Romains 1:21 - New Testament in Mitsogo

²¹ Menyani mbe oma ahsabômu Nzambé. Ivô ahngô ahsamôneegeda na ahsamôkuméda ganyôngéô amuene Nzambé. Géé nane, matasa moma maka gébé n’eodo, na mitéma miaô mika ga mimavétsa môkambô na mimakukégu n’evitsi.

Romains 1:21 ပူးပေါင်းရင်းမြစ်များ

Jean 3:19

Nôeni ébandôe éoésie ôéétsô môma. Gévede saNzambé gématsiga na géndéké gô tsengene. Ivô oma ootéa ényôngéô te évitsi gôyanzahngô mabégôme mabévani yaduduku gévedege.

Mayanzame 26:18

Nakudéga éwe na gôndé ahngô te mbe ôapôéda misome. Na mbe ôngaakuséda gô évitsie éndé ahngô gôéengéda ahngô na gô gévede sami. Na mbe ôngaayuua g’ôtômu aSatan ôdigaahngô gôéadeekeda na gôndé Nzambé. Vane vangeetsahngô me mitémamie gébé na paga, angasingéô kokoo gô ébévee éaô. Angeetsô gétungu saô gémakônzu angô va gatse oma aNzambé.

Romains 1:19

Nzambé asiséda oma gôébégô amuene Nzambé asisomé. Na mane medi metso mangoongôa môma émenya mandé v’ekanga, asisomédé mangô. Te amuene Nzambé amatubéda oma na vede mônongoe wedi.

Romains 1:28

Oma amagônga Nzambé gô disôba yaô mbe: Tôsamenya ône. Na Nzambé amanzeegeda ahngô na matasa maô magô évitsi, n’esima éaô éasagô, ésanyôngéô Nzambé.

Romains 11:10

Engaba mbe miso maô mangeeméga na asangadôena. Engaba mbe akotomo gédundé te gô magumba maô.

Romains 15:9

Na Jésus-Christ amaviga dôta gômbe ane asibôtu gô éongo éAjuif angakuméda ngeba yaNzambé. Te gatônigôu na Matendeo MaNzambé mbe: Gô éne, nangagôkuméda gô tsenge yetso yava tsina. Nangeemba ôndômba ainee éoo.

II Timothée 3:2

Engaba te nane. Oma angaba na guma n’onzôô okiti, na nyemo na bôpeeo. Angeenza Nzambé na asangagobeda iyee yaô na tétee yaô. Angaba na bôkôsô. Asangaditéda Nzambé na mabégô medi.

I Pierre 1:18

Anye nômoobou gôénôtôga gô môdigédi asagô agébé na tsoongo ômatsikéô anye na tétee yanyô. Nôsabômu mbe nômoobou na Nzambé kaka gô ngudi yadode na yadodo.

I Pierre 2:9

Ivô gôndé anye ésaba nane. Anye nôndé éongo émasevou na Nzambé mbe nôngaba adeekedi adigondoku okumaka. Anye nôndé gébandô gématsimamani. Nôndé oma amoobou na Nzambé. Amasevoa anye gôébeenda mayanza medi mamatsimamani. Amakuséda anye gô évitsi mbe nôengéa na gô gévede sedi gématsimamani.

Gétsutsuéô 14:7

Amavovo na ôgi agô ngongo mbe: Gobedani Nzambé na gomo. Tubédani angô géneega géwanya n’okumakee ôndé n’edi. Nôeni, ndéône ébuéyi éne éngatsundédangô oma. Negeedani ône amakana ôba na tsina na mbéyi na tungu yetso dibunduga meba.

Gétsutsuéô 15:4

?One asookô éwe gomo indaa? ?One akina éneegeda éwe indaa? Ewe te Kumu éetsimama, gôsaba muene. Asi tsengeye yetso ahngaviga gôékotomo va mbene oo gôégobeda éwe. Géesédéôge soo gésapenganani gémeenanô va vede.