Romains 12:3 - New Testament in Mitsogo

³ Me Paul nanôongo ndongi yedi gô ngudi yamôgôô ômeetsô me na Nzambé gô ngeba yedi. Nômbiaba na nyemo gôéba n’etasa mbe: Me te môma môvôni. Môma na môma abangôé mbe ôkanee wedi te ngudiye dimeetsô angô na Nzambé gôémôétsa môtémee wetso gémôtsumé paga.

Romains 12:3 ပူးပေါင်းရင်းမြစ်များ

LUC TSANGO EAMOSOBA EMATENDA 18:11

Môpharisien amatema môtie gôévovo na Nzambé mbe: Ah Nzambé, me nagôkuméda mbe tsaba gandé avo oma eesuani, na asaba n’etsimama, na akea gésasô. Me dôta tsaba gandé môbongine adepu ôdôô.

Jean 3:34

One amatômu na Nzambé avovo te mane maNzambé gôébégô Nzambé, ône asaba na guma eetsa oma Gédidi sedi gésaba n’okana.

Romains 1:5

Nzambé amasingéa me mbe nasevou na nakudégu na Jésus gômbe angô anganeegedu. Gésooge sami te gôéweseda na gôndé Nzambé oma ahndé gô tsengeye yetso mbe eetsé Jésus mitéma miaô gémôtsumé paga, na agobédé angô.

Romains 11:20

Ii, éndé te nane. Miangô mimakitsôkô te gô paga yaô. N’anye nômaviagana na miangô gôsitsumé anye Nzambé paga. Ivô nôwema kabaga nôba na nyemo. Digaani na gomo n’egobeda.

Romains 11:25

Anee aTeétee n’ami ôôkôni ébégô édué éapie ésinigôganéô na muetso. Kabaga nôba n’etasa mbe we tômani étsiga v’ekôdéô éodo, nanôomba énigôa ébégô édué. Okabô ôvo éongo eaIsraël asangoongôa éôkô. Vangadugu ôkabôe ane asibôtu gô Ajuif amaviga na gôndé Nzambé gô géobogeo, na vane Ajuif angookô.

Romains 12:16

Bakani n’evamba anyene n’anyene. Nômbiaba na nyemo gôéabatéda anyene ivô bandani buéyé na mayanza moma abobo. Nômbianyemôga gô éodoe éanyene.

I Corinthiens 15:10

Veenanye me deo noo, me nandé nane te gô mate meetsô me na Nzambé. Mate medi mamayanza gôndé me na ngudi dipôni. Eenakani, éne éyanzéa me Nzambé éôtéa n’ene éyanza akasô muetso. Ivô kaka me, te mateme maNzambé mane.

I Corinthiens 3:10

Gô ngudi yagésooge gémeetsô me na Nzambé namayanza ga môseedi eba gôésiga ôbôgee ôngatema ebee. N’atsatsee gôvigi muene avigi gôébatéda pogogoye. Buedi mbe môma na môma abaké n’ekena vasaa angô pogogone yedi.

I Corinthiens 7:17

Gamadigaanye vamabambéô anye na Kumu Nzambé na môgôô ômadenganô n’anye, digaakani te nane. Ene ébeendi me anye te môtôma ôtôma me gô étungue éetso éndé mbumu éaNzambé.

II Corinthiens 10:13

Géé gôndé me Paul tsoongôa éénda mbe nootéyi ényepee g’ôkanee ômeetsa Nzambé. Okô naabatéda memuene te gô éyanzee émeetsô me na Nzambé. Gô éyanzee éne nangaviga na gôndé anye.

II Corinthiens 12:13

?Tambô tsinônyepeda anye asi Corinthe gamanyepeda me dipo mbumu yaNzambé‐a? Na gô pie tsinôduké soma. Kokooye anye, ôkô nanôbévédi gô éne.

II Corinthiens 12:7

Gômatsutsuédu me na Nzambé mabégô mavôni mav’esooe maseenanô n’oma ayekani, Nzambé asanyôngéô mbe nabé na nyemo gô mangô. T’ebangô nameetsô g’ôtô ami ébeea éapievia étsoko me ga tséndé éviga gôndé Satan gôétubéda me panda na ésugéda me kabaga naba na nyemo.

Galatie 6:3

Okô môma amenya mbe: Me nandé ti môma môvôni, tambô te môma abobo, abômédu te amuene.

Ephésiens 3:2

Nômani éôkô gameetsô me na Nzambé gésooge gôénôyanzéa.

Ephésiens 3:4

Vatanganye éangô nôngookô ganigôgéô me éne ésimenyanganô éaJésus‐Christ.)

Ephésiens 4:16

Te gô ngudi yedi mbe éeme éetso éotô éwanya na ngee. Na mbe diôngôye yetso disapengana na dioodo gôéwanyéda ôtôe wetso ékenge. Okô géeme na géeme géndé na éedi éyanza, ôtôe wetso ôngavunda na ôngoongôga na vitoo.

