Romains 10:16 - New Testament in Mitsogo

¹⁶ Ivô kaka muetso amasinga Tsangô Eamôsôba éaJésus-Christ. Môpandôédi amatasa maNzambé, Esaïe ameevôa Nzambé mbe: ?Kumu ône ameetsa môtémedi gô meekédume masô, indaa?

Romains 10:16 ပူးပေါင်းရင်းမြစ်များ

Matthieu 13:14

Vane éne émasupua Esaïe, môpandôédi amatasa maNzambé éenanô te gôndé ahngô. Esaïe amavovo mbe: Nzambé amavovo mbe: Anye nôénda mbe: tôôkiô, ivô nôsanigôgéô. Anye noénda mbe: Tôeni, ivô nôsamanéa.

Jean 10:26

Ivô anye nôseetsa me mitémamie te gôsaba anye g’ôbuee amandombo mami. ?Ivô anye nayee nôngeetsa mitémamie, anye gébé g’ôbuee amandombo mami?

Mayanzame 28:24

Avo amookô na amakoa matasame. Avo dôta amamôtsumaka te paga.

Romains 1:5

Nzambé amasingéa me mbe nasevou na nakudégu na Jésus gômbe angô anganeegedu. Gésooge sami te gôéweseda na gôndé Nzambé oma ahndé gô tsengeye yetso mbe eetsé Jésus mitéma miaô gémôtsumé paga, na agobédé angô.

Romains 11:17

Ana aIsraël agono na géétété gééndô mbe olivier. Tôkanéga na ôsagu. Osagu ôkeneo na kumu angô. Mivô mitabé amikeeda. Anye nôsibôtu gô éongo éAjuif nôgono na mitabé miovendo miviaganédu gô môkuba osagu na mibongou na mitamba miosagu.

Romains 16:26

Ivô ndéô nedué ématsutsuu na v’ekanga va miso moma gô mane mamatenda apandôédi amatasa maNzambé. Na vane Nzambé Amôbô na Môbô ameetsa ôtômu mbe éne émavanga angô gôndé oma éngatsuaô na gô tsenge yetso gômbe oma muetso angookô na angeetsa mitéma miaô gôégôbeda Nzambé gémôtsumé paga.

Romains 2:8

Ane akina Nzambé na akékôa mabégô medi mapie na asuméa keaga gô mane mabévani, Nzambé angatubéda ahngô ôbagee wedi na ôpisedi na ôvembee wedi.

Romains 3:3

Na gô pie avo va gatse aô amatsuma Nzambé paga. ?Ivô pagaye yaô dingakoa ôgi aNzambé mbe ôsaba na ngudi-a?

Romains 6:17

Tôneegedekeni Nzambé. Va mbeego nômabaka g’ôvéga gôétômu na mabégô mabévani. Ivô ndéô nedué nômeetsa mitéma mianyô pepe gôégôbeda meekédu maNzambé mane mamadiianye.

Galatie 3:1

?Ah ti anye asi Galatie nômavétsa mikambô‐a? ?Te ngangane ébômédi anye‐a? Nômani éôkô na vede mane mowa aJésus va gésumu sowa.

Galatie 5:7

Nômabandôa épénda ti n’ekenge gô nzéa éapie éaNzambé. ?One amabômédu anye indaa? ?Amavovo n’anye nayee gôékoeda anye matasame?

II Thessaloniciens 1:8

Asi g’ôba angavigédu na Nzambé atsiga na soto géyôani gôésiséda ane asineegede Nzambé n’ane asigobede Tsangô Eamôsôba éaKumu asô n’anyô Jésus‐Christ.

Hébreux 11:8

Abraham ameetsa Nzambé môtémedi wetso na asitsumé môtôma aNzambé paga. Amamôgobeda gôékea na gô nyene tsenge éméétsô angô na Nzambé ga mikuanya. Abraham amatôta go tsenge éedi gémenye gô tsengene ékeangô.

Hébreux 4:2

Gôébégô wa n’anyô tômani éékédu Tsangô Eamôsôba mônongovo gameekédu ane amakénga gô tsenge émagasani. Buéyé vamookô ahngô yangô ésibé na tsoongo gô mitéma miaô te gôsiwanyé yangô na môténdéda gô mitéma miaô.

Hébreux 5:9

Vane vamanangô ésipa, ti v’ekôdéô éasipaga, amakoga aka ébandô éagébogeo samôbô na môbô, gôndé muetso amôgobedani.

I Pierre 1:22

Nômagôgéda mitéma mianyô vamagobedanye mabégô mapie. Na nômadiia étondo éapie éana aTétee. Te vane nyônganéôni pepe anyene n’anyene na mitéma mianyô mietso.

I Pierre 2:8

Matendeo MaNzambé matônigôa mbe: Etaé éne émakoga éka éôkana mabaku. Na éka ôbobo ônikanédana mangimangima. Angô ôpôngéda muetso asookéô ndongi yaNzambé. Te gamavanga Nzambé mbe éngaba te nane gôndé ane asookôni.

I Pierre 3:1

Anye ageto ookéôni omée wanyô. Buéyé mbe avo amôgôô asagobeda Mane Mamavovo Nzambé, angô angeetsa Nzambé mitéma miaô, kaka go meekédu na ndongi yanyô ivô te veenahngô midigédi mianyô ageto.