Romains 10:8 - New Testament in Mitsogo

⁸ ?Avovo nane gôndé? Oôkôni édué. Ogi ômeetsa Nzambé, ôndé vapévapé n’ewe, ôka gô mônyee woo na gô môtémoo. Ogie ône te meekédume matôékédani gôéétsa Nzambé mitémamie miasô n’anyô gébé na paga.

Romains 10:8 ပူးပေါင်းရင်းမြစ်များ

Mayanzame 10:43

Apandôédi muetso amatasa maNzambé amanigôa mane maJésus. Amanigôa mbe: Okô môma eetsa angô môtémedi wetso, gétsumé angô paga, angasingéô kokoo gô ébévee éedi gô ngudi yaina aJésus.

Mayanzame 16:31

Ahmamôaabéa mbe: Itsa môtémoo wetso na gôndé Kumu Jésus gémôtsumé paga, na vane ôngoobou éwe na asi eboo muetso.

Romains 10:17

Ekegea te nane. Môma eetsa môtémedi gétsumé Nzambé paga te gôôkô angô mane meekéduni. Mane meekéduni dôta te mangô mapandôéda mane mamavovo Jésus-Christ.

Galatie 3:2

Nanyôngéô anye nôaabéa me nyivône édué. ?Gédidi SaNzambé nômadiia sangô gô ngudi yagékeneo samige miaNzambé‐a¿ Vo nômadiia sangô vamookô anye Tsangô Eamôsôba éékédu? Nôsabômu mbe te gômeetsanye mitémamie gô Tsangô Eamôsôba.

Galatie 3:5

Nzambé eetsa anye Gédidi Sedi na ayanza va gatse anyô mabégô mamisôba manyônganéôni masoongôa môma ésupua. ?Ovénga, éetso éne te gôkenea anye migemie miedi‐a? ?Vo te vookô anye Tsangô éaJésus éékédu na veetsanye mitéma mianyô?

Ephésiens 5:26

Christ ameenda nane gôékoa mbumune yedi mbe éviia mane matsengene ngima gôéba môvo n’amuene Nzambé. Amamigôgéda na meba na ôgie wedi.

I Timothée 4:6

Ewe Timothée, ôkô ôongi asi mbumu éaNzambé ndongi yedi, ôndéké môyanzi amôsôba aJésus‐Christ. Otubéda gabôngôa éwe gédidige soo ômuene na mabégôme meetséwe môtémee gébé na paga, na gabôngôu éwe na meekédume mami mapie mamookô éwe.

I Pierre 1:23

Me neetsa ndongiye gôndé anye nômabôtu ôbôtu amôbaé. Nômabôtu ôbôtu amôbaé, kaka gô monyo ôbunganani ômadiianye n’eyee na tétee. Ivô nôndé na monyo ôsabunganani te ône ôdiianye gô Ogi aNzambé ôndé na monyo na ôsakôdéani.

I Pierre 1:25

Ivô ôgi aKumu ôndéké môbô na môbô. Ogie ône te ône ônigôu anye gô Tsangô Eamôsôba.