Romains 14:1 - New Testament in Mitsogo

¹ Singani muana aTétee n’anyô môsi mbumu éaNzambé gôévamba n’anyô buéyé mbe angô madeo asioodo gô mabégô maNzambé mameetsangô môtémedi. Ombiamôsemba gô mônongoe wedi.

Romains 14:1 ပူးပေါင်းရင်းမြစ်များ

Matthieu 12:20

Vangeenangô makôkôkôkô mamakotomoni asangabôkôa mangô. Asangeeméda dambi ébandôa éémani. Angayanza gô mônongoe wedi gôéétsa mitayi gôndé ane andé na mitayi.

Matthieu 14:31

Vane Jésus amakonyo ôgogo edi gôétsôpa Pierre. Na amavovo n’edi mbe: Paga yoo dipoo. ?Oseetsa môtéma gô mane mavovo me gôndé?

Matthieu 18:10

Nôwema kabaga nôbévéda muana, buéyé mbe agébaka môgemôge. Muana na muana andé na môsi g’ôba môyanzi aNzambé gôésungéa angô na pitsi n’omanda va mbene aTéta, ône andé g’ôba. [

Marc 7:19

Ene éaa môma ésasutuméa gô môtéma, ésutuméa te gô ébuyi, na ékusa g’ôtô edi na gôseenanô éangô. (Gô mavovia mema, Jésus amapandôa mbe môyakôe wetso te aakaga.)

LUC TSANGO EAMOSOBA EMATENDA 17:2

Buedi mbe nômôditéga étaé évôni va môngônga na nômôgunya gô mubu kabaga abôméda muene.

Jean 13:20

Me nanôbeenda na gô pie mbe ône avamba na mômane amatômu na me, avamba te na me namamôtômani. One avamba na me, avamba dôta na môtômine wami.

Mayanzame 28:2

Mbuuane émabandôa ényogo na sodi gévôni. Asi néngé nene ahmakenea we na géneega. Ahmadumua gésotosoto na amakôkanganéda we va kôbangô asangô gôéôkô épiô.

Romains 11:15

Ekegea te nane. Gô ndéône émakôngéga Nzambé Ajuif na va kôbangô, oma muetso amanikéa évambédu n’amuene. Tambô gô ndéône éngawasedu Ajuif na gôndé Nzambé ?ésangootéa ényepa gôndé oma muetso-a? Engootéa ényepa. Ane ambaka g’ôwa angaba na monyo.

Romains 14:2

Tôkanéga te mbe, môvo aa miyakô mietso na nyama yetso. Géé môkedi madeo asioodo gô Mane Mamavovo Nzambé mameetsangô môtémee, na angô aa te môyakô ôtévo gébé na nyama.

Romains 14:21

Ene éôtéa éamôsôba gôndé éwe, te mbe ôkina éaa nyama na ôkina ényua maduku na ôkina éetso éngoongôa ékuéséda muana aTétee n’oo na kabaga akuéa gékôba gôénika na gô ngima.

Romains 14:3

One aa éetso asangoongôa éenza ône asaani. Na ône asaani asangatsundéda ône aani, gôébégô Nzambé amasinga angô.

Romains 15:1

Wa n’anyô tômani éoodo gô mabégô maNzambé mameetsa we mitémamie, tôndé n’eyanza gôéwedéa ane agédeedakani gô mbumu éaNzambé gôésipéda ahngô. Tôsangoongôa édigaa gô monyo ôdôô gô gényônga sawa n’anyôene.

Romains 15:7

Vambani na gényônga anyene n’anyene gô mbumu éaNzambé mônongovo gamavamba Christ n’anyô gôékuméda Nzambé.

Romains 4:19

Abraham amabaka aka môkama amipuma na ôtôe wedi ômabaka ti ga nzumbi. Na môgayedi Sara te mônongovo, géôngôé ébôta muana. Buéyé nane, Abraham asitsumé ôgi na ngudi yaNzambé paga.

I Corinthiens 9:22

Vadigaa me va gatse ane madeo asisipa buedi gô mabégô maNzambé, éndé te nane. Me nawanyéda moonga na oma muetso gômbe gô minongo mietso miôngôa me éyanza va gatse aô, avo angawesedu na gôndé Nzambé.

Philippiens 2:29

Tambô keneani angô n’ekasôga, gakeneo ana aTéta agô mbumu éaKumu Nzambé. Buedi mbe nômôtubéda egôba, angô n’akedi andé g’angô.

1 Thessaloniciens 5:14

Ana aTétee, we tônôongô ndongine mbe: Kenedani asi dakadaka. Sipédani ane adeeda mitéma. Keneani na divooti ane asaba na ngudi. Bakani n’obibô gôndé muetso.

Hébreux 5:14

One aa môyakô ôodôni te ône asabadô muanéngé na ameekeganô gôésevoa mane mamisôba na mane mabévani.

II Jean 1:10

Okô aviga na gôndé anye gétsué meekédu mema, nômbiasinga angô eengéa na gôndé anye gôésambanéa n’angô.