Philippiens 2:13

Menyani mbe Nzambé asatsika éyanza gô mitéma mianyô. Ayanza mbe nôôkô tsôvé gôémôgobeda. Na ayanza mbe nôndéké na ngudi gôékea gô nzéane émakônzangô gôndé anye.

Colosses 1:29

Gôémangôa éyanzee éne, nagényôga ti na ngudi yetso dipôni diitsô me na Christ na diduméda gôndé me.

Colosses 2:13

Va mbeego gôsikiné anye manyima mabévani mayôtôye yanyô na nôsimenye évamba na Nzambé mitéma mianyô mimabaka g’oma amawani. Géé deo noo, Nzambé amatôsingéa kokoo gô mabégô masô n’anyô mabévani metso. Na amakundua anye gôéba monyovo na Christ.

I Timothée 1:14

Kumu asô n’oo Nzambé ameetsa me mate medi masaba n’okana. Ameetsa me ngudi gôémôdeekeda môtémee wami wetso gébé na buétsé. Amayuéséda môtémami n’etondo éedi étôdiiani gô évambee éndé wa n’oo na vitoo na Jésus‐Christ.

I Timothée 2:15

Buéyé mbe nane, môgeto angoobou gômenyangô ébôta ana na gômenyangô édigaa môtémedi wetso gôndé Nzambé gémôtsumé paga. Adigaa na étondo na môdigédi ômagôgéani gébé na nyemo.

I Timothée 2:9

Nanyôngéô mbe ageto aata maduani maô kuanakue na ndéôye diaata ahngô. Amaaté gô mônongo amôsôba gétsede akaô. Buedi mbe ageto abaké gébé na tsoki gô tsôgé yaô. Gôebégô éamisanga na mianza na mapungadede na miôdô, ésaba buedi gôéaata miyekani na mosunu ôvôni. Mikandamie dôta, kaka miosunu ôvôvôni.

Tite 2:12

Ngebaye yedi dine ditubéda we ganyôngéô Nzambé mbe tôviié ngima môdigédi asagô na tsôvé yetso yava tsina. Na ganyôngéô angô mbe tôdigéé na mavôma gô tsengene na ésima éamisôba ésapengana n’ene ényôngéô amuene.

Tite 2:2

Beenda peeye yamôgôô mbe: Digaani ékenge, n’esima éamisôba, n’eodo. Beenda ahngô mbe: Sipani gô nzéa éaJésus étôkeani édué. Na bakani n’etondo na ôbibo.

Tite 2:4

Ndongiye te gôéékéda tômbôye mbe: Nyôngéôni omée wanyô n’etondo. Nyôngéôni anee wanyô na gényônga.

Tite 2:6

Na gôndé minzambu te mônongovo. Beenda ahngô mbe: Bakani n’esima éamisôba.

Jacques 4:6

Buéyé mbe nane, Nzambé atôétsa mene mate mootéa mane. Matendeo MaNzambé matôbeenda mbe: Nzambé agoméa asi nyemo. Ivô eetsa mate gôndé ane asaba na nyemo.

I Pierre 1:13

Mônongovo goodeda môma édatedi, oodedani édidi éanyô gôévéngéa éne évigani. Bakani misiki. Bakani na môténdéda ôvôni gô mane mangeetsô anye ôbiia vangatsutsuga Jésus‐Christ.

I Pierre 4:11

One asabômu évovoni, anigôé akedi meekédu maNzambé. One asabômu éyanza na mogo medi ayanzé akedi gô ngudi yaNzambé. Gômbe gô mabégô metso kumane éngabata na gôndé Nzambé gô ina aJésus‐Christ. Ondômba na ôkumaka na ngudi dindé gôndé Jésus‐Christ gô môbô na môbô. Amen.

I Pierre 4:7

Ekôdéô éamabégô metso ésangaamba ébuéa. Bakani n’ekena. Bakani na tsambu éamabégô gômbe nôngaba na môvinéné g’ôsambô.

I Pierre 5:5

Gôndé anye nôgébaka minzambu na tômbô, ôôkéôni payi yambumu éaNzambé. Vandé anye na géengi digaakani gébé na bôpeeo. Matendeo MaNzambé matônigôa mbe: Nzambé akina asi bôpeeo. Angô eetsa mate medi gôndé ane ahndé na mavôma.

I Pierre 5:8

Bakani misiki Wemani. Môdudeo anyô, yabédé abégôa ga gémbungu gégunga gôébuta éngmbuguméa ône anyôngéô angô éaa. Bakani mitémamie mietso gôndé Nzambé.

III Jean 1:9

Namatenda vipesu viagésangô na gôndé asi mbumu éaNzambé ivô Diotrèphe, mômôgôô nône abuta éba payi va gatse aô, na angô akina ndongiye dimoongô me ahngô.