Romains 15:18 - New Testament in Mitsogo

¹⁸ Tsangoongôa éakuméda memuene buétsé te gô mane mayanza Christ na me Paul gôéweseda ane asaba Ajuif na gôndé Nzambé gôémôgobeda. Christ amayanza na me gô mavovia na gô môdigedi.

Romains 15:18 ပူးပေါင်းရင်းမြစ်များ

Matthieu 25:16

Môyanzine ameetsô yabi ditayi amakea na yangô gôéyanza ôyôkô. Dodeye dine dimoomba ékuséda yene yabi ditayi yadode.

Marc 16:20

Aneengie ahmakea tunguye yetso gôéékéda Tsangô Eamôsôba. Kumu Jésus amayanza n’ahngô. Mabégô manyônganéôni masoongôa môma ésupua mamayanzahngô mamatubéda oma mbe meekédume éma ti mapie.]

Mayanzame 14:27

Vamatsigahngô gô Antioche, amakôkanganéda asi mbumu éaNzambé muetso gôéahnigôa mane mamayanza Nzambé n’ahngô. Amanigôa gamakukua Nzambé ômbee gôndé ane asaba Ajuif gômbe eengéa muetso na gô Mabégô medi gémôtsumédô paga.

Mayanzame 15:12

Vane muetso ane amakôvukuni amadigaa na suii gôéôkô Barnabas na Paul gamanigôa ahngô mbe: Va gatse ane asaba Ajuif, Nzambé amatubéda émbégéa éyekani éangudi yedi na amayanza mabégô manyônganéôni masoongôa môma ésupua, Te mangô éma. Na amanigôa.

Mayanzame 15:4

Vamatsigahngô gô Jérusalem, asi mbumu éaNzambé na peeye yaô n’ane amatômukuni amakômbôana n’ahngô na gényônga. Ane amatômu gô Antioche ahmanigôa akaô metso mane mamayanza Nzambé n’ahngô.

Mayanzame 21:19

Paul amakômbôana n’ahngô na amanigôa metso mamayanza Nzambé va gatse ane asaba Ajuif gô mane mameekéda Paul wangô.

Mayanzame 26:20

Namapanga éékéda te asi Damas n’asi Jérusalem. Vane nameekéda na muetso gô tsenge ééndô mbe Judée, na dôta asi dipo tsenge. Nameekéda angô mbe: koani mitéma mianyô gôéba na wene mônongo amonyo. Géngôgani na gôndé Nzambé. Digaani na yanzani gôétubéda gakoyiô anye mitémamie.

Romains 1:5

Nzambé amasingéa me mbe nasevou na nakudégu na Jésus gômbe angô anganeegedu. Gésooge sami te gôéweseda na gôndé Nzambé oma ahndé gô tsengeye yetso mbe eetsé Jésus mitéma miaô gémôtsumé paga, na agobédé angô.

Romains 16:26

Ivô ndéô nedué ématsutsuu na v’ekanga va miso moma gô mane mamatenda apandôédi amatasa maNzambé. Na vane Nzambé Amôbô na Môbô ameetsa ôtômu mbe éne émavanga angô gôndé oma éngatsuaô na gô tsenge yetso gômbe oma muetso angookô na angeetsa mitéma miaô gôégôbeda Nzambé gémôtsumé paga.

Romains 6:17

Tôneegedekeni Nzambé. Va mbeego nômabaka g’ôvéga gôétômu na mabégô mabévani. Ivô ndéô nedué nômeetsa mitéma mianyô pepe gôégôbeda meekédu maNzambé mane mamadiianye.

II Corinthiens 11:31

Nzambé Tétene éaKumu Jésus te gémoni sami gésabômu mbe me tsapata. Te mbe inedi ékumédu môbô na môbô.

II Corinthiens 12:6

Nandéké na mabégô mayekani mapie moongôa me éaabatéda gééndô mbe, avovo ga tsôga. Ivô tsanyôngéô mbe oma amenya me gô kumane éamemuene. Nanyôngéô mbe amenya me gôenahngô mônongoe wami na mavoviame mami na môdigédie wami.

II Corinthiens 3:5

We eekédi tôsabômu mbe wéene tôsaba na ngudi gôéyanza mabégôme mavôni éma. Ngudiye dindé n’asô gôéyanza diviga te gôndé Nzambé.

II Corinthiens 6:1

T’ebandô we eekédi tôyanza évévé éyanzevo na Nzambé, tônôtôma mbe: Nômbiasinga édimbanéda ngeba dimeenanô anye na Nzambé.

Galatie 2:8

Gôébégô Nzambé amanyôngéô mbe me natômu na Jésus gôéékéda ane ahsaba Ajuif. Na amanyôngéô mbe Pierre atômu na Jésus gôéékéda Ajuif.

Colosses 3:17

Gô metso meendanye, buéyé mbe mavovia, buéyé mbe mayanza, indani mangô gô ina aKumu Jésus. Gô inedi nôkuméda Tétasô n’anyô Nzambé.

II Thessaloniciens 2:17

Tônyôngéô mbe ahngô anôyuéséda mitémamie na bôkédé. Na mbe anôétsa ngudi gôéyanza mane medi mamisôba metso, gô mavovia na gô môdigédi.

Hébreux 11:8

Abraham ameetsa Nzambé môtémedi wetso na asitsumé môtôma aNzambé paga. Amamôgobeda gôékea na gô nyene tsenge éméétsô angô na Nzambé ga mikuanya. Abraham amatôta go tsenge éedi gémenye gô tsengene ékeangô.

Hébreux 5:9

Vane vamanangô ésipa, ti v’ekôdéô éasipaga, amakoga aka ébandô éagébogeo samôbô na môbô, gôndé muetso amôgobedani.

Jacques 1:22

Nômbiabômédu anyene. ?Mane mamavovo Nzambé, nôndé gôéôkô mangô te na matô matévo nayee? Indakani mane mookô anye gô mangô.

I Jean 3:18

Anami ôkô mbe tônyônganéô wa n’anyôene na wa n’anyôene, kaka gô mavovia na ényepa éamônya. Tambô tônyônganéôni ti na gô pie te gô mayanza masô mamisôba.

Jude 1:9

Buéyé Michel, pene asi g’ôba muetso asiindé nane. Vamasaganédangô na yabédé gôédiia ôtô aMoïse, Michel asitsundédé yabédé gôémôenza. Ivô Michel amasuméa vovogo na yabédé mbe: Kaka me, amuene Kumu Nzambé angagôsiséda.