Romains 13:7 - New Testament in Mitsogo

⁷ Vanakani mitete mindé n’anyô, môma te môma. Vanani depu gôndé môbongi adepu, na môtete gôndé môbongi amôtete. Vanani n’egobeda. Neegeda ône adigédiô gô gétungu sokumaka.

Romains 13:7 ပူးပေါင်းရင်းမြစ်များ

Matthieu 17:25

Pierre amaabéa mbe: ?Gondé? Avanaka. Vameengéa Pierre na gô eba n’angô madeo asivovo, Jésus amapanga évovo mbe: ?Ewe Simon ôtasa nayee? Ane avana depu na gôndé atômi atsenge ?yandaa? ?Te kumu yatsenge anguene avanani‐a? ?Vo te agendee avanani?

Matthieu 22:21

Ahmaabéa Jésus mbe: Eetso te éaCésar, môtômi atsenge. Vane Jésus amavovo n’ahngô mbe: Ene éndé éamôtômi atsenge, nikédani na gôndé angô. Ene éndé éaNzambé, nikédani na gôndé Nzambé.

Marc 12:17

Vane Jésus amavovo n’ahngô mbe: Ene éndé éamôtômi atsenge nikéda na gôndé angô. Ene éndé éaNzambé nikéda na gôndé Nzambé. Ahmasôbasôbana mbe: Oô môma aseebéôkôni.

LUC TSANGO EAMOSOBA EMATENDA 20:22

Beenda we gookô éwe gô mitôma mimatsikéô we. ?Tôvanéa môtômi atsenge César, depune vo tôsavana-a?

LUC TSANGO EAMOSOBA EMATENDA 20:25

Vane Jésus amavovo n’ahngô mbe: Ene éndé éaCésar môtômi atsenge, nikédani na gôndé angô. Ene éndé éaNzambé, nikédani na gôndé Nzambé.

LUC TSANGO EAMOSOBA EMATENDA 23:2

Amatsua môsunda na gôndé Pilate mbe: Tôdengi môma noo Jésus, adékéda oma mbe: Nômbienda mane mavovo môtômi atsenge. Ebakanéda oma gôéétsa môtômi atsenge César, depu. Na eenza Nzambé mbe: Me te Christ môtômine wanyô.

Romains 12:10

Bakani n’etondo gôndé anyene gandé ana aTétee ahndé n’enyônganéô évôni. Gobedanani anyene n’anyene na gényônga.

Romains 13:6

T’ebandô anye nôvana depuye yanyô. Nzambé amakônza ayanzie avôni gôébongo depuye n’ekena.

Ephésiens 5:33

Ewanya dôta na mane manyô. Buedi mbe mômôgôô anyôngéô môgayedi ganyôngéô angô amuene. Môgeto na môgeto dôta agobede mômiedi na géneega.

Ephésiens 6:5

Ndongi yedi te yangô avéga. Gobedani kumuye yanyô yava tsina n’edita na gomo. Yanzéani ahngô na môtémovo ti eembe nôyanzéa te amuene Christ.

I Timothée 5:13

Na éne éôtéa ébéva, te mikué mine adeka gésima sadakadaka. Na ahkénga gô yeba na yeba na agiangana gôétsuavana na gôévovo mane masaba gôndé angô gôétasa na gôévovo.

I Timothée 5:17

Gôndé peeye atôma mbumu éaNzambé n’ekenge, andé kuanakue gôévanô kuka dibaé. Eôtéa gôndé ane asadunda énigôa mabégô metso maNzambé na éékéda.

I Timothée 6:1

Ndongi yedi te gôndé avéga. Buedi mbe agobeda kookoye yaô ti v’ekôdéô éagobeda, kabaga môma atsuava ina aNzambé na meekédu masô n’oo.

I Pierre 3:7

Anye amôgôô keneakani agayanyô. Bangôani mbe ageto ahsaba na ngudi gandé anye amôgôô. Nyôngéôni ahngô na géneega gôébégô ahngô ahdiia kukepo n’anyô monyo ômeetsa Nzambé ôbiia. Indani nane buta mbe gôsaba ébégô ta n’evo gébakanédéô sadisambô yanyô.