Romains 11:11 - New Testament in Mitsogo

¹¹ Me Paul natsapéô. ?Vamapônga Ajuif amakuéa te môbô, gétimôgé-a? Aé. Angatimôga. Ivô gô gékôbage saô avo oma ameetsô géobogeo, te mbe Ajuif angeenda tsingayi gôénikéa édiia sangô.

Romains 11:11 ပူးပေါင်းရင်းမြစ်များ

LUC TSANGO EAMOSOBA EMATENDA 20:16

Na amanigôa mbe: Vangaviga kumu éatsaga angayôha akeneyie abévani. Angeetsa tsagane muene môma. Ane amookôni ahmakina mbe: Aé ésangaba nane.

Mayanzame 13:42

Paul na Barnabas amakusa gô eba agéwanyéô sAjuif. Amabambéô mbe: G’ôvo nyee edunda, nôomba éviga gôéékéda we ébégôe éne.

Mayanzame 18:6

Ivô Ajuif amakékôa éne émavovo angô na amamôtoko. Vane Paul amaduméda ébisi éamaduanime medi gôéeveda ahngô mbe: Okô anye nôkea gôédimbana te ébégô éanyene g’ôsôbee wanyô. Me tsaba gô éne. Bandôa deo noo, nakea na gôndé ane asaba Ajuif.

Romains 10:19

Me Paul nagéombaka étsapéô. ?Tambô ana aIsraël ahsinigôgéô-a? Amanigôgéô. Oôkôni éne émavovo Moïse. Angô mbe: Nôngooba na tsoyi gô éne éngayanza me, Nzambé n’avo oma asaba avôni na asamenyanganôni. Nongaba n’opisa gô éne éngayanza me n’oma abobo.

Romains 11:1

Me Paul natsapéô mbe ?tambô Nzambé amakina omedi ana aIsraël-a? Aé, asiakiné. Memuene Paul nandé môsi éongo éaIsraël. Tétene éami te Abraham. Ebôtee éami te Benjamin.

Romains 11:12

Gékôbage sAjuif gémakoga géka ébégô éamôsôba gôényepeda édidie éoma muetso. Gômasugédu Ajuif te avo oma amadugu ôkitie gô édidie éaô. Okô mbe gô gékôba sAjuif avo amanyepedu, tambô na gô géobogeo sAjuif éngootéa ényepa.

Romains 11:14

Me nanyôngéô ényiméda asi éongoe yami gômbe angabuta éba mônongovo gandé ane asaba Ajuif.

Romains 11:31

Buéyé na ndéône asamôgobeda gômbe anye nôngeenanô na Nzambé ngeba. Na mbe n’ahngô muetso angeenanô ngebaye yedi.