Romains 12:2 - New Testament in Mitsogo

² Nômbiagésangana mônongo ôvo na ésima évo n’asi tsengene. Ivô tsikéani Nzambé anôkoa matasame mbe mapengana na mane mamabaka n’anye mbeego. Vane nôngamenya éne ényôngéô Nzambé gôndé anye. Te éne éamisôba, na mane meetsimama na masapengana na matasa medi.

Romains 12:2 ပူးပေါင်းရင်းမြစ်များ

Matthieu 13:22

Avo te ane ahgono na tungune éndé kavanga. Ahngô ane te ane ookô Mabégô MaNzambé. Ivô matasa maô metso te mikebanganô miava tsina. N’ahngô ahbômédu n’onzôô okiti. Te mabégô mema mayôha Mabégô MaNzambé na makoa mangô maka na sawa na meendô mbe mabégô mabobo.

Marc 4:19

Ivô matasa maô metso te mikebanganô miava tsina. N’ahngô ahndé n’onzôô okiti na mavo manyima mabévani. Te mabégô mema mayôha Mabégô MaNzambé na makoa mangô maka na sawa na meendô mbe mabégô mabobo.

Jean 14:30

Tsangadôvovo mayekani n’anye. Tsesune, ône atôma tsinane avigi. Otômue wedi ôsatôma me.

Jean 15:19

Anye mbe nôndé n’evamba na tsengene, asi tsengene mbe asanganôvinga gôndé anye géengi gévo n’ahngô. Géé anye nômasevou n’ami, namanôtatôa gôndé asi tsengene, nôsabadô gééngi gévo n’ahngô. T’ebandô anôvinga.

Jean 17:14

Nameetsa ahngô mabégô moo. Asi tsengene avinga ahngô to gôsabahngô n’evamba na mabégô matsengene, te mônongovo gandé me gébé n’evamba na mabégô matsengene.

Jean 7:7

Oma ava tsina asoongôa évinga anye. Ivô ahvinga te me. Gôébégô napandôéda ahngô mbe ésimee ééndahngô ésanyepa.

Romains 12:1

Ana aTétee nanôduka mbe: Itsani anyene na gôndé Nzambé. Mbe yôtô yanyô dibaké ga digondoku didôngani dideekedu na gôndé Nzambé asakina yangô. Gô éne émayanzéa Nzambé wa n’anyô gô ngeba yedi, tônikédé éneegeda angô na yôtôye yasô n’anyô.

Romains 13:14

Bandôa gô matambé na gô môtsé tôaatékéni monyo aKumu asô n’anyô Jésus-Christ gatôaata maduani. Nômbiasingana na manyima mabévani mayôtô yasô n’anyô gôédugéda mangô.

Romains 7:12

Ivô migemie mindé mietsimama éaNzambé amuene. Na mitômamie misapengana na minyepa.

Romains 7:14

Tôsabômu mbe mige miaNzambé misapengana na minyepa. Ebévee éndé na me, môma ava tsina. Namabôtu môvéga amabégô mabévani.

Romains 7:22

Gô tsina amôtémami nanyôngéô mige miaNzambé ti nyôngéô.

I Corinthiens 3:19

Gôébégô éodo éatsenge nedué éndé ti éogiô va mbene aNzambé. Endé te mônongovo gatônigôu na Matendeo MaNzambé mbe: Nzambé akubéda oma eodo gô pagôye dimatambéa ahngô gôékubéda akaô.

II Corinthiens 4:4

Asangoongôa ésinga mangô gôébégô Môtômine môbévani atsinane édué amakukéga yôkiia yamitéma miaô n’okutue. Te Môtômine ône iméda ahngô misome mbe kabaga eena gévedege gétanédu na Tsangô Eamôsôba étôtubéda ôndômba ôndé na Jésus‐Christ. Na étônigôa mbe Jésus te gégoni saNzambé.

II Corinthiens 5:17

Okô môma aka monyovo na Christ akou pepe, aka wene mônongo amôma. Metso mane mamabaka n’edi mambeego mamadimbana. Na mane mandéké n’edi te mamanza mamisôba.

Galatie 1:4

Christ amaadeekeda amuene ngu na g’ôwa gô ébévee éasô n’anyô. Te gôétôoboo na gôétôkuséda g’ôvéga ômatômuku we na tsinane éadeo noo édué éndé émayôa na mabégô mabévani. Te éne émanyôngéô Tetasô n’anyô Nzambé.

Ephésiens 1:18

Me naduka Nzambé mbe gévede sedi gévôni géngatana gô mitéma mianyô gômbe anye nôngeena na vede na miso magédidi mane matôténdédani mandé gôndé wa n’anyô tômabambeô na Nzambé gô nzéane étôkeani. Na mbe nôngeena ôkitie ondômbee amikuanya ômakôkégéô gôndé ane amabambéô na Nzambé gôéba asi mbumu éedi.

