Romains 13:13 - New Testament in Mitsogo

¹³ Tôdigékéni gô ésima ésapenganani, wa n’anyô asi gô gévede. Tônôtôgéni gô évitsi na ésimee yedi éasagô, na édangi, na éagésasô, na éamasaganédana na éangusu.

Romains 13:13 ပူးပေါင်းရင်းမြစ်များ

LUC TSANGO EAMOSOBA EMATENDA 1:6

Zacharie na Elisabeth amagobeda Nzambé gô mabégô metso. Ahsikékôé ta n’ebégô évo ématsikéô ahngô gô mitômamie na gô mige miaKumu Nzambé.

LUC TSANGO EAMOSOBA EMATENDA 16:19

Vamaba gékiti. Amaataka maduani mokumaka. Minya mietso amaaka te ga sueti. Asibuté ta na sôma.

LUC TSANGO EAMOSOBA EMATENDA 21:34

Bakani n’ekena. Nômbiasinga mitéma mianyô miyungédu na madangi na miambô. Nômbiasinga mitéma mianyô mikatanganédu na mikebanganô miamane matsengene. Kabaga nyoo ône ôvôni ôdenga anye tsina na tsina anye gébé n’etasa mbe, mavooe te deo noo.

Mayanzame 2:15

Omee adua asaba gô édangi gatasanye. ?Omeaa angaba gô édangi kômbéné madeo ésitsakama nayee?

I Corinthiens 3:3

Endé te nane gôébégô anye nôgédigaaka gadigaa oma atsengene ahsavamba na Nzambé. Gô ngusune eendanye na gô masaganédame meendanye nôtubéda mbe, tôndé oma atsengene na tôénda mônongovo geenda oma muetso, ane ahsavamba na Nzambé. ?Ene te kuanakue‐a?

Galatie 5:19

Esima éamôtéma amôma gabôtu angô éenanô. Eangô te gésasô na matasa masagôsagô, n’ebéva,

Galatie 5:21

na ényima, n’edangi, n’onzôô éaa môyakô, na mabégô mamônongo ône. Me nanôévéda mônongo gamani me énôbeenda mbe ane eenda mabégôme mane asangadigaa g’ôkumu aNzambé.

Ephésiens 4:1

Me Paul nandé môsi eba atsôgôô gôyanzéa me Kumu Jésus. Nanôtôma mbe kiakani mitie mônongovo gamanyôngéô Nzambé vamabambéa angô anye gôékea n’edi géômbé gévo gô nzéane yedi.

Ephésiens 4:17

Oôkôni éne énôbeenda me gô ina aKumu Jésus. Me mbe nômbiadigaadô ga oma asamenya Nzambé. Mane manyôngéô omeaa masaba na tsoongo.

Ephésiens 5:15

Bakani n’ekana gô môdigédie wanyô. Nônadigaa gadigaa ane asamenya ébégô n’ebégô. Digaani gô éodo éndé n’anyô.

Ephésiens 5:18

Nômbiaba n’edangi éamaduku. Nzéane éamaduku éndéké te éadiyunga. Ivô bakani nômayuésédu mitémamie na Gédidi SaNzambé.

Ephésiens 5:8

Va mbeego nômabaka gô évitsi. Ivô ndéô nedué nômani étsiga gô gévede gômagésangananye na Kumu Jésus. Tambô digaakani gôémenyanganô mbe nôndé oma andé gô gévede saNzambé.

Philippiens 1:27

Eébéyée nane, digaakani na môdigéô ôsapenganani na Tsangô Eamôsôba éaJésus‐Christ. Navigéyee gôénôena, tsavigéyee nangookô mbe: Ahndé muetso na étasevo gôésipa ti v’ekôdéô, éesipa. Gô ébadi égenyuni, andé muetso na môtémovo gôétseda paga, buta mbe Tsangô Eamôsôba éaJésus‐Christ édiia.

Philippiens 2:3

Gô metso mayanzanye, nômbiasinga gédidi satsaé gédigaa gôndé anye. Nômbieenda mabégôme gô nyemo gôébuta éôkanô. Ivô sugédani anyene. Buedi mbe môma na môma abé n’etasa mbe akasô ootéa avôni n’ami.

Colosses 1:10

Vane nôngadigaa ganyôngéô Kumu Jésus. Na nôngeenda éne ékasôgéda môtémee wedi. Vane nôngaba ga géétété samôsôba gébôta miônda miedi miamisôba. Mitéma mianyô mingabôta ésima éamisôba. N’anye nôngawesea gôémenya gandéké Nzambé.

Colosses 3:5

Singani mbe metso mandé gô mitéma mianyô matsengene mayôhu ti yôhgu. Mangô te gésasô na matasa masagôsagô, na matasa mengéa gô gésasô na makusa te gô gésasô, na tsôvéye dibévani, na ônzôô okiti. G’ônzôô môma andé gôéneegeda ôkiti edi ganeegedu mbumba.

1 Thessaloniciens 2:12

Tômakasôgéda anye na tômasuméda anye mitéma. Tômeekéda anye na môvinéné mbe: Digaani ganyôngéô Nzambé, ône amabambéa anye gôéengéa g’ôkumu edi na gôégésangana g’ôndômbee wedi.

1 Thessaloniciens 4:12

Okô nôgobedi ndongi yedi nôsangagômbéô sôma, buéyé mbe nôsaba na môma gôénôwedéa. Na dôta ane asaba oma aChrist anganôbono na angamenya gô tsina yamitéma miaô mbe: Na gô pie, gôndéké ébégô.

1 Thessaloniciens 5:17

Vovoni na Nzambé gédundé.

Jacques 4:5

Nôtasa mbe Matendeo MaNzambé matôbeenda bobo mbe: Nzambé anyôngéô, ti v’ekôdéô ényôngéô, gédidi gémavumbangô gôndé wa n’anyô.

I Jean 2:6

One avovo mbe: Me te môvo na Nzambé, adigéké gamabaka Jésus.

II Jean 1:4

Me natsôkéa vamadenga me mbe anoo avo adigaa gô mabégô mapie gamatômu wa n’anyô na Téta Nzambé.

Jude 1:23

Ooboni ahngô ti eembe nôwati ahngô gô soto. Eenani ngeba na gôndé avo te mônongovo. Ngebaye dine digésangana na gomo. Ivô kinani ti v’ekôdéô éakinanga ti na mikandamie miaô mindé na matodi mamane mabévani mayanzahngô gô manyima mamitéma miaô.