Romains 12:6 - New Testament in Mitsogo

⁶ Nzambé amatôétsa môma na môma wedi môgôô te ôbiia, mbe ayanzé na angô. Okô môvo va gatse awa n’anyô andé na môgôô gôépandôéda ndongi diviga gôndé Nzambé, buedi mbe apandôédéké te gamatômu angô na Nzambé na gandé angô gébé na paga gôndé Nzambé.

Romains 12:6 ပူးပေါင်းရင်းမြစ်များ

Matthieu 23:34

Oôkôni buedi édué. Nangatôma avo apandôédi amatasa maNzambé na oma eodo, n’oma agéneenga gévôni na gôndé anye. ?N’anye nôngaba n’ahngô nayee? Me tsabômu mbe anye nôngayôha avo. Na nôngabôkéda avo va gésumu sowa. Avo dôta nôngabita ahngô na mibitô mievongo gô yeba yanyô yewanyéô. Nôngayunza ahngô mbôka yetso.

Matthieu 25:22

Môyanzine ameetsô yabi dibaé amaditubéda môtômine. Na amamônigôa mbe: Kumu ami, éwe ômeetsaka me yabi dibaé vamakewe. Oeni, yene dibaé dikusi gôyanzi me na dine yoo.

LUC TSANGO EAMOSOBA EMATENDA 11:49

T’ebandô Nzambé gô éodo éedi amavovo mbe: Nangatôma na gôndé oma apandôédi amatasa mami. Nangatôma dôta ane amasevôa me gôétsua tsangône éami. Avo angayôhu. Avo dôta angakuanô.

Mayanzame 13:1

Va gatse asi mbumu éaNzambé gô Antioche gômabaka apandôédi amatasa maNzambé na eékédie. Ahngô te Barnabas, na Siméon (eendô mbe ône anzue) na Lucius (amaviga gô Cyrène). Na avo dôta te Manaën, (ône amabôngôu gô eba aHérode môtômi atsenge) na Saul.

Mayanzame 15:32

Jude na Silas anguene te apandôédi amatasa maNzambé. Amasupuéa ana aTétee n’aô asi mbumu éaNzambé mabégô mayekani gôékasôgéda ahngô na gôésipéda ahngô gô nzéa éaNzambé.

Mayanzame 2:17

Nzambé amavovo mbe: Oôkôni éne éngabuéa gô ndéône éamôyusumédu. Me Nzambé nangatsanzabanéda Gédidige sami na gôndé oma muetso. Anee wanyô amôgôô na anee wanyô ageto angapandôéda matasa mami. Minzambu mianyô na tômbô yanyô angeena ndoti. Peeye yanyô yebôôtô dingeena miôtô.

Mayanzame 21:9

Philippe amabaka n’anageto anayi asibaaôni. Muetso anayi amapandôéda ndongi dimeetsô ahngô na Nzambé.

Romains 1:11

Me nookô tsôvé gôéena anye gômbe nanganôtsuéa môgôô ômeetsa Gédidi SaNzambé gôénôodeda na angô.

Romains 12:3

Me Paul nanôongo ndongi yedi gô ngudi yamôgôô ômeetsô me na Nzambé gô ngeba yedi. Nômbiaba na nyemo gôéba n’etasa mbe: Me te môma môvôni. Môma na môma abangôé mbe ôkanee wedi te ngudiye dimeetsô angô na Nzambé gôémôétsa môtémee wetso gémôtsumé paga.

I Corinthiens 12:18

Menyami mbe Nzambé amakaba éeme éetso g’ôtô te gamanyôngéô amuene.

I Corinthiens 13:2

Buéyé mbe nabéyee na môgôô epandôéda ndongi diviga gôndé Nzambé, na me ôkô tsiba n’etondo éaNzambé gô môtémami me mbe te môma abobo. Buéyé mbe nabéyee n’eodo gôémenya metso moongôa môma émenya vawaa môma na vadônga môma na mavétô metso, na ôkô tsiba n’etondo éaNzambé gô môtémami me mbe te môma abobo. Okô nandé môtémovo na Nzambé gétsumé ngudi yedi paga navovo na môkôdie mbe: nôtôga vane na angô te nôtôga, na me ôkô tsiba n’etondo éaNzambé gô môtémami me mbe te môma abobo.

I Corinthiens 14:1

Butani gôéba na étondo éaNzambé gô mitéma mianyô. Butani dôta migôô miétsa Gédidi SaNzambé. Ti gandé ône epandôéda ndongi diviga gôndé Nzambé.

I Corinthiens 14:24

Tôkanéga dôta mbe môma na môma gô mbumu éaNzambé apandôéda ndongi dimeetsô angô na Nzambé. Na avo eengéa, ane asamenya mabégôme mane na ane asavamba na Nzambé. Gô mane mookiô angô, ahngookô na vede gô mitéma miaô mbe: Me te môbévi. Môtémedi ôngadumédu na ôngeesédu gô mane mapandôédiôni.

I Corinthiens 14:29

Na gôndé ane adiia ndongi diviga gôndé Nzambé gôédipandôéda buedi mbe abaé vo atatô apandôédé. N’akaô andé gôétanganéda ndongiye dine mbe dinyepa vo disanyepa.

I Corinthiens 3:5

Beendani me ?ône atetu mbe Apollos indaa? ?Na ône atetu mbe Paul indaa? ?Apollos na Paul kaka ayanzi aNzambé‐a? We tôndé ti ayanzi aNzambé na gô ngudi yameekédume mamanôékéda we, anye nômagésangana môtémovo na Nzambé. We eekédi tômayanza te éne émeetsô we na Kumu gôéyanza.

I Corinthiens 7:7

Ti gôndé me, nanyôngéô mbe oma muetso abaké gandé me. Ivô tsabômu mbe môma na môma na wedi môgôô ômeetsô angô na Nzambé. Oô wedi, ôô dôta wedi.

II Corinthiens 8:12

Okô môma eetsa géenza gébé na ninga, Nzambé asinga géne géetsiôni. Nzambé asabono éne ésaba na môma gôéétsa. Abono te éne éndé na môma mbe eetsa éangô.

Ephésiens 3:5

Va mbeego ébégôe éne ésinigôganéô n’oma. Ivô gô ndéô nedué, Nzambé amatsigéda éangô gô ngudi yaGédidi sedi na gôndé ane amatômu na Christ, na dôta gôndé apandôédi amatasa medi.

Ephésiens 4:11

Na te angô akaba migôô gôndé oma ganyôngéô amuene. Ameetsa gôndé avo môgôô mbe asevou na atômu na Christ. Avo dôta waô môgôô te apandôédi adongi diviga gôndé Nzambé. Na avo ameetsô môgôô eetsua Tsangô Eamôsôba. Avo dôta gôéba môkeneyi ambumu éaNzambé na eekédie.

Philippiens 3:15

Wa n’anyô tômadinga gô mabégô mema na tôsaba ana avembo gô mbumu éaNzambé, buedi mbe tôbaké muetso n’etasee gôédiia éne éndé v’ekôdéô. Buéyé gandé avo va gatse anyô na mene matasa, amuene Nzambé anganôtévéda éne éapie.

1 Thessaloniciens 5:20

Nômieenza ndongi dipandôéduni diviga gôndé Nzambé.

II Pierre 1:20

Kôngédani ébégô évôni édué. Gôsaba môma angoongôa ésupua amuene mavovia maNzambé mandé gô Matendeo medi mamatsikéô we na apandôédi ambeego.