Romains 11:20 - New Testament in Mitsogo

²⁰ Ii, éndé te nane. Miangô mimakitsôkô te gô paga yaô. N’anye nômaviagana na miangô gôsitsumé anye Nzambé paga. Ivô nôwema kabaga nôba na nyemo. Digaani na gomo n’egobeda.

Romains 11:20 ပူးပေါင်းရင်းမြစ်များ

LUC TSANGO EAMOSOBA EMATENDA 18:14

Jésus angô mbe: Nanôbeenda mbe vandé ahngô abaé, môbongi adepu amanika na gô ebedi amasingéô kokoo na Nzambé. Géé Môpharisien, amanika na gô ebedi gésingéô kokoo. One aabatéda amuene angasugédu. Ivô ône aasugéda amuene, angabatédu.

Mayanzame 18:6

Ivô Ajuif amakékôa éne émavovo angô na amamôtoko. Vane Paul amaduméda ébisi éamaduanime medi gôéeveda ahngô mbe: Okô anye nôkea gôédimbana te ébégô éanyene g’ôsôbee wanyô. Me tsaba gô éne. Bandôa deo noo, nakea na gôndé ane asaba Ajuif.

Romains 11:18

Tambô ômbieeséda mitabé mimakeeduni. ?Ongatsôkima nayee? Kaka éwe ôdôngéda mitamba, ivô te mitamba midôngéda éwe.

Romains 11:21

Okô Nzambé asidagéô gôékeeda mitabémie mimabôtu na géétété, te Ajuif, asangadagéô gôékeeda na mine mimananéguni, te anye nôsibôtu gô éongo éAjuif.

Romains 12:16

Bakani n’evamba anyene n’anyene. Nômbiaba na nyemo gôéabatéda anyene ivô bandani buéyé na mayanza moma abobo. Nômbianyemôga gô éodoe éanyene.

Romains 12:3

Me Paul nanôongo ndongi yedi gô ngudi yamôgôô ômeetsô me na Nzambé gô ngeba yedi. Nômbiaba na nyemo gôéba n’etasa mbe: Me te môma môvôni. Môma na môma abangôé mbe ôkanee wedi te ngudiye dimeetsô angô na Nzambé gôémôétsa môtémee wetso gémôtsumé paga.

Romains 3:3

Na gô pie avo va gatse aô amatsuma Nzambé paga. ?Ivô pagaye yaô dingakoa ôgi aNzambé mbe ôsaba na ngudi-a?

I Corinthiens 10:12

T’ebandô ône atsôkéa mbe: Natemi naka môtie gésimbédu, awemé kabaga anikea ékuéa.

I Corinthiens 15:1

Ana aTéta n’ami, me Paul nanôbangôéda Tsangô Eamôsôba éaJésus‐Christ émeekédu anye. Nômasinga yangô. Nômagésangana mitéma mianyô na Nzambé gô yangô.

I Corinthiens 16:13

Bakani misiki. Sipani gôndé Nzambé, ône ameetsanye mitémamie gémôtsumé paga. Bakani na bôkédé. Oodoni gô mabégô manzéa éaNzambé.

II Corinthiens 1:24

We eekédie tôsabuta étindéga anye gô mabégô maNzambé mameetsanye mitémamie mbe: Indakani édué, tsikani édué. We tônôongô te ndongi ditévo gôénôkasôgéda gôébégô anye nômani ésipa gô mabégô manzéa éaNzambé mameetsanye mitémamie gébé na buétsé.

II Corinthiens 10:5

Na mayanza maô, oma asaa môgômba ôebakanéda môma gôémenya Nzambé. We tôndé gôépanzéda môgômbee ône gôékukua nzéane gôndé oma gôémenya Nzambé. Na ékeeyi éétsa Nzambé me, nagenya gôétsôpa matasame moma gôémakeda gôéneegeda Christ, gatsôpu môsi tsôgôô.

Philippiens 2:12

Navovo n’anye nôndé na vitoo n’ami. Kuka yetso vamadenganô me vavo n’anye nômagobeda me. Tambô ôôtéani égobeda me na gomo buéyé mbe me tsaba n’anye. Yanzani na tatéani na gomo gôétubéda gamoobou anye.

