Romains 10:10 - New Testament in Mitsogo

¹⁰ Gôébégô môma eetsa Nzambé môtémedi gémôtsumé paga, na Nzambé eena angô ti eembe asaba n’oési. Môma anigôa na mônyee wedi amuene na Nzambé amôoboo.

Romains 10:10 ပူးပေါင်းရင်းမြစ်များ

Marc 9:23

Jésus angô mbe: ?Nayee ôénda mbe: Okô mbe ôngoongôa? Gôndé ône eetsa môtémedi westo éngeendégégéa.

LUC TSANGO EAMOSOBA EMATENDA 8:15

Mine mimaaga gô totone éamôsôba te ane ookô Mabégô MaNzambé na ahmakuya gô mitéma miaô miamisôba na mimavômani. Ahngô aka oma obibo na mitéma miaô mikuséda ésima éamisôba.

Mayanzame 8:37

Philippe amamônigôa mbe: Okô éwe ôétsi Jésus môtémoo wetso, ôndé ngu gôéétsô bateme. Mômôgôô nône amanikéda mbe: Me namenya mbe neetsi môtémami wetso na gôndé Jésus-Christ. Tsabômu mbe angô te Muana ANzambé. Me tsamôtsuma paga.]

Romains 10:11

Matendeo MaNzambé matônigôa mbe: Gôndé ône eetsa Nzambé môtémedi asangatsikô na tsoyi.

Romains 10:9

Okô éwe ônigôa akoo na mônyee woo mbe Jésus te Kumu éoo, na ôsatsuma ngudi yaNzambé paga mbe amakundua Jésus g’ôwa, éwe ôngoobou.

Galatie 2:16

Béyé nane tôsabômu mbe môma aseenanô na Nzambé ti eembe asaba n’oési tsangô mbe akenea mitôma na mige miaNzambé. Ivô andé gébé n’oési va mbene aNzambé te gôétsa angô Jésus‐Christ môtémedi wetso gémôtsumé paga. Na we dôta tômeetsa Jésus mitéma miasô gôéba gébé n’oési va mbene aNzambé, kaka gô ngudi yegékeneo samige miedi ivô te gôsatsuma we Jésus paga. Gôsaba môma andé n’etsimama va mbene aNzambé tsangô mbe akenea mige miedi.

Philippiens 3:9

Nanyôngéô éba môvo n’edi. Tsoongôa éénda mbe gôkenea me mige mia Nzambé me tsaba n’oési va mbene éedi. Tsabômu mbe neenanô na Nzambé ti eembe tsaba n’oési, te gômeetsa me Christ môtémami wetso gémôtsumé paga. Amuene Nzambé amakônza nzéane mbe ôkô môma eetsi Jésus‐Christ môtémedi wetso gémôtsumé paga, me Nzambé nangamôbono ti eembe asaba n’oési.

Hébreux 10:22

Tambô tôweséni na gôndé Nzambé na mitéma miamavôma. Na tômôétsa mitéma gébé na paga gô mabégô medi metso. Buedi mbe mitéma miasô n’anyô mibaké mimagôgéani kabaga mianga miamitéma miasô mibéva. Na buéyé na yôtô yasô n’anyô diôvôu na meba masaba na mbugé na tsengesenge.

Hébreux 3:12

Me, môtendine agésangôge egé, nanôevéda mbe: Wemani mitéma mianyô, anye ana aTéta agô mbumu éaNzambé. Kabaga mine mianyô dôta midenganô n’ebéva na paga gôénôtongéda gôdagôda na Nzambé, Kumu amonyo.

I Jean 4:15

Okô môma anigôa mbe: Jésus te Muana ANzambé, menyani mbe Nzambé adigaa gôndé angô na angô dôta andé te môvo na Nzambé.

Gétsutsuéô 2:13

Angô mbe: Me tsabômu gôdigaanye. Nôdigaa ti pidi gô mbôka éamuene Satan. Anye nôndéké môvo n’ami. Gô vitoone éndé anye n’ami nôsiagané n’ami buéyé gô ndéône édangi émayôhu môékédine wami eendô mbe Antipas. Amayôhu te gô mbôkane édigaa Satan.