Romains 12:16 - New Testament in Mitsogo

¹⁶ Bakani n’evamba anyene n’anyene. Nômbiaba na nyemo gôéabatéda anyene ivô bandani buéyé na mayanza moma abobo. Nômbianyemôga gô éodoe éanyene.

Romains 12:16 ပူးပေါင်းရင်းမြစ်များ

Matthieu 11:5

Nigôani angô geeni anye mbe asi pogu eena, na ékonzo akea na makôdô manguene, n’asi ébeea éagega adôngi, na asi ndiba ookô, na ane awakini akundugi, na misuga miikédu Tsangô Eamôsôba.

Matthieu 26:11

Misugamie mindéké n’anyô pitsi yetso. Géé me, tsangaba n’anyô.

LUC TSANGO EAMOSOBA EMATENDA 14:13

Gô môambôe woo asueti, bambéaka te misuga, na ane ahmagégésanéani na ane atsuédimani, n’asi pogu.

LUC TSANGO EAMOSOBA EMATENDA 6:20

Jésus amabono aneengie edi na amavovo n’ahngô mbe: Ti gô gényônga géndé n’anye nôndé gébé na sôma. Okumu aNzambé ôndé gôndé anye.

Mayanzame 4:32

Géômbé sane ameetsa Jésus mitémamie, gémabaka étasevo na môtémovo. Ta na môma môvo amavovo mbe: Eôma éami éndéké te éamemuene. Ivô éôma éaô éetso ésibé na kumu, émagésu vavo.

Romains 11:20

Ii, éndé te nane. Miangô mimakitsôkô te gô paga yaô. N’anye nômaviagana na miangô gôsitsumé anye Nzambé paga. Ivô nôwema kabaga nôba na nyemo. Digaani na gomo n’egobeda.

Romains 11:25

Anee aTeétee n’ami ôôkôni ébégô édué éapie ésinigôganéô na muetso. Kabaga nôba n’etasa mbe we tômani étsiga v’ekôdéô éodo, nanôomba énigôa ébégô édué. Okabô ôvo éongo eaIsraël asangoongôa éôkô. Vangadugu ôkabôe ane asibôtu gô Ajuif amaviga na gôndé Nzambé gô géobogeo, na vane Ajuif angookô.

Romains 12:3

Me Paul nanôongo ndongi yedi gô ngudi yamôgôô ômeetsô me na Nzambé gô ngeba yedi. Nômbiaba na nyemo gôéba n’etasa mbe: Me te môma môvôni. Môma na môma abangôé mbe ôkanee wedi te ngudiye dimeetsô angô na Nzambé gôémôétsa môtémee wetso gémôtsumé paga.

Romains 15:5

Môvinéné asô n’anyô na ékasôga éasô n’anyô éviga gôndé Nzambé. Te mbe angô atôétsa ngudi gôédigaa na vitoo gô mbumu éaNzambé mônongovo gadigaa amuene Jésus-Christ.

Romains 6:2

Géndégégé. Tômani éwa gô mane mabévani. ?Tôngoomba éyanza gô mangô nayee?

I Corinthiens 1:10

Ana aTéta gô ina aKumu asô n’anyô Jésus‐Christ me nanôongô mbe: Bakani na ésinganéa gébé na tatô. Bakani n’évambevo n’etasevo gôékea nzéepo.

I Corinthiens 3:18

Nôkenea kabaga môma abômu amuene. Okô môvo va gatse anye amenya mbe andé n’eodo gakegea éodo éatsengene asugédé amuene mbe: tsaba n’eodo, na vane angadiia éodo éapie.

I Corinthiens 4:10

We tôndéké ga égiô gôébégô éaChrist na anye te ome eodo gôvambanye na Christ. We te tôpôpéate na anye te oma angudi. We te adetuni na anye te oma akuméduni.

I Corinthiens 6:5

Navovo nane gôénôétsa tsoyi. ?Tambô va gatse anyô gôsaba ta na môma môvo andé n’eodo gôékônza ébégôe‐a?

I Corinthiens 8:2

One atasa mbe: Me tsabômu metso, abômu ti bômugu.

II Corinthiens 13:11

Te nane ana aTétee n’ami, gésoo navovi. Nakôdéyi te vane. Butani édiia étsimama. Kasôgédanani anyene n’anyene. Bakani na vitoo. Digaakani gô gétabé. Na vane, étondo éaNzambé na gétabé sedi géngaba gôndé anye.

Philippiens 1:27

Eébéyée nane, digaakani na môdigéô ôsapenganani na Tsangô Eamôsôba éaJésus‐Christ. Navigéyee gôénôena, tsavigéyee nangookô mbe: Ahndé muetso na étasevo gôésipa ti v’ekôdéô, éesipa. Gô ébadi égenyuni, andé muetso na môtémovo gôétseda paga, buta mbe Tsangô Eamôsôba éaJésus‐Christ édiia.

Philippiens 3:16

Buéyé mbe nane, ôkani tôweséni gô nzéane étôkéani édué.

Philippiens 4:2

Anye ageto abaé, Evodie na Syntyche, nanôtôma ivô tsatôma, nanôgondo te gondogo mbe, vambakani évambevo n’etasevo ga mônô na môdimi agô mbumu éaNzambé.

Hébreux 13:5

Nômbiasinga mbe tsôvé yadode ditôma anye gô môdigédie wanyô. Tsôkéakani te éne éndé n’anye. Gôébégô Nzambé amavovo mbe: Me tsangoongôa égôtsika. Me tsanganôtôga gôégôtsika ômuene.

I Pierre 3:8

Te nane, anye muetso bakani n’etasevo. Bakani na tsôvé dipo. Va gatse anyô bakani n’etondo éana aTétee, asi mbumu éaNzambé. Bakani na ngeba. Sugédani anyene va mbene akanyô.

I Pierre 5:3

Nômbiabuta ébatéda anyene gôéôtéa ane ahyanza n’anye éyanzevo. Bakani ôkana va gatse amandombo maNzambé mbe anganôgoo.

III Jean 1:9

Namatenda vipesu viagésangô na gôndé asi mbumu éaNzambé ivô Diotrèphe, mômôgôô nône abuta éba payi va gatse aô, na angô akina ndongiye dimoongô me ahngô.