Romains 15:16 - New Testament in Mitsogo

¹⁶ Amasevoa me gôéba môyanzi aJésus-Christ gôndé ane asaba Ajuif. Eyanzee éami te gôénigôa ane asaba Ajuif Tsangô Eamôsôba émaviga gôndé Nzambé. Nayanza gameenda môdeekedi adigondoku. Nadeekeda ane asaba Ajuif ôbiia na gôndé Nzambé. Gô ngudi yaGédidi sedi, Nzambé asinga ôgondokue ône.

Romains 15:16 ပူးပေါင်းရင်းမြစ်များ

Mayanzame 13:2

Nyovo vamabakahngô amakina môyakô gôévovo na Nzambé na gôéneegeda angô, Gédidi SaNzambé gémavovo n’ahngô mbe: Tatôani gô inami Barnabas na Saul akusa va gatse anyô akea gôéyanza éne émasevoa me ahngô.

Mayanzame 20:24

Ivô tsabono monyoe wami mbe te sôma sami satsoongo. Ene ébuta me gô monyo ôdôô te mbe nabuéa v’ekôdéô na gényônga ga môma akea tsaé. Na mbe namangôa éyanzee émeetsô me na Kumu Jésus. Eyanzee, te gôétsua na gôénigôa Tsangô Eamôsôba éangeba dimatôenanô na Nzambé.

Mayanzame 20:32

N’atsatsee me nanôdeekeda na gô mogo maNzambé gôésumbédu n’edi na gôékeneo n’edi gô mabégô medi metondo. Amuene andé na ngudi gôéoodeda anye. Vane anganôétsa éne ékôkégangô ga mikuanya gôndé omedi.

Mayanzame 22:21

Vane Kumu Jésus amoomba évovo n’ami mbe: Kiaka. Nagôtôma na gô dipo tungu yagôtongoni disibuéô na mbeego. Kiaka na gôndé mavo mongo masaba Ajuif.

Mayanzame 9:15

Ivô Kumu amamônikéda mbe: Kiaka. Te me namasevoa mômôgôô nône. Nangayanza n’edi gôémenyeda inami gô tsengeye yetso madeo disookanô éangô. Atômi aô angookô. Oma aIsraël angookô te n’edi.

Romains 1:1

O te me Paul môyanzine aJésus-Christ. Nzambé amasevoa me na amakudéga me. Namatômu na Jésus gôéékéda Tsangô éedi Eamôsoba.

Romains 11:13

Me Paul navovo éva n’anye nôsaba Ajuif. Jésus-Christ amakudéga me gôétsua tsangône éedi na gôndé ane asaba gô éongo éAjuif. Na memuene natsôkéa gôékuméda éyanzee éne émeetsô me.

Romains 15:18

Tsangoongôa éakuméda memuene buétsé te gô mane mayanza Christ na me Paul gôéweseda ane asaba Ajuif na gôndé Nzambé gôémôgobeda. Christ amayanza na me gô mavovia na gô môdigedi.

Romains 15:19

Amayanza na me gôétubéda émbégéa éangudi yedi, na gô mabégô manyônganéôni masoongôa môma ésupua, na gô ngudi yaGédidi SaNzambé. Te gameekéda me Tsangô Eamôsôba éaJésus-Christ, bandôa gô Jérusalem na nzéaye yetso dine ngu na gô tsenge éaIllyrie.

Romains 15:20

Veekéda me Tsangô Eamôsôba, éne ényôngéô me ti ndi gôékea na gô tunguye madeo disiôkanô Tsangô éaChrist. Me nakina ésaa eba gô ngongo oobôga ômasiga muene môma.

Romains 15:29

Me tsabômu mbe vangaviga me na gôndé anye, nangatsiga gô ngudi yamate maChrist.

Romains 5:5

Tôsangabômédu n’ene étôténdédani gôébégô Nzambé amatôétsa Gédidi sedi. Na te sangô gétsuéa wa n’anyô étondo éaNzambé gôékuya éangô gô mitéma miasô n’anyô.

I Corinthiens 3:5

Beendani me ?ône atetu mbe Apollos indaa? ?Na ône atetu mbe Paul indaa? ?Apollos na Paul kaka ayanzi aNzambé‐a? We tôndé ti ayanzi aNzambé na gô ngudi yameekédume mamanôékéda we, anye nômagésangana môtémovo na Nzambé. We eekédi tômayanza te éne émeetsô we na Kumu gôéyanza.

I Corinthiens 4:1

Mekedani we mbe we eekédi te ayanzi aChrist na te amuene ameetsa we ôtômu gôépandôéda Mabégô Mapie MaNzambé masinigôganéô na mbeego.

I Corinthiens 6:19

?Anye madeo nôsiôkô mbe yôtô yasô n’anyô te yeba yaGédidi SaNzambé‐a? Sangô te géne gémeetsô wa n’anyô na Nzambé gédigaa gô mitéma miasô n’anyô. Yôtôye yasô n’anyô kaka yawa n’anyôene.

II Corinthiens 11:23

?Ahngô te ayanzi aNzambé‐a? Oôkôni édué, navovo ga môma amadinga g’ôtsôga. Me nootéa ahngô gôéyanzéa Nzambé. Namootéa éyanza n’ahngô asiyanzé. Kuka yetso namabaka gô eba atsôgôô gôékéda me mabégô maNzambé, n’ahngô asiengé. Namabômôu kuka yetso, n’ahngô asibômôu. Kuka diyekani namavétsu n’owa, n’ahngô asivétsu n’owa.

