Romains 1:20 - New Testament in Mitsogo

²⁰ Menyani mbe ngudi yaNzambé, dine disaba n’ebandô na disaba n’ekôdéô, na étsimama éedi éetso ésienanô va mbeego. Ivô bandôa vamakana Nzambé tsinane, ngudiye n’etsimamee éedi émeenanô gô mane mamayanza angô. Te gô éne mbe oma angoongôa émenya angô. Nzambé Kana. T’ebandô môma asaba na mitayi gôévovo mbe: ?Nzambé andé gôni? Me tsamôena.

Romains 1:20 ပူးပေါင်းရင်းမြစ်များ

Matthieu 5:45

Te gô mônongoe ône nôngatubéda mbe anye te ana aTétanyô ône andé g’ôba. Nzambé atsigéda kômbéne gôndé oma abévani na gôndé oma amisôba. Nzambé anyogeda mbuua gôndé ane amôgobedani na gôndé ane asamôgobedani.

Marc 10:6

?Ivô v’ebandô éatsenge, Nzambé amavanga nayee? Matendeo maNzambé matôbeenda mbe: Nzambé amavanga mômôgôô na môgeto.

Jean 1:18

Gôsaba môma ameena Nzambé, ivô amuene muana ekika angô te Nzambé, na andé vavo na Tétedi amamôtsutsuéda.

Jean 15:22

Mbe tsivigéké gôénigôa oma mabégô mapie, ahngô mbe asangaba n’oési gô mane maô mabévani. Ivô ahngô ameekédu na asaba na mitayi gô mane mabévani meenda ahngô.

Mayanzame 17:29

Tambô ôkô mbe tôndéké anedi, tôsoongôa égoneda Nzambé na mbumba yegoni émakônzu na dodo na muanga osunu ôvôni, na mataé. Na éangô émakônzu na mogo moma gô éne émavakangô na matasa medi.

Mayanzame 22:1

Paul angô mbe: Aneya, anye tétee yami, ôôkôni édué. Me nanônigôa éne éndéké n’ami.

Romains 1:19

Nzambé asiséda oma gôébégô amuene Nzambé asisomé. Na mane medi metso mangoongôa môma émenya mandé v’ekanga, asisomédé mangô. Te amuene Nzambé amatubéda oma na vede mônongoe wedi.

Romains 16:26

Ivô ndéô nedué ématsutsuu na v’ekanga va miso moma gô mane mamatenda apandôédi amatasa maNzambé. Na vane Nzambé Amôbô na Môbô ameetsa ôtômu mbe éne émavanga angô gôndé oma éngatsuaô na gô tsenge yetso gômbe oma muetso angookô na angeetsa mitéma miaô gôégôbeda Nzambé gémôtsumé paga.

Romains 2:1

?Ewe ôeséda akoo éwe ndaa? Omuene gébé na mitayi. Veeséda éwe akoo, éwe dôta ôénda te mônongovo ga ahngô, ôndé gôéasiséda ômuene tsôgôô.

Romains 2:15

Gôwanya mine miamôma na mine miaNzambé mitubéda mbe Nzambé amatenda ndongi na mitôma na mige miedi gô môtéma amôma mbe angamimenya, angô gébeendu miangô. Buéyé na muanga amôtéma amôma, ône ôtsundéda angô gô môtéma amuene, ôwanya na migemie na te angô ôeséda môma ôési, vo ôétsa môma mitayi.

I Corinthiens 1:20

?Vane môsi éodo angamenya évovo‐ma? ?Na môsi géneenga gévôni angamenyadô ébégô‐a? ?Na ône asabômu mabégô metso angeenda nayee? Nzambé amapatéda éodo éatsengene mbe éka te éatsôga.

Colosses 1:15

Christ ameenanô, na angô te gégoni saNzambé aseenanôni. Angô te Muana akuua. Angô te andé va ngongo ametso mamavangôni na mamakanôni.

Colosses 2:9

Menyani mbe Christ te ôtô ômeengéa Nzambé gôéenanô na vede gôndé angô.

I Timothée 1:17

Tôkumédéni, na tôneegedeni gédundé Kumu asô n’anyô amôbô na môbô, ône amawani, na aseenanôni, angô Nzambé ésaba na gégoni. Amen.

I Timothée 6:16

One asangawani te angô. Amuene te gévede gévôni gésoongôa môma éwesea. Gôsaba môma amamôenani. Na gôsaba môma oongôa émôbononi. Ondômbee wetso na ngudi yetso éndéké gôndé angô môbô na môbô. Amen.

Hébreux 11:27

Moïse ameetsa Nzambé môtémedi wetso na asitsumé ngudi yedi paga gôénôtôga gô Egypte. G’ôpisa amôtômine atsenge asiene gomo. Amasipa ti eembe ameena Nzambé, ône aseenanôni, na miso medi na kiaa.

Hébreux 9:14

Okô mbe nzina yanyama dimaba na ngudi nane, tambô tasani ngudi diôtéani dindé gô nzina yaJésus‐Christ. Amaadeekeda amuene ôgondoku agébé n’oési. Nzina yedi digôgéda mianga miamitéma miasô n’anyô gômbe mikebanganô na ésima ébévani ésangamana ngudi yasô. Na vane tôngaba na ngudi gôéyanzéa Nzambé Kumu amonyo.