Romains 14:8 - New Testament in Mitsogo

⁸ Vatôwaani, ôwa asô n’anyô te gôndé Kumu. Tôwéyee, tôdôngeyee, tôndéké te aamuene Kumu Nzambé.

Romains 14:8 ပူးပေါင်းရင်းမြစ်များ

LUC TSANGO EAMOSOBA EMATENDA 20:38

Nzambé te Nzambé ane adôngani kaka Nzambé ane amawani. Gôébégô gôndé Nzambé, ahngô muetso andé na monyo.

Jean 21:19

Gô mavoviame mane Jésus ameevéda Pierre mônongoe owa ôngawaangô gô géneega saNzambé. Vane Jésus amatôma angô mbe: Oka n’ami nzéepo.

Mayanzame 13:36

Gô ndéône yedi, David amayanza gésaô gémanyôngéô Nzambé. Na amawa. Amagunya va kôbangô atétee yedi. N’otô edi ômaboo.

Mayanzame 20:24

Ivô tsabono monyoe wami mbe te sôma sami satsoongo. Ene ébuta me gô monyo ôdôô te mbe nabuéa v’ekôdéô na gényônga ga môma akea tsaé. Na mbe namangôa éyanzee émeetsô me na Kumu Jésus. Eyanzee, te gôétsua na gôénigôa Tsangô Eamôsôba éangeba dimatôenanô na Nzambé.

Mayanzame 21:13

Ivô Paul amakékôa ôgie wasô mbe: ?Anye nôdéa ndé? ?Nayee nôyungéda me môtéma mbe kabaga tsakea-a? Memuene nandé na môtéma ômasumani gôékea, kaka gôékatô ésengo étévo, buéyé na gôéyôhu gô mabégô maKumu Jésus gô Jérusalem me tseena panda.

I Corinthiens 15:23

Ivô ékundugéôe éndé gô ngéko na ngéko. Mapangame te amuene Christ. Va ngimedi te wa n’anyô oma aJésus‐Christ gô ndéône énganikangô na gô tsina.

Philippiens 1:20

Ekegea te nane. Tsoongone éami te Christ, ône eenéa me mbe angaviga. Namôenéa na môtéma agébé na gomo na gébé na tsoyi. Nandé deo noo gamabaka me na mbeego na môtéma ômasumani gébé na buétsé, ônyôngéô mbe ôkumaka aChrist ôenanô gô ôtôe wami, nawéyiee, tsawéyiee.

Philippiens 2:17

Veetsanye Nzambé mitéma mianyô gémôtsumé paga, te gandé ôgondoku ômôdeekeda me. Mavooe me nangakôndéga monyoe wami na nzinaye yami mbe éngeetama va ngongo ogondokue ône va mbene aNzambé. Okô mbe ébé nane, anye gésanganani gôétsôkéa gényônga gévo n’ami.

Philippiens 2:30

Gôébégô amavétsô n’owa gôétsuéa me éne émabuta me, ésiôngôé anye étsua. Amabaka mbe awa gô gésoo saJésus‐Christ.

1 Thessaloniciens 5:10

Gôébégô Jésus‐Christ amawa gôndé wa n’anyô te mbe tôba monyovo n’edi. Vangavigangô tôwéyee, tôsawéyee, tôngaba monyovo n’edi.

Gétsutsuéô 14:13

Vane me Jean namookô ôgi ômaviga g’ôba ômatôma me mbe: Tendaka édué. Na ômavovo mbe: Gényônga gôndé ane ahwa pitsi yedi gô éyanza éaKumu. Gédidi SaNzambé gémaabéa mbe: Ii, te na gô pie. Angadunda gô éyanzee éaô édagani. Na mane maô mamisôba mangakea n’ahngô géômbé.