Romains 15:3 - New Testament in Mitsogo

³ Jésus-Christ asidigee gô monyoe ava tsina gô gényônga samuene. Oôkôni éne étônigôu na Matendeo MaNzambé mbe: Matokime matokou éwe, mamaaga te gôndé me.

Romains 15:3 ပူးပေါင်းရင်းမြစ်များ

Matthieu 10:25

Ene éamôsôba te mbe môneengine abaké ga môékédine wedi, na môyanzine abaké ga môtômine wedi. Okô pene éambumune nyetso étetu mbe Béelzébul, tambô na muetso asi mbumu nene angatetu te mônongovo.

Matthieu 26:39

Amawesea amuene pesu na gô mbene. Amagudama na gô tsina. Amaduka Nzambé mbe: Ah Téta, gôndé éwe ôsadagéô ébégô. Nôtôa me gébunguge samaguga égé. Ivô béyé mbe nane, kaka éne ényôngéô me ééndôni ivo te éne ényôngéô éwe.

Matthieu 26:42

Ene éamôbaé Jésus amoomba étsika aneengie na amavovo na Nzambé mbe: Ah Téta, ôkô mbe gébunguge egé ôsagémôtôa gôndé me ta madeo tsipanga égényua, ébaké te ganyôngéô éwe.

Matthieu 27:44

Na asi môkôbé abaé amabôkédu va kôbangô aJésus na gésa na gésa amamôtoko te mônongovo.

Jean 15:10

Okô anye nôénda mane manôtôma me, nôndéké évambevo n’ami. Mônongovo gameenda me mane mamatôma Téta, na me nandé évambevo n’edi.

Jean 15:24

Mbe tsitubédéké gôndé asi tsengene mayanza mavôni masienanô na mbeego ahngô mbe asaba n’oési gô mane maô mabévani. Ivô ahngô ameena mane mamayanza me mamisôba, na ahngô avinga wa na Téta Nzambé muetso.

Jean 4:34

Jésus amanigôa ahngô mbe: Môyakôe wami te gôégobeda ône amatôma me. Môyakôé wami dôta te gôémana éyanza ématômu me n’edi.

Jean 5:30

Jésus amanigôa mbe: Tsoongôa éyanza gô ngudi yamemuene. Natsundéda oma te gatévu me na Nzambé. Vane géesédéô sami géeséda me oma gésapengana gôébégô tseenda éne ényôngéô memuene. Me neenda te éne ényôngéô ône amatôma me.

Jean 6:38

Me namasuma g’ôba gôéénda éne ényôngéô Nzambé ône amatôma me kaka éne ényôngéô memuene.

Jean 8:29

One amatôma me andéké n’ami. Menyani mbe asatsika me tsani gôénda me mane manyôngéô amuene.

II Corinthiens 8:9

Anye nôsabômu éne émeetsô wa n’anyô na Kumu Jésus‐Christ ôbiia. Amabaka gékiti. Amakoga môsuga te mbe wa n’anyô tôkoga ékiti.

Philippiens 2:5

Anye bakani na ôtasédie ôndé na amuene Jésus‐Christ.

Philippiens 2:8

Amamana pitsi yedi te andé amaasugédani. Amagobeda Téta ngu na ôwa. Amawa ôwa ôdagani ava gésumu.