Romains 1:7 - New Testament in Mitsogo

⁷ Nanôtendéa anye asi Rome nôbambéô na Nzambé mbe vagébakanye va tsina nôngaba môvo n’edi. Na mbe nôngatetu mbe asi mbumu éedi. Te mbe Nzambé, Tétee éasô n’anyô, na Jésus-Christ Kumu asô n’anyô anôétsa mate medi na gétabé sedi.

Romains 1:7 ပူးပေါင်းရင်းမြစ်များ

Matthieu 5:16

Tanédani gévede sanyô gôndé oma na vangeenahngô mayanza manyô mamisôba, angakuméda Tétanyô ône andé g’ôba.

Jean 20:17

Jésus amamôdékéda mbe: Ombiabanda me ta me madeo tsibuéa na gôndé Téta. Tambô éwe kiaka, ôkenigôa ana aTétee n’ami mbe nakeyi na gôndé ône andé Tétene yami, te ône andé tétene yanyô. Nakeyi na gôndé Nzambé ami, n’angô te Nzambéne éanyô.

Mayanzame 15:23

Ameetsô gésangô mbe: Keani na sangô. Gématendu mbe: We tônôkômbôani te peeye yambumu éaNzambé na we tômasevouni na tômatômukuni tôndé ana aTétee n’anyô. Te we tôtendea anye nôsibôtu gô éongo éAjuif nôdigaa gô Antioche na Syrie na Cilicie.

Mayanzame 9:13

Ananias amatsunda na Kumu mbe: Ivô Kumu, oma ayekani amanigôa me mane mamômôgôô nône. Me tsabômu mane mabévani metso mameendangô omee woo gô Jérusalem.

Romains 1:6

Anye dôta asi môsenge aRome nôndé g’ôkabôé ane aweseda me na gôndé Nzambé. Nzambé amanôbambéa gôéba môvo na Jésus-Christ.

Romains 5:1

Endé te nane. Wa n’anyô tômeetsa Jésus mitéma miasô n’anyô gémôtsumé paga, tôenanô na Nzambé ti eembe tôsaba n’oési. Na tôdigaa n’edi na gétabé gô ngudi yaKumu Jésus-Christ.

Romains 5:5

Tôsangabômédu n’ene étôténdédani gôébégô Nzambé amatôétsa Gédidi sedi. Na te sangô gétsuéa wa n’anyô étondo éaNzambé gôékuya éangô gô mitéma miasô n’anyô.

Romains 8:28

Menyani mbe Nzambé ayanza gôétônyepeda gô mabégô metso mabuéa gôndé wa n’anyô. Endé te nane gôndé wa n’anyô tôndé tômabambéô na Nzambé gamavanga amuene.

Romains 8:39

Kaka ngudiye yag’ôba, kaka ngudi yava tsina, kaka éôma émakanôni na émavangôni. Gôsaba sôma géngoongôa éaaganédana wa n’anyô n’etondo éaNzambé. Etondoe éne émeenanô gô mane mamayanza Kumu éasô n’anyô Jésus-Christ.

Romains 9:25

Te éne émavovo Nzambé gatôtanga gô môganda aOsée. Angô mbe: Ane asibaké géômbé sami, nangabambéa ahngô gôéba omami. Na éongo ésibé n’ami n’evamba, nangateta ahngô mbe: Omami amôtéma.

I Corinthiens 1:24

Géé gôndé muetso ane amabambéô na Nzambé, na Ajuif n’ane asaba Ajuif, Christ amenyeda ahngô ngudi yaNzambé na éodo éaNzambé.

I Corinthiens 16:23

Te mbe mate maKumu Jésus mabaké gôndé anye muetso.

Galatie 6:18

Mate maKumu Jésus‐Christ mabaké gô mitéma mianyô muetso ana a Téta asi mbumu éaNzambé, Amen.

Ephésiens 1:2

Te mbe Tétasô n’anyô Nzambé, na Kumu asô n’anyô Jésus‐Christ eetsé mate medi na gétabé sedi gôndé anye.

Ephésiens 6:23

Te mbe Tétasô n’anyô na Kumu asô n’anyô Jésus‐Christ eetsé anye muetso agô mbumu éedi mabégô mema matatô. Eetsé gétabé sedi na étondo éedi. Eetsé na ngudi gôévamba n’edi gémôtsumé paga.

Philippiens 1:2

Tônyôngéô mbe Nzambé, Tétene éasô n’anyô na Kumu Jésus‐Christ anôétsa mate medi na gétabé sedi.

Philippiens 4:13

Me tsadagéô na mabégô mema metso. Nandé gô mangô te gô ngudi yaChrist, ône oodedaka me.

