Romains 11:2 - New Testament in Mitsogo

² Nzambé asikiné omedi, ane amasevoa angô va mbeego mbe: adua te omami. Nôsabômu éne émasemba Elie Nzambé gôndé ana aIsraël ématendu gô Matendeo maNzambé.

Romains 11:2 ပူးပေါင်းရင်းမြစ်များ

Marc 12:26

Gôébégô éagékundugéô sowa ?anye madeo nôsitanga éne ématenda Moise‐a? Gô ndéône émavovo Nzambé n’edi te ôgi aNzambé ômakusa gô géétété gémayôakani. Nzambé amavovo na Moïse mbe: Me te Nzambé éneegeda Abraham na Isaac na Jacob.

LUC TSANGO EAMOSOBA EMATENDA 4:1

Jésus ameenôga gô Jourdain môtémedi ômayôa na Gédidi SaNzambé. Amakedu na sangô na gô tsenge émagasani ésadigaa oma.

Jean 4:11

Môgetone amatsapéô mbe: Ah Môékédi, éwe gébé na môdômbô ?ôseena gatiba édukue ébuétu meba? ?Ongabuéta mebame meetsa monyo nayee?

Mayanzame 13:48

Vamookô ane asaba Ajuif ookô ôgie ône amatsôkéa na amakuméda Kumu na Mane Mamavovo angô. Muetso ane amasevou na Nzambé gôédiia monyo ôsakôdéakani amakoa matasa maô gôétsa Nzambé mitémamie.

Mayanzame 15:18

Oôkôni éne émavovo Kumu Nzambé ône asabômu mabégô mema bandôa va mbeego.

Mayanzame 3:17

Eébéyée nane, ana aTéta agô mbumu éaIsraël. Me tsabômu mbe anye na atômie wanyô nômabaka n’odungé, gémenye éne émeendéanye Jésus.

Mayanzame 7:40

Ahmavovo na Aaron mbe: Vandéa we mbumbane éngakénga n’asô gôétévéda we nzéa. Géé Moïse, ône amakuséda we gô Egypte, gôkeyi angô tôsamenya, na ndéône énganikangô na gôndé we, tôsamenya.

Romains 6:16

?Tambô anye nôsamenya mbe nôndé na ngudi yesevoa kumune ényôngéô anye, ône angayanzéa anye-a? Okô nôsevoa mabégô mabévani gôégobeda mangô, manganôétsa ôwa. Okô nôsevoa ôgi aNzambé gôégobeda angô, ônganôtsimaméda gôéba gébé n’oési va mbene aNzambé. Nôngaba avéga akumune éngagobedanye.

Romains 9:23

Amatubéda dôta ôkitie wetso ôndé g’ôndômbee wedi gôndé wa n’anyô tôgono n’epedee tôbônda ngeba yedi. Te wa n’anyô tômasevou n’edi gôédigaa n’edi vavo gô géneega sondômbedi.

Romains 9:6

Tsangoongôa évovo mbe ôvangee ômavanga Nzambé ôsibôngamé. Menyani mbe muetso amabôtu gô mbumu éaIsraël, kaka muetso eenanô na Nzambé mbe ana aIsraël.

I Corinthiens 6:2

?Nôsamenya mbe te anye asi mbumu éaNzambé nôngatsundéda oma muetso ava tsina‐a? Anye va mbene nôngatsundéda gébégôbégô satsinane nyetso ?na deo noo nôsoongôa étsundéda pesu avibégô‐a?

I Corinthiens 8:3

Ivô ône andé n’etondo gôndé Nzambé, Nzambé angamômenyeda metso.

Philippiens 1:22

Ivô mavooe ényepa gôndé me gôéomba édigaa gô monyô ôtôndéni ôdôô, buta mbe namangôa dôta évo éyanza éndé na tsoongo. Na gôéwa, na gôédigaa gô monyoe ôdôô, me tsangamenya éne étéka me.

Hébreux 1:1

Va mbeego Nzambé amavovo na peeye yasô n’anyô kuka diyekani na gô minongo mietso gô ngudi yapandôédi amatasa medi.

I Pierre 1:2

Anye madeo nôsibôtu nômasevou na Téta Nzambé gamavanganô mbe eenda te nane. Nzambé amakoa anye omedi gô ngudi yaGédidi sedi gômbe anye nôngagobeda Jésus‐Christ. Te nzina yedi dimeetama gôndé oma muetso digôgéda anye mitéma. Te mbe mate maNzambé na gétabé sedi géyekegee gôndé anye.