Romains 1:32 - New Testament in Mitsogo

³² Asabômu mbe gôndé môtsundu owa va mbene aNzambé gô mabégô mayanzahngô mabévani. Buéyé nane, oomba te éénda mayanzame maô masagô. Na va ngongone vane atsôkéa vadiiangô môma gôéyanza mane mabévani meendahngô anguene.

Romains 1:32 ပူးပေါင်းရင်းမြစ်များ

LUC TSANGO EAMOSOBA EMATENDA 11:48

Gô éne nôtubéda ganyôngéô anye gamayôhu ahngô na tétee yanyô. Ene émabaka na tétee yanyô te gôéyôha ahngô. Anye dôta éne éndé n’anye te gôényepeda ngiiye dimagunyu ahngô.

Mayanzame 22:20

Na vamayôhu môyanzi oo Etienne, me namabaka te wangô. Namayôngéô ti nyôngéô. Namakenea ngoye yane amamôtumakani.

Mayanzame 8:1

Na vane Saul amanyôngéô gamayôhu Etienne. Nyaa ômayôhu Etienne, te nyaa ômabandôa gékuanô gévôni sasi mbumu éaNzambé agô Jérusalem. Angô muetso buétsé te ane amatômukuni, amapanzangana na gô tsengeye yaJudée na Samarie.

Romains 1:18

Endé te nane. Nzambé atubéda ôpisedi ôviga g’ôba. Nzambé eena ôpisee gô ébéva éamôma na gô mabégô metso mabévani mayanza oma. Mayansa maô mabévani meebakanéda mabégô mapie mbe kabaga meenanô.

Romains 1:21

Menyani mbe oma ahsabômu Nzambé. Ivô ahngô ahsamôneegeda na ahsamôkuméda ganyôngéô amuene Nzambé. Géé nane, matasa moma maka gébé n’eodo, na mitéma miaô mika ga mimavétsa môkambô na mimakukégu n’evitsi.

Romains 6:21

?Tsoongo ndé gô mabégôme matsoyi mayanzanye-a? Ekôdéô éamangô te ôwa.

Romains 6:23

Môvanô ôétsa ébévee gôndé môma te ôwa. Ivô éne éétsa Nzambé ôbiia gôndé môma te monyo amôbô na môbô gôédigaa na vitoo na Kumu asô n’anyô Jésus-Christ.

II Thessaloniciens 2:12

Vane muetso ane asiitsé mitéma miaô gô mane mapie, ivô ameena gényônga gôétsôkéa mane mabévani, angakea gôébungana.