Romains 11:14 - New Testament in Mitsogo

¹⁴ Me nanyôngéô ényiméda asi éongoe yami gômbe angabuta éba mônongovo gandé ane asaba Ajuif.

Romains 11:14 ပူးပေါင်းရင်းမြစ်များ

Romains 10:19

Me Paul nagéombaka étsapéô. ?Tambô ana aIsraël ahsinigôgéô-a? Amanigôgéô. Oôkôni éne émavovo Moïse. Angô mbe: Nôngooba na tsoyi gô éne éngayanza me, Nzambé n’avo oma asaba avôni na asamenyanganôni. Nongaba n’opisa gô éne éngayanza me n’oma abobo.

Romains 11:11

Me Paul natsapéô. ?Vamapônga Ajuif amakuéa te môbô, gétimôgé-a? Aé. Angatimôga. Ivô gô gékôbage saô avo oma ameetsô géobogeo, te mbe Ajuif angeenda tsingayi gôénikéa édiia sangô.

Romains 9:3

Nzambé mbe asingiki, me mbe naadeekedi memuene gôédoku na Nzambé na gôéaaganédu na Christ buta mbe ana aTétee n’ami asi éongo éAjuif oobou gô inami.

I Corinthiens 1:21

Ekegea te nane, oma atsengene na éodo n’ebagé éaô ahsiôngôé émenya Nzambé. Asiôngôé émenya na mane matsutsua éodo éamuene Nzambé. T’ebandô Nzambé amatasa gôéoboo ane eetsa angô mitémamie gô meekédume matôékédani éma maseka môma mbe matsôga.

I Corinthiens 10:33

Me neenda te nane. Me Paul nagényôga gôényepeda oma muetso gô metso meenda me. Tsabuta mane mamemuene matévo. Nabuta te na mane makasô muetso gômbe n’ahngô dôta angoobou.

I Corinthiens 7:16

Môgeto, éwe môma aChrist nagôbeenda mbe tôsamenya mavooe mômioo asangasinga Jésus buéyé mbe éwe ôkina vapatsô éwe n’edi. Na éwe mômôgôô môma aChrist, nagôbeenda mbe tôsamenya mavooe môgayoo asangasinga Jésus buéyé mbe éwe ôsasinga vakinô éwe n’edi.

I Timothée 1:15

Bangôa ébégô édué ésangakoga na éndéké évôni na ényepa ôkôngéda éangô gébé na paga. Ebégôe te mbe: Jésus‐Christ amaviga gôédigaa va gatse oma gôéoboo ane amadimbanani gô ébévee éaô. Va gatse ahngô me namootéa ébéva.

I Timothée 2:4

Gôébégô angô anyôngéô mbe oma muetso adiia géôbogeo na awesea gôémenya mabégô medi mapie.

I Timothée 4:16

Owema gô môdigédie woo na gô meekédume moo. Osipa gô metso mane. Endé te nane. Okô ôéndi nane, ôyuua ômuene gô môtsundu, ôyuua te na ane agôôkéôni.

II Timothée 1:9

One amooboo we na amabambéa we gôékoga omedi amatsimamani te Amuene Nzambé. Asatôoboo gô ngudi yamayanza masô n’anyô mamisôba. Atôoboo te gamatasa amuene mbe: Neendé te nane. Amatôoboo te ti gô ngeba yedi. V’ebandô na kaa, amatôena ngeba gô ina aJésus‐Christ.

II Timothée 2:10

T’ebandô nasinga maguga mema gôndé avo oma, buta mbe ane amasevou na Nzambé angeengéa gô géobogeo géndé gôndé Jésus‐Christ. Na angeengéa dôta g’ôndômbee ôsakôdéakani ag’ôba.

Tite 3:5

Amooboo wa n’anyô. Asatôoboo gô ngudi yamayanza n’esima éasô n’anyô, gôébégô éangô ésinyepeke. Amatôoboo te ti gô dimeenangô wa n’anyô. Amatôoboo gô gégôgédéô samitéma miasô n’anyô gématôôvôu na Gédidi SaNzambé. Gégôgédéôge géné te géné gétôbôtu ôbôtu amôbaé, ône aGédidi SaNzambé. Na te géne gétôétsa wene mônongo amonyo, ône amôbô na môbô.

Philémon 1:12

Angô te gandé géeme gévo sagô ôtôe wami. Nagôkudégéa angô.

Hébreux 1:14

?Tambô asi g’ôba, ayanzie aNzambé andaa? Asi g’ôba te édidie éyanzéa Nzambé. Na yangô dimakudégu n’edi gôéwedéa oma ava tsina angadiia géobogeo.

Hébreux 2:3

Tasani gôndé wa n’anyô tôngeenda nayee gôébusuga tsôgôô, ôkô tôbéyi na mbôôkô gô géobogeo gémakônzéô wa n’anyô. Amuene Kumu amapanga énigôa gébogeoge gémakônzuni. Na va mbenene vane, avo amookôni amawanyéda Ogie amapanga moonga mbe: Osapata.

Jacques 5:20

Menyani mbe ône anôtôi môkedi gô nzéane ébévani éne émabakangô mbe akea gôémônikéda na gô éne éapie, ooboi môkedi g’ôwa, na ébévee éyékani ésingéyiô kokoo.