Romains 1:4 - New Testament in Mitsogo

⁴ Ivô gôndé Gédidi SaNzambé, tétedi te Nzambé. Vamakundugangô va gatse ane amawani, ngudi yaTétedi dimatubéda mbe Jésus te Muana ANzambé.

Romains 1:4 ပူးပေါင်းရင်းမြစ်များ

Matthieu 4:3

Yabédé amawesea na gôndé Jésus na amamôkanéga mbe: Okô mbe éwe na gô pie Muana ANzambé, koa mataé mema maka mipemba.

Mayanzame 17:31

Endé te nane. Amamana ésevoa nyee ôngatsundéda angô ome muetso na môtsundu agépenganédé. Tôngatsundédu na ône amasevoa amuene gôéba môtsundédi. Ndémbone éamôtsundédine te éne émakunduu angô na Nzambé g’ôwa.

Mayanzame 2:24

Nzambé amamôkundua g’ôwa. Amamôtsôbôa ésengo éowa. Owa ôsibé n’otômu gôédingéda Jésus gô ngii.

Mayanzame 2:32

Nzambé amakundua te Jésus ôdôô. Na wa n’anyô muetso tômôeni na tômôôkiô.

Mayanzame 3:15

Gô éne nômayôhéda ône andé Kumu amonyo. Ivô Nzambé amamôkundua g’ôwa. Wa na Jean tôndé mbangi éagékundugéô sedi sowa.

Romains 1:3

Tsangône te éne éaMuana ANzambé, kumu asô n’anyô Jésus-Christ. Bôkudue wedi gôndé oma tétedi te David, môtômi môvôni atsenge.

II Corinthiens 13:4

Na gô pie amakoga vipôpéa gôékomedu va gésumu sowa. Ivô deo noo andé na monyo gô ngudi yaNzambé. Gô évambevo éndé wa n’anyô na Christ, na wa n’anyô dôta te tôpôpéa. Ivô deo tôndé na monyo ovo n’edi gô ngudi yaNzambé. Te gô ngudiye yedi we eekédi tôtôma anye.

Hébreux 9:14

Okô mbe nzina yanyama dimaba na ngudi nane, tambô tasani ngudi diôtéani dindé gô nzina yaJésus‐Christ. Amaadeekeda amuene ôgondoku agébé n’oési. Nzina yedi digôgéda mianga miamitéma miasô n’anyô gômbe mikebanganô na ésima ébévani ésangamana ngudi yasô. Na vane tôngaba na ngudi gôéyanzéa Nzambé Kumu amonyo.

I Pierre 1:11

Apandôédi ahmabaka na géviôviô gôébuta éménya éyénza éngavigani na mônongoe ôngaba mabégô metso gô ndéôye yangô. Ahmabuta émenya gamabendu ahngô na Gédidi SaChrist géne gémabaka gô mitéma miaô. Gédidi SaChrist gémamenyeda ahngô maguga mangeena Jésus, na ôkumakee ôngaanda mangô gô ngima.

II Pierre 1:21

Gôsaba évovia éaNzambé ta n’evo émaviga gô ngudi yamôma amuene. Mangô mamabundugana gô ngudi yaGédidi SaNzambé mbe môma avove mane manyôngéô Nzambé.

Gétsutsuéô 1:18

Me te Kumu amonyo. Namawaaka, géé deo noo nandé na monyo ôsakôdéakani. Môsapie owa, na tsengene éowa ôndéké te n’ami.

Gétsutsuéô 19:10

Namagudama gô makôdô mamôsi g’ôba gôémôneegeda. Ivô angô amasemba me mbe: Ombiayeega éénda nane. Me te môyanzi gandé éwe na gandé ana aTéta n’oo. Anye muetso nôndé na mabégô mapie mamatsutsua Jésus. Nôneegeda te Nzambé. Mabégô mapie mamatsutsua Jésus te mangô mameetsa ngudi n’eodo gôndé apandôédi amatasa maNzambé.