Romains 12:9 - New Testament in Mitsogo

⁹ Etondo éndé n’anyô ébaké éagébé na buembe. Kékôani ébévee éetso. Nômbiaagana na mane mamisôba.

Romains 12:9 ပူးပေါင်းရင်းမြစ်များ

Matthieu 26:49

Judas amayavôga ékea na vandé Jésus. Angô mbe: Sambaa. Kumu ami. Amasambanéa na Jésus.

Jean 12:6

Asivove nane gô ngeba dimeenangô misuga. Amavovo nane te gômabakangô môkenene agébémbége sadode. Gôndé angô muisui ameesua éne émakuyu gô sangô.

Mayanzame 11:23

Vamatsiga Barnabas gô Antioche, ameena éne émayanza Nzambé gôéétsa asi mbumu éedi mate. Amatsôkéa. Amoongo ahngô ndongi mbe: Nômbiaagana n’evambee éndé anye na Kumu. Bakani na môvinéné mbe mitéma mianyô misipa.

II Corinthiens 6:6

We tôtubéda mbe tôndéké ayanzie aNzambé gô môdigédi asô ômagôgéani, na gô ngeba yasô na gôndéké we na ngudi yaGédidi SaNzambé, na gôndéké we na étondo ésapenganani,

II Corinthiens 8:8

Gô ébégô édué tsanôtôma tômaga. Nanônigôa éne éénda akanyô. Na me tsabômu mbe n’anye gô ényônganéô éndé n’anye nônganyôngéô éénda te mônongovo.

1 Thessaloniciens 2:3

Endé te nane. Mbeeane ébambéa we oma mbe aabéa ésabandôa na ôboe na ésabandôa na mabégô masagô. We tôsabuta ébôméda môma.

1 Thessaloniciens 5:15

Keneani kabaga va gatse anyô gôbaka môma eendô ébévani na avénda te ébévani. Ivô indakani gôndé anyene na va gatse akanyô kuka yetso te mane mamisôba.

1 Thessaloniciens 5:21

Vasani na tônegedani mabégô metso. Nôsevoa gôékenea mane mamisôba mandé na tsoongo.

I Timothée 1:5

Ene ébutu gô môtômee ôngatômewe ahngô te mbe ahngadigaa gô étondo éapie. Na éangô ékusa go môtéma ômagôgéani na môtémee ôseesédu na muangee wedi. Na étondo ékusa dôta go môtémee ôsatsuma Nzambé paga.

Hébreux 1:9

Onyôngéô éénda te mane mamatsimamani. Okina éénda ébévani. T’ebandô Nzambé, te Nzambé éoo, amagôsevoa. Môtémoo ômayôa na gényônga gô gédigaa soo sokumaka. Akoo asidigédu gô sangô.

Hébreux 12:14

Gényôngani gôédigaa na gétabé n’oma muetso na gôéba na môdigédi ônyôngéô Nzambé. Okô nôsidigaa ganyôngéô Nzambé, akanyô mbe asangeena Kumu Jésus gô mônongoe wanyô.

Jacques 3:17

Ivô gôndéké éodo éviga g’ôba te éodo émagôgéani. Ene te ébégô éedi éamapanga, na éodoe éne éndé éagétabé, gébé na nyemo, gébé na tato. Te éodo émayôa na ngeba, na ékuséda go môtéma amôma ésima éamisôba. Eodoe éne ékina matasa mabévani na ésaba n’enyepa éamônya.

I Pierre 1:22

Nômagôgéda mitéma mianyô vamagobedanye mabégô mapie. Na nômadiia étondo éapie éana aTétee. Te vane nyônganéôni pepe anyene n’anyene na mitéma mianyô mietso.

I Pierre 4:8

Nas’ediiaka mabégô metso pángani ényônganéô anyene n’anyene ti v’ekôdéô éenyônganéô. Gôébégô étondo épika mabégô mayekani mabévani.