepo.

II Corinthiens 13:11

Te nane ana aTétee n’ami, gésoo navovi. Nakôdéyi te vane. Butani édiia étsimama. Kasôgédanani anyene n’anyene. Bakani na vitoo. Digaakani gô gétabé. Na vane, étondo éaNzambé na gétabé sedi géngaba gôndé anye.

II Corinthiens 7:6

Ivô Nzambé asô n’anyô te ône akasôgéda môma amadeeda môtéma. Nzambé amayavôga ékudéga muana aTétee n’asô n’anyô Tite na gôndé we gôétôkasôgéda.

Ephésiens 5:2

Gononi ga étondoe émabaka na Christ, éne émanyôngéô angô wa n’anyô. Gô étondoe éedi ameetsa monyo edi gôéyôu ôgondoku gôndé wa n’anyô. Gabutima môtutue ogondoku ôyôani, te gabutima na va mbene aNzambé mbônga éamôsôba éetondo éaChrist na ôwedi. Na amuene anyôngéô.

Philippiens 1:27

Eébéyée nane, digaakani na môdigéô ôsapenganani na Tsangô Eamôsôba éaJésus‐Christ. Navigéyee gôénôena, tsavigéyee nangookô mbe: Ahndé muetso na étasevo gôésipa ti v’ekôdéô, éesipa. Gô ébadi égenyuni, andé muetso na môtémovo gôétseda paga, buta mbe Tsangô Eamôsôba éaJésus‐Christ édiia.

Philippiens 2:2

Tambô nanôtôma mbe: Bakani évambevo na vitoo épo na môtémovo na ngudi dipo. Vane nôdugéda ékasôga éami.

Philippiens 3:16

Buéyé mbe nane, ôkani tôweséni gô nzéane étôkéani édué.

Philippiens 4:2

Anye ageto abaé, Evodie na Syntyche, nanôtôma ivô tsatôma, nanôgondo te gondogo mbe, vambakani évambevo n’etasevo ga mônô na môdimi agô mbumu éaNzambé.

I Pierre 3:20

Edidie éangô ésiôkéôkô Nzambé va mbeego. Vamabibéda Nzambé abibéda ndéô diyekani gô pitsi dimasaaka Noé mbôngône. Ane amoobouni asibaké ayekani. Te oma génana amabaka gô gatse ambôngône vamapepa yangô va ngongo ameba.

I Pierre 3:8

Te nane, anye muetso bakani n’etasevo. Bakani na tsôvé dipo. Va gatse anyô bakani n’etondo éana aTétee, asi mbumu éaNzambé. Bakani na ngeba. Sugédani anyene va mbene akanyô.

II Pierre 3:15

Menyani mbe vadinga Kumu asô n’anyô éviga te mbe muetso tôdiia géobogeo. Te gamatenda muana aTétee n’asô n’anyô Paul gô éodo émeetsô angô na Nzambé.

II Pierre 3:9

Avo oma atasa mbe Kumu adinga édugéda éne émavovo angô. Kaka nane. Ivô Jésus anôenea. Angô asanyôngéô ta na môma môvo abungana. Ivô anyôngéô mbe muetso akoa mitéma miaô gôédiia géobogeo.