Philippiens 4:20

Ondômbee wetso n’okumakee wetso ôbaké môbô na môbô na Tétasô n’anyô Nzambé. Amen.

Philippiens 4:23

Te mbe mate maKumu Jésus‐Christ mabaké gô mitéma mianyô muetso.

Colosses 1:2

Tônôtendéa, anye muetso asi mbumu éaNzambé nôdigaa gô môsenge aColosses. Anye te ana aTétee amavôma gô ngudi yaChrist. Te mbe Tétasô n’anyô Nzambé anôétsa mate medi na gétabé sedi.

Colosses 3:12

Nzambé amanônyôngéô na amanôsevoa mbe nôngaba omedi amôtéma na nôndéké asi mbumu éedi. T’ebandô ényepa gôndé anye gôéba na mitéma miawene mônongo. Nyepedani mônongoe wanyô atsatsee na ngeba, na tsôvé oma, na gôéba gébé na nyemo. Bakani na sekaseka, na môvinéné.

Colosses 3:15

Singani mbe gétabé saJésus‐Christ génôsuméda mitéma. Nzambé amanôbambéa gôévamba gavamba éemé éotô ôvo mbe nôbé na gétabége sedi géne. Kumédani angô.

1 Thessaloniciens 1:1

Oô te me Paul na Silas na Timothée tônôkudéga gésangô gegé. Sangô te sanyô, asi mbumu éaNzambé gô môsenge aThessalonique. Nôndé oma aTéta Nzambé na aKumu Jésus‐Christ. Tônyôngéô mbe mate medi na gétabé sedi gébaké gôndé anye.

1 Thessaloniciens 1:3

Endé te nane. Vandé we va mbene aTétasô n’anyô Nzambé gôésambéda, tôkôngéda gameetsanye mitémamie mietso gôégobeda mane manyôngéô Nzambé. Etondoe éndé n’anyô énôtindéga gôéyanzéa Nzambé. Nôsanzeegeda éténdéda mane maKumu asô n’anyô Jésus‐Christ.

1 Thessaloniciens 1:4

Ana aTétee amôtéma, we tôsabômu mbe Nzambé anyôngéô anye na amasevoa anye gôéba omedi amôtéma.

1 Thessaloniciens 4:7

Nzambé asisevoa wa n’anyô mbe tôdigaa gô minongo mietso miagésasô. Amasevoa wa n’anyô mbe tôaagané n’ebéva gôédigaa môvo n’edi gô étsimama.

1 Thessaloniciens 5:28

Te mbe mate maKumu asô n’anyô Jésus‐Christ mabaké gôndé anye.

II Thessaloniciens 1:2

Tônyôngéô mbe Tétasô n’anyô Nzambé na Kumu asô n’anyô Jésus‐Christ anôétsa gétabé sedi na mate medi.

II Thessaloniciens 3:16

Te mbe Kumu Jésus amuene môétsi agétabé anôsuméda mitéma gô ndéô yetso na gô minongo mietso. Te mbe abaké gôndé anye muetso.

II Thessaloniciens 3:18

Te mbe mate maKumu asô n’anyô Jésus‐Christ mabaké gôndé anye muetso.

I Timothée 1:2

Nagôtendéa gésangô gegé éwe Timothée, ôndé muanami amôtéma agô mbumu éaNzambé. Nanyôngéô mbe Tétasô n’oo Nzambé na Kumu asô n’oo Jésus‐Christ agôétsa mate medi, na agôtubéda ngeba yedi na agôsuméda môtéma.

I Timothée 6:2

Môvéga asakina égobeda kooko edi môma ameetsa Jésus môtemee, tsangô mbe ahngô muetso andé ana aTétee avitoo gô mbumu éaNzambé. Ene éamôsôba te mbe môvégee nône ootéé émôyanzéa na géneega gôébégô éne ékusa gô éyanzee éedi ésadimbana gô môkii, éndé te éagô mbumu éaNzambé. Timothée, ôeni éne éngeekéda éwe.

II Timothée 1:2

Nagôtendéa, Timothée éwe muanami amôtéma agô mbumu éaNzambé. Nanyôngéô mbe Tétasô n’oo Nzambé, na Kumu asô n’oo Jésus‐Christ agôétsa mate na agôsingéa kokoo na agôétsa gétabé sedi.

II Timothée 4:22

Te mbe Kumu Jésus abaké n’ewe. Na mbe mate maNzambé mabaké gô mitéma mianyô muetso.

Tite 1:4

Me nagôtendéa Tite, éwe muanami amôtéma agô mbumu éaNzambé. Wa n’oo muetso abaé tômamôétsa mitémamie gébé na paga. Nanyôngéô mbe Tétasô n’oo Nzambé na Mooboyi asô n’oo Jésus‐Christ agôétsa mate na gétabé.

