Romains 12:1 - New Testament in Mitsogo

¹ Ana aTétee nanôduka mbe: Itsani anyene na gôndé Nzambé. Mbe yôtô yanyô dibaké ga digondoku didôngani dideekedu na gôndé Nzambé asakina yangô. Gô éne émayanzéa Nzambé wa n’anyô gô ngeba yedi, tônikédé éneegeda angô na yôtôye yasô n’anyô.

Romains 12:1 ပူးပေါင်းရင်းမြစ်များ

LUC TSANGO EAMOSOBA EMATENDA 7:47

T’ebandô nagôbeenda mbe ti étondo ényôngéô angô me, étubéda mbe mabégô medi mayekani mabévani masingéyiô kokoo. Géé ône asingéô kokoo gô vipesu viebégô anyôngéô me te vipesu.

Romains 12:2

Nômbiagésangana mônongo ôvo na ésima évo n’asi tsengene. Ivô tsikéani Nzambé anôkoa matasame mbe mapengana na mane mamabaka n’anye mbeego. Vane nôngamenya éne ényôngéô Nzambé gôndé anye. Te éne éamisôba, na mane meetsimama na masapengana na matasa medi.

Romains 15:16

Amasevoa me gôéba môyanzi aJésus-Christ gôndé ane asaba Ajuif. Eyanzee éami te gôénigôa ane asaba Ajuif Tsangô Eamôsôba émaviga gôndé Nzambé. Nayanza gameenda môdeekedi adigondoku. Nadeekeda ane asaba Ajuif ôbiia na gôndé Nzambé. Gô ngudi yaGédidi sedi, Nzambé asinga ôgondokue ône.

Romains 15:30

Oôkôni éne énôduka me ana aTétee agô mbumu éaNzambé. Gô ina aKumu asô n’anyô Jésus-Christ, na gô étondo ématôétsô na Gédidi SaNzambé, wedéani me gô ébadi étôgenyani. Ebadie te gôévovo na Nzambé gôndé me.

Romains 2:4

Tambô vabibéda Nzambé na suii na veenéa angô abévi akoa mitéma miaô gôéba wene mônongo ?éwe ôenza Nzambé na ôkanéga Nzambé-a? Osamenya mbe ngeba dienanô éwe na Nzambé dindé mbe ôngakoa môtémoo na mônongoe woo.

Romains 6:13

Nômbiadeekeda éeme éayôtô yanyô gôéyanza mabégô mabévani. Kabaga kumu éebéva ayanza na éangô gô mane medi mabévani. Ivô deekedani anyene na gôndé Nzambé, anye nômakunduga g’ôwa gôéba n’edi monyovo. Itsani anyene gôéyanzéa Nzambé gômbe amuene angayanza na éeme éanyô éne ényôngéô angô.

Romains 6:16

?Tambô anye nôsamenya mbe nôndé na ngudi yesevoa kumune ényôngéô anye, ône angayanzéa anye-a? Okô nôsevoa mabégô mabévani gôégobeda mangô, manganôétsa ôwa. Okô nôsevoa ôgi aNzambé gôégobeda angô, ônganôtsimaméda gôéba gébé n’oési va mbene aNzambé. Nôngaba avéga akumune éngagobedanye.

Romains 6:19

Me Paul navovo n’anye nakanéga na tsavane éovéga te gôdagéô anye énigôgéô mabégô mema. Gô mbeego nômatsôkéa gôéadeekeda anyene g’ôvéga amayanza mabévani manzooh, na nômadigaa sagô. Tambô n’atsatsee deekedani anyene na gényônga ga avéga akôô aJésus gôéba na môdigédi ômagôgéani.

Romains 9:23

Amatubéda dôta ôkitie wetso ôndé g’ôndômbee wedi gôndé wa n’anyô tôgono n’epedee tôbônda ngeba yedi. Te wa n’anyô tômasevou n’edi gôédigaa n’edi vavo gô géneega sondômbedi.

I Corinthiens 1:10

Ana aTéta gô ina aKumu asô n’anyô Jésus‐Christ me nanôongô mbe: Bakani na ésinganéa gébé na tatô. Bakani n’évambevo n’etasevo gôékea nzéepo.

II Corinthiens 10:1

Me Paul nanôgondo mbe kokooni yanye, ôôkôni éne énganônigôa me. Avo nôvovo mbe vadigaa Paul vandé we éva andé ti môsiki edi na gétabé. Ivô ti mane makudégangô andé gôdagôda te matsakiméda môtéma amôma. Me Paul nanôgondo gô ngeba na gô divooti yamuene Christ mbe

II Corinthiens 4:1

Te amuene Nzambé asaba na ninga, ameetsa we eekédi éyanzee éndé n’asô. T’ebandô mitéma miasô misanika gévii.

II Corinthiens 4:16

T’ebandô tôsagogo. Buéyé mbe yôtô yasô ditsogedu na dibandôa ésega, ivô édidie éasô ékôndégu ngudi na monyo, énya n’enya.

