Romains 14:5 - New Testament in Mitsogo

⁵ Mavooe môma môvo agobeda môsee ônyôngéô angô. Na môkedi amenya mbe minyamie mietso te mônongovo. Buedi mbe môma na môma abaké gétsumé paga gô môtémedi.

Romains 14:5 ပူးပေါင်းရင်းမြစ်များ

LUC TSANGO EAMOSOBA EMATENDA 1:1

Luc amatenda mbe: Wee ami, Théophile, me nagôbeenda mbe avo oma amatenda tsangône éamane mamabuéa va gatse asô n’anyô.

Romains 14:14

Gôndé ane andé évambevo na Kumu Jésus-Christ, me Paul tsabômu mbe mabégô metso mava tsina mandéké mamagôgéani gamakanô mangô. Ivô te môma akoa mangô maka mevindô. Okô môma andé n’etasa mbe, ébégô édué ésanyepa, menya mbe gôndé angô ébégôe ésaba émagôgéani.

Romains 14:23

Ivô gôndé ône andé na paga gô môyakô ôaa angô, angeetsô ôési na Nzambé gôyééyi angô gô paga na gôpukanédi angô mane maNzambé na môyakô. Eetso éyanza môma na mitéma mibaé te éapaga, na te ébégô ébévani.

Romains 4:21

Na amamenya na gô pie mbe Nzambé andé na ngudi gôéyanza éne émavangangô mbe: Nangeenda. Asitsumé ôgie wedi paga.

I Corinthiens 8:11

Na vane muana aTétee n’oo, Jésus amawa te gôndé angô, ivô vandé angô madeo asisipa gô mane mapie, angabungana gôenangô éwe ôaa, éwe ômamana éoodo gô mane mapie.

I Corinthiens 8:7

Ivô kaka muetso amaditéga buedi gô môtéma ébégô édué éapie mbe: Nzambé te Kumu ayôma yetso. Avo va gatse awa n’anyô ahmeekeganô pepe na mabégô mambumba na angô ngu na deo noo buéyé mbe ahmakusa wangô, gôéaa nyamaye yangô gône atasa mbe na gô pie édué te yambumba. Mianga miamitéma miaô madeo misikoga pepe gô mabégô maNzambé na amenya mbe ngudi yambumba dindéké gô môyakôe ône.