Romains 15:1 - New Testament in Mitsogo

¹ Wa n’anyô tômani éoodo gô mabégô maNzambé mameetsa we mitémamie, tôndé n’eyanza gôéwedéa ane agédeedakani gô mbumu éaNzambé gôésipéda ahngô. Tôsangoongôa édigaa gô monyo ôdôô gô gényônga sawa n’anyôene.

Romains 15:1 ပူးပေါင်းရင်းမြစ်များ

Romains 14:1

Singani muana aTétee n’anyô môsi mbumu éaNzambé gôévamba n’anyô buéyé mbe angô madeo asioodo gô mabégô maNzambé mameetsangô môtémedi. Ombiamôsemba gô mônongoe wedi.

Romains 14:2

Tôkanéga te mbe, môvo aa miyakô mietso na nyama yetso. Géé môkedi madeo asioodo gô Mane Mamavovo Nzambé mameetsangô môtémee, na angô aa te môyakô ôtévo gébé na nyama.

Romains 4:20

Gô éne émavanga Nzambé n’edi, môténdédedi ôsiniké ngima ivô ômakôndama te kôndama na amakuméda Nzambé.

I Corinthiens 4:10

We tôndéké ga égiô gôébégô éaChrist na anye te ome eodo gôvambanye na Christ. We te tôpôpéate na anye te oma angudi. We te adetuni na anye te oma akuméduni.

I Corinthiens 9:22

Vadigaa me va gatse ane madeo asisipa buedi gô mabégô maNzambé, éndé te nane. Me nawanyéda moonga na oma muetso gômbe gô minongo mietso miôngôa me éyanza va gatse aô, avo angawesedu na gôndé Nzambé.

II Corinthiens 12:10

T’ebandô natsôkéa ôpôpée wami, na matokime maakasô na pandaye n’ekuanôe éetso, na magugame metso meena me gôndé me môsi Jésus‐Christ. Vandéké me vipôpéa te gaka me na ngudi.

Ephésiens 6:10

Endé te nane. Butani édiia ngudi yanyô gô ngudi dipôni yaKumu Jésus na gô évamba éndé anye n’edi.

Philippiens 2:4

Môma asabuta édugéda éne édagéô amuene étévô, ivô atasé gô éne édagéô môkedi.

1 Thessaloniciens 5:14

Ana aTétee, we tônôongô ndongine mbe: Kenedani asi dakadaka. Sipédani ane adeeda mitéma. Keneani na divooti ane asaba na ngudi. Bakani n’obibô gôndé muetso.

II Timothée 2:1

Ewe Timothée muanami agô mbumu éaNzambé, odeeda môtémoo gô ngudi yamane meetsô we gô évamba éndé wa n’anyô na Jésus‐Christ.

I Jean 2:14

Nanôtendéa anéngé, gôébégô nôsabômu Tétasô n’anyô. Nanôtendéa anye tétee gôébégô nôsabômu ône amapanga v’ebandô. Nanôtendéa anye minzambu gôébégô nôndé na ngudi. Nôndé gôékenea Mane Mamavovo Nzambé gô mitéma mianyô. N’anye nômadiia gô ébadi émagenyanye n’one môbévani.