II Corinthiens 5:20

We gébika saChrist tôvovo n’anye, ti eembe te amuene Christ avovo n’anye. Tônôbambéa ti eembe te amuene Nzambé anôbambéani. Tônôgondo gô ina aJésus‐Christ mbe singani angô gôénikéa évambédu évambevo na Nzambé.

II Corinthiens 6:1

T’ebandô we eekédi tôyanza évévé éyanzevo na Nzambé, tônôtôma mbe: Nômbiasinga édimbanéda ngeba dimeenanô anye na Nzambé.

Ephésiens 4:1

Me Paul nandé môsi eba atsôgôô gôyanzéa me Kumu Jésus. Nanôtôma mbe kiakani mitie mônongovo gamanyôngéô Nzambé vamabambéa angô anye gôékea n’edi géômbé gévo gô nzéane yedi.

Ephésiens 5:10

Tôtônegede éne éamôsôba gôésevoa mane manyôngéô Kumu Jésus.

Philippiens 1:20

Ekegea te nane. Tsoongone éami te Christ, ône eenéa me mbe angaviga. Namôenéa na môtéma agébé na gomo na gébé na tsoyi. Nandé deo noo gamabaka me na mbeego na môtéma ômasumani gébé na buétsé, ônyôngéô mbe ôkumaka aChrist ôenanô gô ôtôe wami, nawéyiee, tsawéyiee.

Philippiens 2:17

Veetsanye Nzambé mitéma mianyô gémôtsumé paga, te gandé ôgondoku ômôdeekeda me. Mavooe me nangakôndéga monyoe wami na nzinaye yami mbe éngeetama va ngongo ogondokue ône va mbene aNzambé. Okô mbe ébé nane, anye gésanganani gôétsôkéa gényônga gévo n’ami.

Philippiens 4:18

Menyani mbe namani édiia te éetso émakudéganye ne éndé éetso émadugani. Vavigi Epaphrodite n’atsatsee na éne émeetsanye ôbiia, tsabutadô sôma. Mane meetsanye ôbiia, magono na ôgondoku ôbékuni. Mbôngane éedi éamôsôba ébutima na gôndé Nzambé éétsa angô môgangu. Ogondokue wanyô ôsingéô na Nzambé.

1 Thessaloniciens 4:1

Ana aTétee asi mbumu éaNzambé, nômani émenya môdigédi na ésima éamisôba ényôngéô Nzambé. Na gô pie nôdigaa te gô angô. Ivô deo noo nanôtôma, na nanôgondo gô ina aKumu Jésus mbe, ombani ényepeda mônongoe wanyô.

1 Thessaloniciens 4:10

Anye nôndé n’evamba n’asi mbumu éaNzambé gô tsenge yetso yaMacédoine te nane. Ivô tônôongô mbe, ombani ékôndéga vitoone éndéké n’anyô.

1 Thessaloniciens 5:12

Ana aTétee asi mbumu éaNzambé, tônôongô mbe: Tubédani égoba gôndé ane ayanza va gatse anyô. Kumu Nzambé amasevoa ahngô gôéékéda anye na gôétévéda anye nzéa.

I Timothée 2:3

Nôeni, éne ényôngéô Kumu asô n’anyô Nzambé te éangô éne.

I Timothée 5:4

Okô môkué andé n’ana, na ana anedi, buedi mbe ana apangé étubéda étondo éaô gôndé Nzambé vakeneahngô ône waô. Gô éne, ana anikéda éne émeetsô ahngô g’ôanéngée waô n’iyee yaô. Nzambé anyôngéô te nane.

Philémon 1:10

Me nagôgondo gô ébégôe ésungéa me Onésime. Angô te muanami gô ina aChrist. Me naka tétedi agô mbumu éaNzambé gômatévéda me angô nzéane gôéwesea na gôndé Nzambé gôévamba n’edi, tôndé gô eba atsôgôô.

Philémon 1:9

Nagôvooto te vootogo mbe: Ongeenda ébégôe te gô étondoe éndé n’ewe. Te me Paul navovoni, me te pene éoo. Na va ngongone vane, me te ône andé gô eba atsôgôô gô ina aJésus‐Christ.

Hébreux 13:22

Ana aTétee n’ami agô mbumu éaNzambé, me môékédine, nanôongô mbe: Digaani na môvinéné gôéôkô mabégôme manôtendéa me gôénôkasogéda gô nzéa éaNzambé. Gésangô gegé gésatongo mbe nôngagogo étanga sangô.

I Pierre 2:20

?Géneega ndé gôndé ône asipa vasisédu angô andé n’oési? Ivô te mate maNzambé gôndé ône asipa vasisédu angô géndé ébégô.

I Pierre 2:5

N’anye dôta nôndé mataé mamonyo. Weseani gôégésu n’edi gôésaô na Nzambé eba aGédidi. Te eba ômapuumani nôndé adeekedi adigondoku, asungéyi amatsimamani oma. Digondokuye dideekeda anye dindé na géneemba gôndé Nzambé gô ina aJésus‐Christ.