II Corinthiens 5:20

We gébika saChrist tôvovo n’anye, ti eembe te amuene Christ avovo n’anye. Tônôbambéa ti eembe te amuene Nzambé anôbambéani. Tônôgondo gô ina aJésus‐Christ mbe singani angô gôénikéa évambédu évambevo na Nzambé.

II Corinthiens 8:5

Na me, namaasingéa. Me tsimenya mbe éngaba nane. Ivô kaka g’ôkiti ôtévo. Ahmapanga éahdeekeda anguene na gôndé Kumu Jésus. Vane amadeekeda anguene dôta na gôndé we eekédi. Nzambé eena buedi gô mônongoe waô.

Galatie 3:5

Nzambé eetsa anye Gédidi Sedi na ayanza va gatse anyô mabégô mamisôba manyônganéôni masoongôa môma ésupua. ?Ovénga, éetso éne te gôkenea anye migemie miedi‐a? ?Vo te vookô anye Tsangô éaJésus éékédu na veetsanye mitéma mianyô?

Ephésiens 2:18

Wa n’anyô muetso, na Ajuif na ane asaba Ajuif, tôwesedu na Gédidi SaNzambé na va mbene edi gô ngudi yaChrist.

Ephésiens 2:22

Vamagésangana anye na Christ, anye ne akanyô muetso nômagésu n’edi gô ebee ôsaaôni ôdigaa Nzambé gô ngudi yaGédidi sedi.

Ephésiens 5:2

Gononi ga étondoe émabaka na Christ, éne émanyôngéô angô wa n’anyô. Gô étondoe éedi ameetsa monyo edi gôéyôu ôgondoku gôndé wa n’anyô. Gabutima môtutue ogondoku ôyôani, te gabutima na va mbene aNzambé mbônga éamôsôba éetondo éaChrist na ôwedi. Na amuene anyôngéô.

Philippiens 2:17

Veetsanye Nzambé mitéma mianyô gémôtsumé paga, te gandé ôgondoku ômôdeekeda me. Mavooe me nangakôndéga monyoe wami na nzinaye yami mbe éngeetama va ngongo ogondokue ône va mbene aNzambé. Okô mbe ébé nane, anye gésanganani gôétsôkéa gényônga gévo n’ami.

Philippiens 4:18

Menyani mbe namani édiia te éetso émakudéganye ne éndé éetso émadugani. Vavigi Epaphrodite n’atsatsee na éne émeetsanye ôbiia, tsabutadô sôma. Mane meetsanye ôbiia, magono na ôgondoku ôbékuni. Mbôngane éedi éamôsôba ébutima na gôndé Nzambé éétsa angô môgangu. Ogondokue wanyô ôsingéô na Nzambé.

1 Thessaloniciens 2:2

Nôsabômu dôta mbe me n’egétsigaka na gôndé anye gô Thessalonique, namapanga étubédu maguga gô môsenge ôtetu mbe Philippes. Ivô Nzambé ameetsa we bôkédé gôénigôa anye Tsangô éedi Eamôsôba, buéyé gamadenga we gékuanô gévôni.

1 Thessaloniciens 2:9

Ana aTéta, nôsoongôa ééba gamayanza we ti v’ekôdéô éegogo évôni. Tômayanza na pitsi n’omanda kabaga we tôba ga égumba gôékeneo n’anyô gô ndéône émabaka we gôénôékéda Tsangô Eamôsoba émeetsô we na Nzambé.

1 Thessaloniciens 5:23

Tônyôngéô mbe Nzambé, môsumédi amitéma aaganédé anye gô mabégô mabévani gôénôkoa omedi amatsimamani. Buta mbe vangaviga Kumu Jésus‐Christ nôba gébé n’oési gô mitémamie mianyô, buéyé na gô édidié éanyô, buéyé na gô matasame manyô, buéyé na gô yôtôye yanyô.

I Timothée 1:11

Meekédume mapie mane, mandéké te gô Tsangô Eamôsôba émeetsô me Paul mbe neekéda yangô. Tsangô Eamôsôba étônigôa gandéké Nzambé, ône akuméduni ôndômbee na eendô mbe Kumu.

I Timothée 2:7

T’ebandô Jésus amatôma me gôénigôa ômbanzee wedi na gôndé ane asaba Ajuif. Me tsapata. Nanônigôa te mane mapie mayanza me. Nameekédangô Mabégô Metso MaPie maNzambé mbe eetsa mitéma miaô gô mangô gébé na buétsé.

II Timothée 1:11

Nzambé amasevoa me gôénigôa Tsangô nene Eamôsôba gôndé ane asavamba na Nzambé. Ameetsa me ényangee éamôékédi, na éamôma atômuku na Jésus.

Hébreux 13:16

Nômbieeba gôéwedanéa na gôékabanéa anyene n’anyene éne éndé n’anye. Oô te mônongoe adigondoku ônyôngéô Nzambé.

I Pierre 1:12

Apandôédi amatasa maNzambé ahmamenyedu mangô kaka gôndé anguene, te na gôndé anye, buéyé mbe gamabaka ahngô eekédi amabégô mema. N’atsatsee anye nôékédiô mangô n’ane ahmeekéda Tsangô Eamôsôba gô éodo éaGédidi SaNzambé, géné gémasuma g’ôba. Buéyé asi g’ôba ayanzi aNzambé anyôngéô émenya mabégô mema.

I Pierre 2:5

N’anye dôta nôndé mataé mamonyo. Weseani gôégésu n’edi gôésaô na Nzambé eba aGédidi. Te eba ômapuumani nôndé adeekedi adigondoku, asungéyi amatsimamani oma. Digondokuye dideekeda anye dindé na géneemba gôndé Nzambé gô ina aJésus‐Christ.