Ephésiens 2:2

Gô ndéô nene nômagésangana gô ésima na môdigédi asi tsengene. Nômagobeda ône atôma édidie ébévani éangudi éava tsina. One atômani ône, ayanza deo noo gô mitéma miane akékôa ôgi aNzambé.

Ephésiens 5:17

Nônaba n’odungé ivô gémbôgani gôémenya éne ényôngéô Kumu Jésus mbe nôénda éangô.

Colosses 1:9

T’ebandô tôsadunda évovo na Nzambé gôndé anye bandôa nyee ômookô we tsangône yanyô. We tôduka Nzambé mbe Gédidi sedi génôétsa éodo éetso na ébagé éetso gôénômenyeda pepe nzéane émakônzangô gôndé anye.

Colosses 3:10

Nômamana ébongo wene ôtô na wene mônongo. Nôndé oma atsatsee nôgono na môvangine wanyô, Nzambé. Vootéa anye ékoga gandé amuene nôngootéa dôta émômenya.

Colosses 4:12

Epaphras, ône amabaka gôndé anye môsi mbumu éaNzambé, anôkômbôa. Angô te môyanzi aJésus‐Christ asanzeegeda évovo na Nzambé na môvinéné wetso gôndé anye. Aduka Nzambé gôénôodeda mbe nôngaba oma amoongôga na amadômbéa gô mabégô maNzambé. Na mbe nôsangagogo éyanza mane manyôngéô Nzambé.

1 Thessaloniciens 4:3

Nôeni éne ényôngéô Nzambé gôndé anye, te mbe nôaaganana na mabégô mabévani gôéba môvo n’edi gô étsimama. Na mbe nôkina minongo mietso miagésasô.

Tite 3:5

Amooboo wa n’anyô. Asatôoboo gô ngudi yamayanza n’esima éasô n’anyô, gôébégô éangô ésinyepeke. Amatôoboo te ti gô dimeenangô wa n’anyô. Amatôoboo gô gégôgédéô samitéma miasô n’anyô gématôôvôu na Gédidi SaNzambé. Gégôgédéôge géné te géné gétôbôtu ôbôtu amôbaé, ône aGédidi SaNzambé. Na te géne gétôétsa wene mônongo amonyo, ône amôbô na môbô.

Jacques 1:27

One andé na gô pie môma aNzambé, gébé n’oési va mbene aNzambé te ône aweda ana atsani na mikué gô panda yaô. Na akumba mane mabévani matsenge nedué.

Jacques 4:4

Anye nôvamba mavamba mabaé. ?Nôsamenya mbe ône andé n’evamba n’esima éatsengene asaba n’evamba na Nzambé? One andé na vitoo n’esima éatsange nedué akoga te môdudeo aNzambé.

I Pierre 1:14

Mônongovo g’ana ookéô ôgi apayi, anye ookéôni Nzambé. Nômbioomba éaanda tsôvé yanyô yava mbeego vamabakanye g’ôdungé.

I Pierre 1:18

Anye nômoobou gôénôtôga gô môdigédi asagô agébé na tsoongo ômatsikéô anye na tétee yanyô. Nôsabômu mbe nômoobou na Nzambé kaka gô ngudi yadode na yadodo.

I Pierre 2:3

Te gatônigôu na Matendeo MaNzambé mbe: Anye nômabandôa ébémba môgangu aKumu Jésus.

I Pierre 4:2

Bandôa deo noo môma nône asadigaa gô manyima mamôtéma ômabôtu na ôtô amôma. Ivô gô ndéône égébakangô va tsina adigaa ganyôngéô Nzambé.

II Pierre 1:4

Ene étômenyeda divanga yamisôba dipôni dimeetsô wa n’anyô na Nzambé te ôndômbee wedi ne géneega sedi. Tômeetsô sangô na Nzambé te mbe tôngagésangana gô môanga aNzambé te gôtôkumba manyima mabunganani magô tsengene.

II Pierre 2:20

Te vane ôkô oma ahmani éaagana na mabégô mabévani matsengene gôvambangô na Kumu na Mooboyi asô n’anyô Jésus‐Christ, na ahngô anikéa éadeekeda anguene gô mabégô mabévani na yôtô yaô divoo pepe. Ebévee éaô éamôbaé éôtéa ébévee éamapanga.

I Jean 3:13

Ana aTéta nômbiatsapéô gadudanô anye n’oma atsengene.

I Jean 5:19

Tôsabômu mbe tôndéké ana aNzambé na tsengene nyetso éndéké gô tsina otômu aMôbévine.

Gétsutsuéô 12:9

Gényogonyogo géne gémapatsédu. Te angô nyogone éambeego étetu mbe yabédé, na Satan, abôméda oma muetso. Amapatsô na gô tsina, angô n’ayanzi edi muetso.

Gétsutsuéô 13:8

Oma muetso ava tsina anganeegeda te Genyamanyamage géne. Ekegea mbe, muetso te ane ahsaba na mina maô mamatendu v’ebandô atsina n’oba gô miganda miamonyo. Migandamie te mine miaMôpaga ômayôhuni.