Colosses 2:7

Bakani gôndé angô gandé géétété gésipédu na mitamba miedi gô tsina. Oongôgani na diiani monyoe wanyô gôndé Christ gadiia géétété ône wedi gô mitambamie miedi. Odoni gô mabégô metso maNzambé mameekédu anye masitsumé anye paga. Singani mbe kumane éaNzambé ébunduga gô mitéma mianyô.

II Thessaloniciens 2:4

Môdudeo nône angaboa nyemo mbe: Mane maneegedanye mane, masaba na tsoongo. Me nootéa mane maNzambé metso. Gô eba ôneegeda Ajuif Nzambé, môdudeo nône angadigaa gô tsongo éadisambô éndé gédigaa saNzambé. Na angeenda mbe: Me te Nzambé.

I Timothée 6:17

Beenda ane andé n’okiti atsengene mbe: Nômbiaba na bopeeo. Beenda ahngô mbe aseetsa mitéma miaô na gô mônongo okiti ône ôgôgani na ôdimbanani, ivô eetse mitémamie miaô na gôndé Nzambé, ône atôétsa éetso gékuté, gôékasôgéda we mitéma.

Hébreux 3:12

Me, môtendine agésangôge egé, nanôevéda mbe: Wemani mitéma mianyô, anye ana aTéta agô mbumu éaNzambé. Kabaga mine mianyô dôta midenganô n’ebéva na paga gôénôtongéda gôdagôda na Nzambé, Kumu amonyo.

Hébreux 3:19

Vane wa n’anyô tôena na vede mbe omeaa asiôngôé éengéa na gô tungu éagévôgiméô, te gô pagaye yaô.

Hébreux 4:11

Tôgényôgéni gôéengéa na gô gévôgiméôge egé saNzambé. Tôweméni kabaga gôkékôa môma ôgi aNzambé na kabaga avéa gôéengéa gô gévôgiméôge gameenda ane amasanéa gô tsenge émagasani.

Hébreux 4:6

Ane amapanga éékédu Tsangô Eamôsôba v’ebandô asiengé na gô gévôgiméô te gô pagaye yaô. Te gamadugédu ôvangee gôndé avo gôéengéa ngu na deo noo.

Jacques 2:19

Ewe mbe: Nzambéne te épo. Buéyé édidi ébévani ésabômu mbe Nzambé te épo. Na édidie éangô étatéa Nzambé.

Jacques 4:6

Buéyé mbe nane, Nzambé atôétsa mene mate mootéa mane. Matendeo MaNzambé matôbeenda mbe: Nzambé agoméa asi nyemo. Ivô eetsa mate gôndé ane asaba na nyemo.

I Pierre 1:17

Anye nôvovo na Nzambé mbe: Téta. Angô te ône atsundéda môma gô mayanza medi gébé na tatô oma. Gô gédingéô sanyô sava tsengene, digaani n’etatéa gôégobeda Nzambé.

I Pierre 5:12

Oô te me Pierre na Silas, muana aTétee amavôma andé n’ami. Awedéa me gôénôtendéa vipesu viagésangô. Gésangôge egé te gôésipéda anye na gôénônigôéa mbe na gô pie ngeba yaNzambé dimavamba n’anye dindé yapie. Sipani gô mabégô mema.

I Pierre 5:9

Gôméani yabédé kabaga awesea na gôndé anye. Menyani mbe maguga meenanye te mane matubédu ana aTétee n’anyô gô tsengeye yetso.

Gétsutsuéô 18:7

Okana amaguga na panda dingeetsanye angô te ngu na ôkana okiti na ôkumaka ômabaka n’edi. Môsengee ône ômabaka ga môma gôétanganéda gô môtémedi mbe: Me nadigaa éva gadigaa môtômi atsenge g’ôkumaka edi. Me kaka môkué. Me tsangoongôa édéa môéngé na édigaa na kebo.

Gétsutsuéô 3:17

Anye nôvovo mbe: We tôndéké ékiti na tôka mindômba. We tôsabuta sôma. Tambô, nôsamenya mbe anye te oma abobo na amaguga. Nôsaba na tsoongo. Nôndé ti misuga na minyenge na asi pogu.