Romains 1:24 - New Testament in Mitsogo

²⁴ T’ebandô Nzambé amatsika oma gémôanza gôéyanza metso mabévani mamanyima mitéma miaô. Ayanza mabégô mabévani matsoyi na yôtô yaô anguene n’anguene.

Romains 1:24 ပူးပေါင်းရင်းမြစ်များ

Matthieu 15:14

Tsikani omee ane, ahngô te asi pogu atôma akaô. Okô môsi pogu akedi môkedi môsi pogu, muetso abaé angakuyaméa gô éduku.

Mayanzame 14:16

Va mbeego Nzambé amatsika oma muetso gémôanza gôékea gô nzéaye dimanyôngéô ahngô.

Mayanzame 7:42

Nzambé amagéngôga gôéviia omee ane ngima. Amatsika ahngô gémôanza gôéneegeda minangamie gamanyôngéô ahngô. Apandôédi amatasa maNzambé amatendéa wa n’anyô éne émavovo Nzambé mbe: Anye omee aIsraël Digondokuye dimadeekedanye nzima dinayi yamipuma gô tsenge émagasani ?Nômadideekeda te me-a?

Romains 6:12

Nômbiasinga mbe mabégô mabévani matôma yôtô yanyô. Nômbiagobeda tsôvéyé dibévani ditômu anye na yôtô yanyô.

I Corinthiens 6:13

Anye dôta mbe: Môyakô ômeendéô te ébuyi na ébuyi dôta émavangéô te môyakô. Ii, na gô pie. Buéyé nane Nzambé nyovo angabunzéda te éetso, na môyakôe na ébuyie. Ivô menyani mbe yôtô yasô n’anyô oma disivangô gôéénda gésasô. Yôtô yasô n’anyô dindéké te yaKumu Jésus na angô dôta andé Kumu ayôtô yasô n’anyô.

I Corinthiens 6:18

Busungani gésasô. Mabégô metso mabévani moongôa môma éyanza mabévéda ôtô amôkedi. Ivô môkeyi agésasô abévéda te ôtôe wedi amuene.

Ephésiens 2:3

Wa n’anyô muetso tômabaka gandé ane akékôani. Tômadigaa gadigaahngô gôédugéda manyima mabévani mamabôtu na yôtô yasô n’anyô. Tômayanza mane mamatômu we na yôtô yasô n’anyô na édidi éasô n’anyô éasagô. Vamabaka we tôgébaka gamabôtu we, tômabaka gô tsina opisa aNzambé gôésisédu n’edi gandé akasô, ane agébaka wangô.

1 Thessaloniciens 4:4

Buedi mbe môma na môma akenee na atômé ôtôé wedi amuene n’egoba n’etsimama ényôngéô Nzambé.