Romains 1:8 - New Testament in Mitsogo

⁸ Ebégôe éamapanga, nakuméda Nzambé gô ina aJésus-Christ gôndé anye muetso. Kumane éanyô gameetsanye mitémamie na gôndé Nzambé gébé na paga, éôkanô tsengeye yetso.

Romains 1:8 ပူးပေါင်းရင်းမြစ်များ

Matthieu 24:14

Tsangô Eamôsôba éenyanga éndé n’ami éngeekédu gô tsengeye yetso yava tsina gômbe oma muetso angookô gamatômu me na Nzambé na gô tsina. Vane te vangaba ékôdéô éatsengene.

LUC TSANGO EAMOSOBA EMATENDA 2:1

Gô ndéône yangô, môtômi atsenge César Auguste amatôma mbe: Gôngaba gétendanéô samina moma muetso gô tsengeye ditôma we asi Rome.

Mayanzame 11:28

Môpandôédi môvo, inedi Agabus, amatômu na Gédidi SaNzambé gôétema na gôéevéda oma ébégôe éngabuéani. Angô mbe: Gôngabôka nzaa épôni gô tsinane nyetso. (Na gô pie, nzaa nene émabôka te gô ndéône ématôma Claude tsengene.)

Mayanzame 28:22

Ivô tônyôngéô ti pepe éôkô matasa moo. Tôsabômu mbe gô tungu yetso dimeekédu nzéa ékea éwe éne, oma eenda pégôani na meekédu manzéa nene.

Romains 10:18

Ivô me Paul natsapéô. ?Tambô ahngô madeo asiôkô-a? Na gô pie amookô. Matendeo MaNzambé matônigôa gôndé eekédi mbe: Ogie waô ômookanô gô tsinane nyetso. Mavovia maô mamabuéa na gô tunguye yamakôdéô matsinane.

Romains 16:19

Oma muetso amani éôkô gagobedanye Kumu Jésus. Me nanôtsôkéa. Nanyôngéô mbe nôba n’eodo gôéénda mane mamisôba na nôgônga mane mabévani va kôbangô kabaga nôdengu n’evindô.

Romains 6:17

Tôneegedekeni Nzambé. Va mbeego nômabaka g’ôvéga gôétômu na mabégô mabévani. Ivô ndéô nedué nômeetsa mitéma mianyô pepe gôégôbeda meekédu maNzambé mane mamadiianye.

I Corinthiens 1:4

Me Paul nakuméda Nzambé ami gédundé gô ébégô éanyô na gô metso mane madiianye gô ina aJésus‐Christ ôbiia.

II Corinthiens 2:14

Tôneegede Nzambé na géneega setso. Wa n’anyô tôka monyovo na Jésus‐Christ tôndéké kuka yetso gô géômbé sane amadiiani tôkea tôtsôkéa na mimbô gômatsedu môdudeo. Nzambé ayanza na wa n’anyô gôémenyeda ina aChrist gô tungu yetso. Inedi étsanzabana ga mbônga amôyombo amôsôba ôtsanzabana tungu yetso.

Ephésiens 1:15

Me Paul nootéa évovo na Nzambé gô mabégô mabaé. Ene éamapanga te metso mane mamayanzéa Nzambé wa n’anyô. Ene éamôbaé te gômookô me kumane yanyô gameetsanye Kumu Jésus mitéma mianyô gébé na paga na gandé anye na vitoo n’asi mbumu éaNzambé muetso.

Ephésiens 1:16

T’ebandô tsagogo ékuméda Nzambé gôndé anye. Kuka yetso nateta mina manyô gô disambô.

Ephésiens 3:21

Te mbe asi mbumu éaNzambé akumédé angô gô ina aJésus‐Christ môbô na môbô. Amen.

Ephésiens 5:20

Kumédani Tétasô n’anyô Nzambé ndéô yetso na gô mabégô metso gô ina aKumu asô n’anyô Jésus‐Christ.

Philippiens 1:11

Osambôe wami te mbe mônongoe wanyô ôbaké ga géétété samôsôba gébôta miônda miedi miamisôba. Te mbe Jésus‐Christ, ône andé gô mitéma mianyô atsigédé ésimee éedi éamisôba gô môdigédie wanyô. Vane Nzambé angakumédu na géneegage setso.

Philippiens 1:3

Gô mônongoe wanyô, me nakuméda Nzambé éami kuka yetso dibangôa me gandé anye.

Colosses 1:3

Vavovo we na Nzambé gôndé anye, tômôkuméda ti kuméda, angô Tétene éaKumu asô n’anyô Jésus‐Christ.

1 Thessaloniciens 1:2

We égô tôkuméda Nzambé pitsi yetso gôndé anye muetso. We tônôteta gédundé go disambô yasô.

1 Thessaloniciens 2:13

Na gôndéké na yene ébégô ésatsika we ékuméda Nzambé gôndé anye. Vameekéda we anye Matendeo MaNzambé, nômookéô mangô na nômasinga mangô, ti pidi mbe ôgi aNzambé, kaka mavovia mamôma. Na mandéké te ôgi aNzambé. T’ebandô mandé na ngudi gô mitéma mianyô nosamatsuma paga.

II Thessaloniciens 1:3

Ana aTétee asi mbumu éaNzambé, tôsatsika ékuméda Nzambé gôndé anye. Endé kuanakue gôtôénda nane. Gôébégô anye nôôtéa éwesea gô mbene na gô mbene gô nzéa éaJésus étôkeani édué. Etondo éndé n’anyene n’anyene éndé gôékôndama ti kôndama

II Timothée 1:3

Nakuméda Nzambé gôseetsô me ôési na muangee amôtémami ôtsundéda me, vayanzéa me Nzambé gamayanzéaka peeye yami. Namôkuméda gô ndéôye dindé me gôévovo na Nzambé gôndé éwe na pitsi n’omanda gédundé.

Philémon 1:4

Philémon, éwe te muana aTétee n’ami agô mbumu éaNzambé. Kuku yetso vavovo me na Nzambé, tseeba ékuméda Nzambé gôndé éwe.

Hébreux 13:15

Jésus atôwedéa gôédeekeda kumane aNzambé ga ôgondoku va mbene edi. Tambô tôbubué miônya miasô gôékuméda Nzambé na gôéteta inedi gébé na tsoyi.

I Pierre 2:5

N’anye dôta nôndé mataé mamonyo. Weseani gôégésu n’edi gôésaô na Nzambé eba aGédidi. Te eba ômapuumani nôndé adeekedi adigondoku, asungéyi amatsimamani oma. Digondokuye dideekeda anye dindé na géneemba gôndé Nzambé gô ina aJésus‐Christ.

I Pierre 4:11

One asabômu évovoni, anigôé akedi meekédu maNzambé. One asabômu éyanza na mogo medi ayanzé akedi gô ngudi yaNzambé. Gômbe gô mabégô metso kumane éngabata na gôndé Nzambé gô ina aJésus‐Christ. Ondômba na ôkumaka na ngudi dindé gôndé Jésus‐Christ gô môbô na môbô. Amen.