Romains 14:4 - New Testament in Mitsogo

⁴ ?Ewe ndaa ôtsundéda môyanzine amuene môma? Asipéyee, asasipéyee gô éyanza éedi ébégôé éndé na kooko edi. Angasipa gôébégô Kumu asô n’anyô andé gôémôsipéda.

Romains 14:4 ပူးပေါင်းရင်းမြစ်များ

Mayanzame 11:17

Vane wa n’anyô tôena mbe Nzambé ameetsa géômbé saCorneille Gédidige ôbiia, mônongovo gameetsô wa n’anyô sangô ôbiia vameetsa wa n’anyo Kumu Jésus-Christ mitémamie gémôtsumé paga. Gôndé me, tsiôngôé ékékôa éne émanyôngéô Nzambé éénda.

Romains 11:23

Okô Ajuif atsiki paga yaô anganikéa énanégu gô môkuba ômabakangô. Gôébégô Nzambé andé na ngudi gôénikéda ahngô na gô étengue éaô.

Romains 14:3

One aa éetso asangoongôa éenza ône asaani. Na ône asaani asangatsundéda ône aani, gôébégô Nzambé amasinga angô.

Romains 16:25

Tôkumédéni Nzambé. Angô andé na ngudi gôétôsipéda gô nzéane éamonyo edi étôkéani. Atôsipéda gô Tsangô Eamôsôba éékéda me, na gô meekédume mami metso maJésus-Christ. Na dôta atôodeda gômanigôgéô wa n’anyô matasa maNzambé mamabaka ga mamasuégu. Ene émavanga Nazmbé gôndé wa n’anyô oma ésinigôganéô n’oma va mbeego.

Romains 9:20

Ovénga éwe ndaa ômavangôni? ?Ewe ôsemba Nzambé nayee? Gépedee sakiekie géyanzô na môma géngasemba môyanzine atotone mbe: ?Oyanzi me nane nayee?

Hébreux 7:25

T’ebandô Jésus andé na ngudi gôétôoboo deo noo, ngu na gô mbene n’okendô. Angô oboo ane aviga na gôndé Nzambé gô inedi gôébégô andé monyo môbô na môbô gôévovo na Nzambé gôésungéa omee ane.

I Pierre 1:5

N’anye nôngamidiiani nôkeneo na ngudi yaNzambé gômamôétsanye mitémamie mianyô gémôtsumé paga. Nôkeneo ngu na ndéône éamôyusumédu éngadiia anye géobogeo. Sangô gémamana ékônzu na gématsutsuu gô ndéône éamôyusumédu.

Jude 1:24

Kumédani Nzambé, ône andé na ngudi gôénôsipéda gô ékôbee éetso. Andé na ngudi gôénôtsigéda vandé amuene, ti eembe nôsaba n’oési. Anganôtsigéda na gényônga gémootéani gôéengéa na g’ôndômbee wedi wetso.