Romains 12:8 - New Testament in Mitsogo

⁸ One andé na môgôô gôéongô akedi ndongi, oongéké. One andé na môgôô gôékaba ôkitie wedi, akabéké na môtémedi wetso gébé na ninga. One andé na môgôô gôétôma akedi, atôméké na gétabé. Na ône andé na môgôô gôémogeda na gôéwedéa ane andé gô maguga, eendéké na gényônga.

Romains 12:8 ပူးပေါင်းရင်းမြစ်များ

Matthieu 25:40

Kumu amanigôa ahngô mbe: Kuka yetso veendéa anye mabégôme mane gôndé ane amavamba n’ami béyé mbe ti vianéngé, ti eembe nôéndéyi te me.

Mayanzame 11:23

Vamatsiga Barnabas gô Antioche, ameena éne émayanza Nzambé gôéétsa asi mbumu éedi mate. Amatsôkéa. Amoongo ahngô ndongi mbe: Nômbiaagana n’evambee éndé anye na Kumu. Bakani na môvinéné mbe mitéma mianyô misipa.

Mayanzame 13:12

Vameena môtômi anéngéne éne ébuéyini, ameetsa Nzambé môtémedi wetso. Asiôngôédô étsuma paga meekédu manigôa mane maKumu Jésus, gôébégô ameena mbe éndéké ti ébégô évoni.

Mayanzame 13:15

Ndongi yaNzambé na dôta mabégô mapandôédi amatasa maNzambé mamatangô. Vane, atômi eba agéwanyéô amatôma môma mbe: Kiaka ôkebeenda agendee ane mbe: Anee a Téta, ôkô mbe nôndé n’ebégô gôévovo gôékasôgéda anee aTétee n’anyô, vovokoni.

Mayanzame 15:32

Jude na Silas anguene te apandôédi amatasa maNzambé. Amasupuéa ana aTétee n’aô asi mbumu éaNzambé mabégô mayekani gôékasôgéda ahngô na gôésipéda ahngô gô nzéa éaNzambé.

Mayanzame 20:2

Amaseta tsenge nene nyetso na amakasôgéda mitéma miane ameetsa Jésus miangô, gô meekédu medi kuka yetso. Vane amoota na gô Grèce.

Mayanzame 20:28

Bakani misiki gôéwema mitéma mianyô. Gandé môkeneyi akenea ôbuee wedi, mônongovo anye keneani asi mbumu éaNzambé. Gôébégô Gédidi SaNzambé géétsa anye ényanga éamôkeneyi. Bôngôani mbumu éaNzambé. Te éne émavana Jésus na nzina yedi.

Mayanzame 4:36

Gandé môma môvo, te Joseph môsi ébôta éaLévi, amabôtu gô tsenge ééndô mbe Chypre. (Amoogu na akedi mbe Barnabas, événdégéô mbe, ône akasôgédi akedi.)

Romains 12:13

Wedéani asi mbumu éaNzambé gô panda yaô. Keneani agenda na géneega.

Romains 13:6

T’ebandô anye nôvana depuye yanyô. Nzambé amakônza ayanzie avôni gôébongo depuye n’ekena.

I Corinthiens 12:28

Vane tôena mônongovo gamakônza Nzambé mbumune yedi. Amapanga te ane amasevouni na amatômukuni na Jésus. Va ngimaô te apandôédi andongi yedi. Na va ngimaô te eekédi. Na vane te ane atubéda émbégéa éangudi yaNzambé gô mabégô mamisôba manyônganéôni matsapéô môma masoongôa angô énigôa. Va mbene vane te ane andé na ngudi yeedôngéda abeeyi, na ane awedéa akaô, na étômbiatômbia, na ane avovo waanga ôgi ôsiikédu angô.

I Corinthiens 14:3

Ivô bononi ône apandôéda ndongi diviga gôndé Nzambé, angô avovo n’oma gôéweseda ahngô gô nzéane éaNzambé ékea ahngô, na gôékasôgéda ahngô na gôéongô ahngô ndongi.

II Corinthiens 1:12

Bononi éne éndéké n’asô eekédi gôényemôga na ékasôga gôndé anye. Mianga miamitéma miasô mitôtsundéda géesédé we môdigédie wasô na mônongoe wasô ônyepani va gatse ane asavamba na Nzambé na dôta va gatse anye. Tôdigaa n’oma muetso na mavôma maviga gôndé Nzambé gébé na buembe. Te éodo émeetsa Nzambé we étôtévéda nzéa, kaka éodoe ébôtu na môma.

II Corinthiens 11:3

Me nandé na mikebanganô gôndé anye kabaga matasa manyô mabunzéga na kabaga nôgéngôga gôékina Jésus‐Christ na kabaga nôbômu gamabômédu Eve n’oboe ômapata nyogo.

