Romains 1:3 - New Testament in Mitsogo

³ Tsangône te éne éaMuana ANzambé, kumu asô n’anyô Jésus-Christ. Bôkudue wedi gôndé oma tétedi te David, môtômi môvôni atsenge.

Romains 1:3 ပူးပေါင်းရင်းမြစ်များ

Matthieu 1:1

Oô te bôkudue aJésus‐Christ ebôtee éedi. Jésus‐Christ to muana aDavid. Na David dôta te muana aAbraham.

Matthieu 1:16

Jacob amabôta Joseph. Joseph amabaka môméne aMarie. Marie amabôta Jésus, ône atetuku mbe Christ, événdégéô mbe One amasevôu na Nzambé.

Matthieu 1:6

Isaï amabôta David, angô amabaka môtômi môvôni. David amabaa môgaya aUrie, na amabôta Salomon.

Matthieu 12:23

Géômbége setso gémasôbasôbana na gémeevôana anguene mbe: ?Odôô ka te Muana aDavid‐ma?

Matthieu 15:22

Gômabaka môgeto, môsi Canaan amadigaa g’ôgenda gô tsenge nene. Môgeto nône amaviga na gôndé Jésus gôémôgondo mbe: Môékédi, éwe Muana aDavid, eena me ngeba. Muanami amôgeto asaba buedi, andé na gédidi gébévani.

Matthieu 26:63

Jésus asibubué. Asisiié ta n’ogi. Pene amoomba évovo n’edi mbe: Gô ina aNzambé amonyo, nagôévôa mbe ti éwe ôaabéa me. ?Ewe te Christ ône amatômu na Nzambé‐a? ?Ewe te Muana ANzambé‐a?

Matthieu 27:43

Môtémedi wetso ômabaka te gôndé Nzambé. Amavovo mbe: Me te Muana ANzambé. Ehee. Aanakani gangoobou angô na Nzambéne yedi.

Matthieu 3:17

Ogi ômookanô ôvovo g’ôba mbe: Odôô te muanami amôtôma amiso. Me namônyôngéô na nzoo na gô môtéma.

Matthieu 9:27

Jésus amanôtôga wangô gôékea na gô nyene tungu. Gômakeangô asi pogu abaé amaanda angô va ngima na amaadôngana mbe: Ewe, Muana aDavid eena we ngeba.

LUC TSANGO EAMOSOBA EMATENDA 1:35

Môsi g’ôba amamôaabéa mbe: Gédidi SaNzambé géngaviga na gôndé éwe na ngudi yaNzambé dingapika éwe ga ôbôngé. T’ebandô muanee angabôtewe angatetu mbe, One amatômu na Nzambé, na dota Muana ANzambé.

LUC TSANGO EAMOSOBA EMATENDA 1:69

Amatsutsuéda gôndé we Mooboyi môvôni. Mooboyi ône te Muana amôyanzi edi ambeego, môtômine David.

Jean 1:14

Ogi ômakoga môma. Angô kumu amabégô mapie, amanyônganéô na Tétedi vamadigaangô va tsina va gatse awa n’anyô. Tômeena ôbébayi wetso ondômbee wedi, te ône ookumakee ômeetsô angô na tétedi, angô Muana ekika.

Jean 1:34

Gôeni me nane, te ganôpandôéda me mbe ôdôô te Muana ANzambé.

Jean 1:49

Vane Nathanaël amamômekeda mbe: Môékédi, éwe te Muana ANzambé. Ewe te môtômine eongo éaIsraël.

Jean 10:30

Wa na Téta tôndé te môvo.

Jean 10:36

Tambô na me, Nzambé amasevôa me na amatôma me na gô tsina. ?Nayee nôénda me mbe neenza Nzambé? ?Te gôpandôédi me mbe me te Muana ANzambé-a?

Jean 20:28

Thomas amamôneegeda mbe: Ewe Kumu ami. Ewe te Nzambé ami.

Jean 20:31

Ivô mane mamatenduni éma, mamatendu gômbe anye nôngamenya na gô pie, mbe Jésus te Christ Muana ANzambé. Na veetsanye Jésus mitéma mianyô mietso, nôndé na monyo apie.

Jean 5:25

Me nanôbeenda na gô pie mbe: Gô ndéô évigani, na émani ébuéa, ane amawani angookô ôgie aMuana ANzambé. Ane angookôni, angaba na monyo.

Jean 7:42

Matendeo MaNzambé matônigôa mbe: One eendô mbe Christ, angaba muana agô ébôta éaDavid. Angaviga gô Bethléhem, te môsenge ômadigaa David.

Mayanzame 2:30

David amabaka môpandôédi amatasa maNzambé. Asibômuku mbe Nzambé amamôsongéa mbe: Môvo va gatse anee woo angagôaandani angadigaa g’ôkumakee ôdigaa éwe gôéviagana ényangee éôô.

Mayanzame 3:13

Menyani mbe Nzambé, ône amaneegedu na Abraham na Isaac na Jacob, te Nzambéne émaneegedu na peeye yasô n’anyô, ameetsa ôndômbee wedi wetso gôndé môyanzi edi Jésus. Te ône amadeekeda anye na gôndé ane atômani. Nômamôtôna va mbene aPilate buéyé gamamyôngéô amuene Pilate émônzeegeda.

Mayanzame 8:36

Vamakeahngô anigôana gô nzéa ahmabuéa va mebame. Môsi Ethiopie amatubéda Philippe mbe: ?Oeni gévondoge? ?Ene édékéda me gôéétsô bateme éndé? [

Mayanzame 9:20

Asidingé éengéa na gô yeba yewanyéô gôéékéda mbe: Jésus te Muana ANzambé.

