Romains 12:7 - New Testament in Mitsogo

⁷ Na ône andé na môgôô gôéwedéa môkedi, awedéké. One andé na môgôô gôéékéda, eekédéké.

Romains 12:7 ပူးပေါင်းရင်းမြစ်များ

Matthieu 28:19

Te ébandô nanôtôma mbe: Kiakani na gô tsengeye yetso. Ikédakani oma muetso gôéba aneengie ami gôékea nzéepo n’ami. Nôétsa ahngô bateme gô ina aTéta Nzambé, na Muanedi Jésus, na Gédidi sedi Sapie.

Jean 3:2

Nicodème amakea na gôndé Jésus na pitsi. Amamômekeda mbe: Môékédi, tômenya mbe Nzambé amatôma éwe gôéékéda we. Môma asoongôa éénda émbégéa ényônganéôni éne ééndewe, buétsé te Nzambé amôétsa ngudi.

Mayanzame 13:1

Va gatse asi mbumu éaNzambé gô Antioche gômabaka apandôédi amatasa maNzambé na eékédie. Ahngô te Barnabas, na Siméon (eendô mbe ône anzue) na Lucius (amaviga gô Cyrène). Na avo dôta te Manaën, (ône amabôngôu gô eba aHérode môtômi atsenge) na Saul.

Mayanzame 20:20

Gô meekédume, tsinôsuéga ta n’ebégô évo éndé na tsoongo gôndé anye gô nzéa éaNzambé. Namanôékéda mabégô metso v’ekanga na gô yeba yanyô.

Mayanzame 20:28

Bakani misiki gôéwema mitéma mianyô. Gandé môkeneyi akenea ôbuee wedi, mônongovo anye keneani asi mbumu éaNzambé. Gôébégô Gédidi SaNzambé géétsa anye ényanga éamôkeneyi. Bôngôani mbumu éaNzambé. Te éne émavana Jésus na nzina yedi.

Mayanzame 6:1

Gô ndéô nene ôtangô aneengie aJésus ômakôndama. Ajuif amavovo ôgi aGrec amasanganédana na Ajuif amavovo ôgi aHébreu. Angô mbe: Mikué miasô misakeneo gakeneo mine mianyô. Nyaa wetso gô ndéô ékabô môyakôe, mine miasô misadiia kuanakue.

I Corinthiens 12:28

Vane tôena mônongovo gamakônza Nzambé mbumune yedi. Amapanga te ane amasevouni na amatômukuni na Jésus. Va ngimaô te apandôédi andongi yedi. Na va ngimaô te eekédi. Na vane te ane atubéda émbégéa éangudi yaNzambé gô mabégô mamisôba manyônganéôni matsapéô môma masoongôa angô énigôa. Va mbene vane te ane andé na ngudi yeedôngéda abeeyi, na ane awedéa akaô, na étômbiatômbia, na ane avovo waanga ôgi ôsiikédu angô.

I Corinthiens 12:5

Gôndéké minongo na minongo gôndé wa n’anyô gôéyanzéa Nzambé ivô Kumune éyanziôni te épo, te Kumu Jésus.

I Corinthiens 14:26

Wa n’anyô ana aTéta ?tôngaba nayee gô ébégô éamigôô? Vatôkôkangana vavo gô géwanyéô samabégô metso maNzambé éndé te nane. Môvo va gatse asô n’anyô andé na embô. Môvo andé n ndongi. Môvo dôta atsutsuédu ébégô na Nzambé. Na môvo andé na meekédume magô aanga ôgi ômeetsô angô na Nzambé. Na môkedi eetsô éodo gôémakoa g’ôgi asô n’anyô. Buedi mbe migôômie mietso mine miwesede mbumu éaNzambé muetso gô nzéa éaNzambé étôgobedani.

Galatie 6:6

One eekéduni Tsangô Eamôsôba akabé éne éedi éetso na ône eekédani.

Ephésiens 4:11

Na te angô akaba migôô gôndé oma ganyôngéô amuene. Ameetsa gôndé avo môgôô mbe asevou na atômu na Christ. Avo dôta waô môgôô te apandôédi adongi diviga gôndé Nzambé. Na avo ameetsô môgôô eetsua Tsangô Eamôsôba. Avo dôta gôéba môkeneyi ambumu éaNzambé na eekédie.

Colosses 4:17

Beendani Archippe mbe: Baka n’ekena gôémangôa éyanzee émeetsô éwe gô gésoo saKumu Jésus.

I Timothée 2:7

T’ebandô Jésus amatôma me gôénigôa ômbanzee wedi na gôndé ane asaba Ajuif. Me tsapata. Nanônigôa te mane mapie mayanza me. Nameekédangô Mabégô Metso MaPie maNzambé mbe eetsa mitéma miaô gô mangô gébé na buétsé.

I Timothée 3:2

One eetsô ényanga gôétôma gô mbumu éaNzambé, buedi mbe abaké môma agébé n’oési ta n’ovo. Buedi mbe abaké mômôgôô amôgeto môvo. Na amenye étôma ôtôe wedi, na abaké n’ekena na égoba. Amenye ékenea agenda. Na asabômu éékédani.

I Timothée 4:16

Owema gô môdigédie woo na gô meekédume moo. Osipa gô metso mane. Endé te nane. Okô ôéndi nane, ôyuua ômuene gô môtsundu, ôyuua te na ane agôôkéôni.

I Timothée 5:17

Gôndé peeye atôma mbumu éaNzambé n’ekenge, andé kuanakue gôévanô kuka dibaé. Eôtéa gôndé ane asadunda énigôa mabégô metso maNzambé na éékéda.

II Timothée 2:2

Mane mamookô éwe me neekéda va pingô yoma amookôni, éwe dôta ikéda mangô gôndé oma amavômani. Na ahngô dôta angakea angaba na ngudi yeekéda n’avo oma.

II Timothée 2:24

Tambô môyanzi aKumu Nzambé asasaganéda na môma. Buedi mbe abaké na gényônga n’oma muetso, na abaké ngu gôéékéda kuka yetso na môvinéné.

II Timothée 4:2

Môtômee te mbe: Ikédaka Mane Mamavovo Nzambé. Nigôa mangô na gébaki gô ndéô yetso. Ndéône ényepeyee, ésanyepeyee, suméaka ikéda gôékoa oma matasa maô. Semba ahngô. Kasôgéda ahngô. Ikéda ahngô na môvinéné ôvôni.