II Corinthiens 8:12

Okô môma eetsa géenza gébé na ninga, Nzambé asinga géne géetsiôni. Nzambé asabono éne ésaba na môma gôéétsa. Abono te éne éndé na môma mbe eetsa éangô.

II Corinthiens 9:11

Gô ndéô yetso Nzambé anganôdugéda ôkitie ôngoongôa anye ékabanéa n’akanyô gébé na guma. Vane ayekani angakuméda Nzambé gô dibiiaye dimeetsa wa n’anyô.

II Corinthiens 9:13

Ene éyanzanye étubéda éne éndé gô mitéma mianyô. Ayekani angakuméda Nzambé gôndé anye nôgobeda ôgi aNzambé na nôtubéda akanyô gameetsanye mitémamie mianyô gô Tsangô Eamôsôba éaJésus‐Christ. Angakuméda Nzambé dôta gôsikiné anye ékabéa ôkitie wanyô n’akanyô muetso.

II Corinthiens 9:7

Buedi mbe môma na môma eetsé gamavangangô gô môtémedi gébakégu na gégiangané. Gôébégô Nzambé anyôngéô ône eetsa na gényônga.

Ephésiens 6:5

Ndongi yedi te yangô avéga. Gobedani kumuye yanyô yava tsina n’edita na gomo. Yanzéani ahngô na môtémovo ti eembe nôyanzéa te amuene Christ.

Colosses 3:22

Anye avéga, gobedani mane matômu anye na kooko yanyô yava tsina. Indani na mitéma mimasumani buéyé mbe asaba wangô gôénôbono, buta mbe nôgobeda Kumu Jésus n’ene éyanzanye.

1 Thessaloniciens 2:3

Endé te nane. Mbeeane ébambéa we oma mbe aabéa ésabandôa na ôboe na ésabandôa na mabégô masagô. We tôsabuta ébôméda môma.

1 Thessaloniciens 2:8

Gôébégô tônônyôngéô na nzoo na gô mitéma miasô, tômanyôngéô énôétsa Tsangô Eamôsôba éviga gôndé Nzambé. Kaka éne étévo, ti na monyoe awéene. Mitéma miasô mimabaka te nane gôndé anye.

I Timothée 4:13

Ngu na vangaviga me, baka na môkasa gôétanga Matendeo MaNzambé v’ekanga, na gôénigôa na gôéékéda mangô.

I Timothée 5:17

Gôndé peeye atôma mbumu éaNzambé n’ekenge, andé kuanakue gôévanô kuka dibaé. Eôtéa gôndé ane asadunda énigôa mabégô metso maNzambé na éékéda.

I Timothée 6:18

Oongô angô ndongi mbe ééndéké mayanza mamisôba na asatanganéda ôkiti ômasuégangô gô gégaa. Atanganédé te ône ômakabangô na gényônga gôéwedéa akaô mbe ône ôndé na tsoongo. Na oombéké ékaba gébé na ninga.

Hébreux 10:25

Tômbiatsika éwanyéa gô eba aNzambé. Tômbiaba gandé avo amadeka gésima sagévigé na gô eba aNzambé. Géé wa n’anyô buedi mbe tôdenganô gôékasôana wa n’anyôene. Tôôtéa éénda nana veena wa n’anyô mbe nyee agénikéô saKumu ôwesea.

Hébreux 13:17

Gobedani atômie wanyô. Sugédani anyene gôéditéda ahngô. Eyanzee yaô na pitsi n’omanda te gôékenea mitéma mianyô. Gô éne éyanzahngô anganigôa va mbene aNzambé. Gobedani angô. Vane ahnganigôa Nzambé gôndé anye na ékasôga, kaka na mitéma miditani. Okô anigôa na mitéma miditani, tambô n’anye nôngaba dôta na mitéma miditani.

Hébreux 13:22

Ana aTétee n’ami agô mbumu éaNzambé, me môékédine, nanôongô mbe: Digaani na môvinéné gôéôkô mabégôme manôtendéa me gôénôkasogéda gô nzéa éaNzambé. Gésangô gegé gésatongo mbe nôngagogo étanga sangô.

Hébreux 13:24

Kômbôani gô inami atômie wanyô, n’asi mbumu éaNzambé muetso. Ana aTétee n’anyô gô tsenge éaItalie anôkômbôa.

Hébreux 13:7

Bangôani ane amapanga énigôa anye ôgi aNzambé gôénôtévéda nzéa. Tanganédani mônongoe ômadigaahngô ngu na vamawa ahngô. Gamabakahngô gétsumé ngudi yaNzambé paga, indaani tsingayi gô mônongoe waô.