Romains 1:9

Ene évovo me tsapata. Gémonige sami te Nzambé, ône ayanzéa me na môtémami wetso gôétsua Tsangô Eamôsôba éaMuanedi Jésus-Christ. Angô asabômu gateta me miname manyô

Romains 4:1

?Gôndé tétene éasô n’anyô Abraham tôena nayee? Gô mane magô ôtôe wedi amadiia ndé?

Romains 9:3

Nzambé mbe asingiki, me mbe naadeekedi memuene gôédoku na Nzambé na gôéaaganédu na Christ buta mbe ana aTétee n’ami asi éongo éAjuif oobou gô inami.

Romains 9:5

Peeye yaô te Abraham na Isaac na Jacob na Moïse n’avo oma avôni. Buéyé na Jésus-Christ, ône andé gôétôma na ngudiye yetso, amabôtu gô tsengene te gô éongoe yaô. Tôkumédéni Nzambé môbô na môbô. Amen.

I Corinthiens 1:9

Nzambé asavétsua divanga yedi. Nzambéne te épo, ône amanôbambéa mbe: Bakani môvo n’ami gô pitsi yanyô yava tsina nômagésangana môtémovo n’ami gô évambevo na muanami Jésus‐Christ.

I Corinthiens 10:18

Bononi dôta éongo éaIsraël. Gévumbéô saô sadigondoku te saNzambé. Na digondoku dideekedu te na gôndé Nzambé. Ane aa gô digondokuye dine aka évambevo na Nzambé.

Galatie 4:4

Ivô vamabuéa ndéône, Nzambé amavovo mbe: Muanami kiaka. Ongabôtu na môgeto. Ongagobeda mige migobeda Ajuif.

1 Thessaloniciens 1:10

Anigôa dôta gandé anye gôéenéa génikéô saMuana ANzambé Jésus‐Christ, ône andé g’ôba. Asabômu mbe Nzambé amakundua Jésus‐Christ g’ôwa. Na te angô angatôyuua g’ôpisa aNzambé ôvigani.

I Timothée 2:5

Ebégô éapie te édué. Gôndéké Nzambé épo na koo. Na va gatse oma na Nzambé gôndéké môsungéyi môvo na koo, te ône amakoga môma inedi Jésus‐Christ.

I Timothée 3:16

Na gô pie gôsaba môma oongôa énigôgéô ti v’ekôdéô anigôgéô mavôni mesôga étôgobedani. Kumu éesôgee te ône amatendu mbe: Amatsutsuga vandé we ga môma. Gédidi SaNzambé gématubéda gandé angô gébé n’oési. Ameenanô n’asi g’ôba, ayanzi aNzambé. Inedi émeekédu gô mongo metso. Asi tsengeye yetso amamôétsa mitéma miaô. Na amatômbu na g’ôba gôndé Nzambé.

II Timothée 2:8

Ewe Timothée, kôngéda Jésus‐Christ, ône amakunduu na Nzambé g’ôwa gôéba na monyo. Angô te muana aDavid. Te gapandôéda Tsangô Eamôsoba, éne éékéda me oma.

I Jean 1:3

One ômeena we na ône ômookô we te angô ôtsuéa we anye. Te mbe nôngagésangana môvo n’asô na vitoone éndé n’asô na Téta Nzambé na Muanedi Jésus‐Christ.

I Jean 3:23

Oôkôni éne étôma angô wa n’anyô. Nzambé angô mbe: Ombiasôôa ina aMuanami Jésus‐Christ. Christ dôta amatôma wa n’anyô mbe: Nyônganéôni anyene n’anyene.

I Jean 3:8

One agéyanzaka mabégô mabévani angô te môma atômu na yabédé. Yabédé amapanga éénda mane mabévani v’ebandô. Muana ANzambé Jésus asivigé gô yene ébégô. Amaviga gôébunganéda mayanza mayabédé.

I Jean 4:15

Okô môma anigôa mbe: Jésus te Muana ANzambé, menyani mbe Nzambé adigaa gôndé angô na angô dôta andé te môvo na Nzambé.

I Jean 5:1

One eendô mbe muana aNzambé to ône asatsuma paga mbe Jésus te Christ ône amakudégu na Nzambé. One anyôngéô tétee anyôngéô dôta n’anedi.

I Jean 5:20

Tôsabômu dôta mbe Jésus Muana ANzambé amaviga na gô tsina amatôétsa éodo gôémenya Nzambé, angô ône apie. Wa n’anyô tôndé môvo na Nzambé ône apie te gô ngudi yaMuanedi Jésus. Te angô Nzambé apie na Kumu amonyo amôbô na môbô.

I Jean 5:5

?One oongôa édiia gô ébadi égenyu na môtômine atsengene indaa? Kaka muene. Te ône asatsuma paga mbe Jésus te Muana ANzambé.

II Jean 1:7

Gôndéké eekédi ayekani adiboe aka gô tsengeye yetso. Ahngô asangoongôa ésinga mbe: Jésus‐Christ te na gô pie amakoga môma. One asoongôa ésinga nane te môsi oboe na te Môvingi aChrist.

Gétsutsuéô 2:18

Ogi ômatôma me Jean mbe: Tendéa ndongi yedi na gôndé môsi g’ôba avigédu na Nzambé gôékenea asi mbumu éedi gô mbôkane ééndô mbe Thyatire. Oôkôni ndongi divovo Jésus Muana ANzambé, ône andé na miso moobébayi ga soto. Na makôdô medi mandé na ngeengeyi ga kunga émakônzuni.