Romains 10:3 - New Testament in Mitsogo

³ Ene édaga gôndé ahngô te gôsamenyahngô mbe Christ amawa gôétsimaméda ahngô va mbene aNzambé. Ajuif amakônza wene mônongo gôéahtsimaméda anguene. Ahmakina môngongoe ômakônzéa Nzambé ahngô.

Romains 10:3 ပူးပေါင်းရင်းမြစ်များ

LUC TSANGO EAMOSOBA EMATENDA 10:29

Ivô môma nône amanyôngéô éakuméda amuene, amabambéa Jésus nyene nyivô. Angô mbe: ?Môkasô indaa?

LUC TSANGO EAMOSOBA EMATENDA 16:15

Jésus amavovo n’ahngô mbe: Anye te nôenanô n’oma mbe nôndé oma amisôba tambô Nzambé abono te môtéma amôma na asabômu mine mianyô. Menyani mbe éne étanganéda môma mbe ébégô évôni, va miso maNzambé ésaba na tsoongo.

Romains 1:17

Endé te nane. Tsangône Eamôsôba édué étônigôa gatsimaméda Nzambé wa n’anyô oma va mbene edi. Atôtsimaméda vatôétsa angô mitémamie gémôtsumé paga bandôa nyee amapanga ngu na nyee amôyusumédu. Te gatôbeendu gô Matendeo MaNzambé mbe: One asaba n’oési va miso maNzambé te mômane asamôtsuma paga na amamôétsa môtémee wetso. Angô andé na monyo.

Romains 10:2

Me Paul tsabômu mbe Ajuif andé na géviovio gôéyanzéa Nzambé. Ivô mayanzame maô te magô tsina evitsi, gémenyé éne éyanzahngô.

Romains 10:20

Na Esaïe amaba na bôkédé gôénigôa mbe: Me Nzambé namadenganô na ane asikanégé ébuta me. Namatsutsuga gôndé ane asiduké me ébégô.

Romains 11:7

?Tôngeenda nayee? Ana aIsraël asidiia éne émabuta ahngô. Ane amadiiani te ane amasevou na amuene Nzambé. N’ane amasanéani atsapéô ti tsapéô asoongôa éditéga.

Romains 3:22

Nzambé abono oma ti eembe ahsaba n’oési veetsahngô Jésus-Christ mitémamie miaô. Nzambé atsimaméda muetso ane asatsuma Christ paga. Asatatôa oma mbe ahndé minongo mibaé.

Romains 5:19

Vamakékôa Adam akékôa ôgi aNzambé, ameengéda oma ayekani gô tsôgôô amabégô mabévani. Vamagobeda Jésus-Christ, agobeda ôgi aNzambé amakuséda oma ayekani gô tsôgôô éamabégô mabévani gôéba gébé n’oési va mbene aNzambé.

II Corinthiens 5:21

Jésus‐Christ asibaké n’ebéva ivô Nzambé amakoa angô aka môbévi gô ébévee éasô n’anyô. Wa n’anyô dôta tôsibaké n’etsimama ivô Nzambé amakoa we tôka tômatsimamédu gô étsimamee éaJésus.

Philippiens 3:9

Nanyôngéô éba môvo n’edi. Tsoongôa éénda mbe gôkenea me mige mia Nzambé me tsaba n’oési va mbene éedi. Tsabômu mbe neenanô na Nzambé ti eembe tsaba n’oési, te gômeetsa me Christ môtémami wetso gémôtsumé paga. Amuene Nzambé amakônza nzéane mbe ôkô môma eetsi Jésus‐Christ môtémedi wetso gémôtsumé paga, me Nzambé nangamôbono ti eembe asaba n’oési.

II Pierre 1:1

Oô te me Simon Pierre, môyanzine amatômu na Jésus‐Christ. Natendéa ane ahmeetsô na Nzambé ngudi yeetsa angô mitéma miaô gémôtsumé paga mônongovo gameetsa me. Ngudi yedi tômeetsô yangô gô étsimama éaNzambé na éaMooboyi asô n’anyô Jésus‐Christ.