Philémon 1:25

Te mbe mate maKumu asô n’anyô Jésus‐Christ mabaké gô môtémoo.

Philémon 1:3

Nanyôngéô mbe Tétasô n’anyô Nzambé, na Kumu asô n’anyô Jésus‐Christ anôétsa mate medi na gétabé sedi.

Jacques 1:1

Oô te me Jacques, môyanzi aNzambé na aKumu Jésus‐Christ nanôtendéa. Nanôkômbôa muetso asi mbumu éaNzambé nômapanzanganédu gô tsengeye yetso.

I Pierre 1:15

Mônongovo gandé amuene Nzambé amabambéa anye andéké amatsimamani, anye dôta bakani nômatsimamani gô midigédi mianyô.

I Jean 3:1

Eenakani ganyôngéô Téta Nzambé wa n’anyô. Angô atônyôngéô ti v’ekôdéô éenyôngéô, t’ebandô tôtetu mbe ana aNzambé ag’ôbôtu. Na tôndéké anedi apie. Asi tsengene asamenya Nzambé ?nayee angamenya wa n’anyô gôénigôgéô mônongoe wasô n’anyô tôndé anedi? Asangamenya.

II Jean 1:3

Te mbe Téta Nzambé na Kumu Jésus‐Christ Muana aTéta Nzambé, atôétsa mate medi na gésingéô sakokoo, na gétabé sedi. Vane mane meetsahngô wa n’anyô tôngaba na mangô gô gényônganéô sasô n’anyôene na gô mabégô metso mapie.

Gétsutsuéô 2:1

Ogi ômatôma me Jean mbe: Tendéa ndongi yedi na gôndé môsi g’ôba avigédu na Nzambé gôékenea asi mbumu éedi gô mbôkane ééndô mbe Ephèse. One asumbéda minanga tsambué g’ôgogo edi ômôgôô te angô aseta va gatse evumbéô tsambué éadambi émakônzu na dodo. Oôkéôni éne évovo angô.

Gétsutsuéô 2:12

Ogi ômatôma me Jean mbe: Tendéa ndongi yedi na gôndé môsi g’ôba avigédu na Nzambé gôékénéa asi mbumu éedi gô mbôka ééndô mbe Pergame. Oôkéôni ndongi divovo ône andé n’ebaga amengô.

Gétsutsuéô 2:18

Ogi ômatôma me Jean mbe: Tendéa ndongi yedi na gôndé môsi g’ôba avigédu na Nzambé gôékenea asi mbumu éedi gô mbôkane ééndô mbe Thyatire. Oôkôni ndongi divovo Jésus Muana ANzambé, ône andé na miso moobébayi ga soto. Na makôdô medi mandé na ngeengeyi ga kunga émakônzuni.

Gétsutsuéô 2:29

Okô mbe anye nôndé na matô, ôôkôni môma na môma mane mavovo Gédidi SaNzambé na anye asi mbumu éaNzambé.

Gétsutsuéô 2:8

Ogi ômatôma me Jean mbe: Tendéa ndongi yedi na gôndé môsi g’ôba avigédu na Nzambé gôékenea asi mbumu éedi gô mbôkane ééndô mbe Smyrne. One andé v’ebandô ametso te angô andé v’ekôdéô ametso. Na ône amawani te angô amakundugani, andé na monyo ôsakôdéakani anôétsa ndongi yedi. Oôkéôni angô.

Gétsutsuéô 22:21

Te mbe mate maKumu Jésus mabaké gôndé muetso.

Gétsutsuéô 3:14

Ogi ômatôma me Jean mbe: Tendéa ndongi yedi na gondé môsi g’ôba avigédu na Nzambé gôékenea asi mbumu éedi gô mbôkane ééndô mbe Laodicée. Oôkéôni ndongiye divovo ône angayusuméda mbe: Amen. Angô mbangi éamavôma ésapatakani. Te angô mapangame mametso mamavanga Nzambé.

Gétsutsuéô 3:22

Okô mbe anye nôndé na matô, ôôkôni môma na môma mane mavovo Gédidi SaNzambé na anye asi mbumu éaNzambé.

Gétsutsuéô 3:7

Ogi ômatôma me Jean mbe: Tendéa ndongi yedi na gôndé môsi g’ôba avigédu na Nzambé gôékenea asi mbumu éedi gô mbôkane ééndô mbe Philadelphie. Oôkéôni ndongiye divovo ône andé Amatsimamani, te angô Kumu amabégô metso mapie. Na angô te asumbéda môsapie aDavid môtômi atsenge. Angô Amatsimamani akukua na gôsaba môma angôôkukégani. Angô abandéka na gôsaba môma angôôkukégani.