Romains 12:10 - New Testament in Mitsogo

¹⁰ Bakani n’etondo gôndé anyene gandé ana aTétee ahndé n’enyônganéô évôni. Gobedanani anyene n’anyene na gényônga.

Romains 12:10 ပူးပေါင်းရင်းမြစ်များ

Matthieu 20:26

Ivô gôndé anye ésaba nane. Okô môvo va gatse anyô anyôngéô éba pene abaké môyanzi aakedi.

LUC TSANGO EAMOSOBA EMATENDA 14:10

Nôeni éne éôtéa ényepani te mbe vangakôvu éwe na gô sueti, kiaka ôkedigaa gô gébôngô sagô kôbangô. Vane kumu asueti angagôbambéa mbe: Waé, vigaka. Ovidigaa éva n’ami gô gédigaage samôsôba egé. Na vane va miso makoo muetso akôviôni, te éwe ôgobediôni.

Jean 15:17

Môtômee ôtsikéa me anye te mbe: Nyônganéôni anyene n’anyene.

Jean 17:21

Nagôduka Téta mbe angô muetso angaba môvo na wa n’oo, gandé éwe môvo n’ami. Me dôta nandé môvo n’ewe. Nagôduka mbe anguene angaba n’evamba gômbe asi tsengene asangatsuma paga mbe me tsitômu n’ewe.

Mayanzame 4:32

Géômbé sane ameetsa Jésus mitémamie, gémabaka étasevo na môtémovo. Ta na môma môvo amavovo mbe: Eôma éami éndéké te éamemuene. Ivô éôma éaô éetso ésibé na kumu, émagésu vavo.

Romains 13:7

Vanakani mitete mindé n’anyô, môma te môma. Vanani depu gôndé môbongi adepu, na môtete gôndé môbongi amôtete. Vanani n’egobeda. Neegeda ône adigédiô gô gétungu sokumaka.

Galatie 5:13

Ivô gôndé anye ana aTéta, nômakusédu na Nzambé g’ôvéga. Wemani vadigaanye g’ôkumu, nômbiaaga gô manyima mabévani mayôtô yanyô. Ivô n’etondo évôni wedanéani anyene n’anyene.

Galatie 5:22

Tambô gabôta géétété samôsôba miônda miedi miamisôba, mônongovo gaGédidi SaNzambé gébôta gô môtéma amôma ésima éedi éamisôba. Gébôta t’etondo, na gényônga, gétabé, ôbibô, tsôvé oma, ngeba, mavôma,

Galatie 5:6

Okô tôndéké na vitoo na Jésus‐Christ, tôgeetuyee, tôsageetuyee, ésaba ébégô. Ene éndéké n’ebégô te mbe tôôtéé ényôngéô Nzambé na tômôétsé mitéma miasô mietso gébé na paga.

Philippiens 2:3

Gô metso mayanzanye, nômbiasinga gédidi satsaé gédigaa gôndé anye. Nômbieenda mabégôme gô nyemo gôébuta éôkanô. Ivô sugédani anyene. Buedi mbe môma na môma abé n’etasa mbe akasô ootéa avôni n’ami.

Colosses 1:4

Endé te nane gôébégô we tômookô tsangô éanyô. Tômookô gameetsanye Jésus‐Christ mitémamie mianyô gémôtsumé paga. Na tômookô gandéké anye na vitoo n’asi mbumu éaNzambé muetso.

1 Thessaloniciens 4:9

Nôsabutadô éongu ndongi gôébégô éavitoone éndéké n’ana aTétee asi mbumu éaNzambé. Endé te nane, nômani éékédu na amuene Nzambé gakegea étondo éavitoone éasô n’anyô.

II Thessaloniciens 1:3

Ana aTétee asi mbumu éaNzambé, tôsatsika ékuméda Nzambé gôndé anye. Endé kuanakue gôtôénda nane. Gôébégô anye nôôtéa éwesea gô mbene na gô mbene gô nzéa éaJésus étôkeani édué. Etondo éndé n’anyene n’anyene éndé gôékôndama ti kôndama

Hébreux 13:1

Nômbiatsika ényônganéôe éndé n’anye éavitoone, nôndé gô mbumu éaChrist.

I Pierre 1:22

Nômagôgéda mitéma mianyô vamagobedanye mabégô mapie. Na nômadiia étondo éapie éana aTétee. Te vane nyônganéôni pepe anyene n’anyene na mitéma mianyô mietso.

I Pierre 2:17

Bakani na sekaseka gôndé oma muetso. Nyôngéoni ana aTétee n’anyô. Gobedani Nzambé na gomo. Gobedani atômie atsengene.

I Pierre 5:5

Gôndé anye nôgébaka minzambu na tômbô, ôôkéôni payi yambumu éaNzambé. Vandé anye na géengi digaakani gébé na bôpeeo. Matendeo MaNzambé matônigôa mbe: Nzambé akina asi bôpeeo. Angô eetsa mate medi gôndé ane ahndé na mavôma.

II Pierre 1:7

Va ngongo éenanama na Nzambé, kôndégani étondo éana aTétee agô mbumu éaNzambé. Va ngongo étondo éana aTétee kôndégani tsôvé oma.

I Jean 4:11

Omami amôtéma ôkô mbe éndé nane mbe Nzambé amanyôngéô wa n’anyô tambô tônyônganéôni wa n’anyôene na wa n’anyôene.

I Jean 4:20

Okô môma avovo mbe: Me nanyôngéô Nzambé na angô adudu môkedi, angô te môpati. Bononi. ?Angô gényôngéô môkedi eena angô na miso, anganyôngéô Nzambé aseenanôni‐a?