Romains 10:14 - New Testament in Mitsogo

¹⁴ ?Nayee angamôbambéa, gône atsuma angô paga¿ Angeetsangô mitéma miaô madeo ahsiôkô inedi, nayee¿ Angookô ahngô gébé na môma atsua angô tsangône gôémônigôa, nayee?

Romains 10:14 ပူးပေါင်းရင်းမြစ်များ

Matthieu 20:7

Oma amaabéa angô mbe: We tôsibongu na môma gôéyanza. Kumu atsaga amatôma ahngô mbe: Tambô, kiakani nôkeyanza gô tsagami.

Jean 20:31

Ivô mane mamatenduni éma, mamatendu gômbe anye nôngamenya na gô pie, mbe Jésus te Christ Muana ANzambé. Na veetsanye Jésus mitéma mianyô mietso, nôndé na monyo apie.

Jean 9:36

Mômôgôô nône amavovo mbe: Môékédi, nigôa me ône eendô mbe Muana ANzambé. ?Angô indaa? Me nanyôngéô émôétsa môtémee wami.

Mayanzame 19:2

Gômeetsanye Jésus mitéma mianyô gémôtsumé paga ?Gédidi SaNzambé gémeengéa na gôndé anye-a? Aneengie amavovo n’edi mbe: We madeo tôsiôkô ta na tsangô mbe gôndéké Gédidi SaNzambé.

Mayanzame 8:31

Mômôgôô nône amanikéda mbe: ?Nangookô nayee? Tsaba na môma eekéda me. Amabambéa Philippe mbe: Oka. Peka. Digaa égô n’ami.

Romains 1:5

Nzambé amasingéa me mbe nasevou na nakudégu na Jésus gômbe angô anganeegedu. Gésooge sami te gôéweseda na gôndé Nzambé oma ahndé gô tsengeye yetso mbe eetsé Jésus mitéma miaô gémôtsumé paga, na agobédé angô.

Ephésiens 2:17

Vane tôena mbe Christ amaviga gôétôékéda Tsangô Eamôsôba éagétabé saNzambé gôndé anye nôsaba Ajuif nômabaka gôdagôda na Nzambé, na dôta gôndé Ajuif amabaka vavo n’edi.

Ephésiens 4:21

Nômookô ina éedi étetu. Nômeekédu mane mapie maJésus.

II Timothée 4:17

Ivô Kumu Nzambé amabaka n’ami gôéoodeda me. Ameetsa me ngudi gôénigôa na vede mabégô medi. Mangô mookanô na muetso asaba Ajuif. Namayuu ga môma awatô gô mônya agémbungu.

Tite 1:3

Gô ndéône émanyôngéô amuene amatsutsuéda wa n’anyô monyoe ône te gô ngudi yôgie wedi. Angô te meekédume manigôa me g’ôtômu aMooboyi asô n’anyô Nzambé.

Hébreux 11:6

Tambô gôsaba môma oongôa étubéda Nzambé gényônga ôkô angô andé na paga. Endé te nane. One awesea na gôndé Nzambé te ône eetsa môtémee wetso gébé na paga mbe Nzambé andéké, na mbe Nzambé amenya étsutsuga gôndé ane amôbutani.

Jacques 5:15

One eetsa Nzambé môtémedi wetso gétsumé ngudi yedi paga vadukangô, môduké wedi ôdôngéda môbeeyi. Kumu atimôa angô na ébévee éedi ésingéô kokoo.