Romains 13:12 - New Testament in Mitsogo

¹² Evitsi éapitsi éôta. Nyee ôgiia. Tôkinékéni mane mayanzô gô tsina evitsi. Tôaaténi ékeeyi éamigode gôégenya ébadi nyee ômaagiia.

Romains 13:12 ပူးပေါင်းရင်းမြစ်များ

Romains 13:14

Bandôa gô matambé na gô môtsé tôaatékéni monyo aKumu asô n’anyô Jésus-Christ gatôaata maduani. Nômbiasingana na manyima mabévani mayôtô yasô n’anyô gôédugéda mangô.

I Corinthiens 10:11

Magugame mamabuéa gôndé ahngô mandéké te ndongi gôndé ane aanda va ngima aô. Magugame mameenahngô mamatendu gôéevéda wa n’anyô tôdôngani pitsi yedi tôka vabambani n’ekôdéô éatsinane.

I Corinthiens 7:29

Oôkôni éne énônigôa me ane aTéta agô mbumu éaNzambé. Gôndé wa n’anyô tôsaba na pitsi diyekani, gôsanéa te pesu andéô. Tambô bandôa deo noo, ane amabaani ayanzéké gandé ane asibaéni.

II Corinthiens 10:4

Ekeeyi égenya n’ami kaka éne éamôma atsengene. Ivô te ékeeyi émeetsô wa n’anyô na Nzambé éndé na ngudi buéyé gôébunza mayanza mayabédé. Tôndé gôébunzéda nzéa yadiboe divaka oma gôékanéga éwesea na gôndé Nzambé.

II Corinthiens 6:7

na gô éékéda we mane mapie gô ngudi yaNzambé. Ekeeyie étsôpa we gôégenya n’akasô, na gôéebakanéda wéene, te ékeeyi ésabévéda môma.

Ephésiens 4:22

T’ébandô gasasanye mikanda mievindô, sasani dôta mônongo wanyô ambeego ômabôtu n’anye na ômatôma anye gô metso mamayanzanye mbeego. Mônongoe ône ônde na manyima mabôméda môma gôémôkeeda gôébungana.

Ephésiens 5:11

Nônakanéga évamba n’ane eenda ésima ésaba na tsoongo va mbene aNzambé. Tsigéda ésima éaô éevitsi na gô gévede mbe éenanô.

Ephésiens 5:8

Va mbeego nômabaka gô évitsi. Ivô ndéô nedué nômani étsiga gô gévede gômagésangananye na Kumu Jésus. Tambô digaakani gôémenyanganô mbe nôndé oma andé gô gévede saNzambé.

Hébreux 10:25

Tômbiatsika éwanyéa gô eba aNzambé. Tômbiaba gandé avo amadeka gésima sagévigé na gô eba aNzambé. Géé wa n’anyô buedi mbe tôdenganô gôékasôana wa n’anyôene. Tôôtéa éénda nana veena wa n’anyô mbe nyee agénikéô saKumu ôwesea.

Hébreux 12:1

Wa n’anyô tôndéké tôtandaméô na oma ayekani atôbononi. Tambô tôkinédi magumba metso maditéda wa n’anyô gôékea. Tôkina na mabégô metso mabévani matôdipô tsina na tsina kabaga tôkea. Tôtômbé makôdôme gôékea na môkasa, gôédiia gô nzéane ématôtévuni.

Jacques 1:21

T’ebandô tsikani ésima éetso énde éevindô na mayanza metso mabévani. Bakani na mitéma mimasumani gôédiia Mane Mamavovo Nzambé metso makuyiô mitéma mianyô. Te mabégô mema mooboo anye.

Jacques 5:8

N’anye te mônongovo. Bakani na môvinéné na mitéma misipani. Génikéô saKumu géka gôpégôpé.

I Pierre 2:1

Viiani ngima ésima ébévani éetso. Te diboe na enyepa éamônya na ngusu na matsuavi metso.

I Pierre 4:7

Ekôdéô éamabégô metso ésangaamba ébuéa. Bakani n’ekena. Bakani na tsambu éamabégô gômbe nôngaba na môvinéné g’ôsambô.

II Pierre 3:11

?Va tôena mbe éetso éne ébandôa éwesea gôébungana, midigédi mianyô mingaba nayee? Buedi mbe ôdigédi anyô ôbaké n’etsimama môtémovo na Nzambé.

II Pierre 3:9

Avo oma atasa mbe Kumu adinga édugéda éne émavovo angô. Kaka nane. Ivô Jésus anôenea. Angô asanyôngéô ta na môma môvo abungana. Ivô anyôngéô mbe muetso akoa mitéma miaô gôédiia géobogeo.

I Jean 2:18

Anami, ékôdéô éka gôpégôpé. Nômamana éôkô mbe Môéndi aPégôani te Môvingi aChrist angaviga. Tambô Eendi aPégôani ayekani, Avingi aChrist amani étsutsuga. T’ebandô tôsabômu mbe ékôdéô éka gôpégôpé.

Gétsutsuéô 1:3

Mate gôndé ône atanga mabégô mema. Mate dôta gôndé ône ookôni. Na mate gôndé ane amagobedani. Gôébégô ndéône éngabuéa mabégô mema éka gôpégôpé.

Gétsutsuéô 22:10

Na môsi g’ôba amoomba étôma me mbe: Ombiasuéga v’esooe mabégô mameena éwe, mane mangabuéani mamatendu gô miganda miemi. Gôébégô ndéône émasevouni éne éngabuéa mabégône, éka gôpégôpé.