Romains 1:17 - New Testament in Mitsogo

¹⁷ Endé te nane. Tsangône Eamôsôba édué étônigôa gatsimaméda Nzambé wa n’anyô oma va mbene edi. Atôtsimaméda vatôétsa angô mitémamie gémôtsumé paga bandôa nyee amapanga ngu na nyee amôyusumédu. Te gatôbeendu gô Matendeo MaNzambé mbe: One asaba n’oési va miso maNzambé te mômane asamôtsuma paga na amamôétsa môtémee wetso. Angô andé na monyo.

Romains 1:17 ပူးပေါင်းရင်းမြစ်များ

Jean 3:36

One eetsa môtémedi wetso na gôndé Jésus, Muana ANzambé, andé na monyo amôbô na môbô. One aseetsa môtémedi wetso na gôndé Jésus asaba na monyoe ône ta na pesu na Nzambé amôena ôpisa.

Romains 10:3

Ene édaga gôndé ahngô te gôsamenyahngô mbe Christ amawa gôétsimaméda ahngô va mbene aNzambé. Ajuif amakônza wene mônongo gôéahtsimaméda anguene. Ahmakina môngongoe ômakônzéa Nzambé ahngô.

Romains 3:21

Ivô ndéône, Nzambé andé gôékoa we tôka n’etsimama va mbene edi, ti eembe tôsaba n’oési, kaka gô ngudi yagékeneo samige miedi. Va mbeego apandôédi amatasa maNzambé na mitôma miedi ahmanigôa mbe:

Romains 3:22

Nzambé abono oma ti eembe ahsaba n’oési veetsahngô Jésus-Christ mitémamie miaô. Nzambé atsimaméda muetso ane asatsuma Christ paga. Asatatôa oma mbe ahndé minongo mibaé.

Romains 3:3

Na gô pie avo va gatse aô amatsuma Nzambé paga. ?Ivô pagaye yaô dingakoa ôgi aNzambé mbe ôsaba na ngudi-a?

Romains 9:30

?Tôngeendani vita nayee? Ekegea te nane. Ane asaba gô éongo éAjuif na asibuta étsimama ényôngéô Nzambé, ahmatsimamédu vameetsahngô Nzambé mitéma miaô gébé na buétsé, gôéenanô n’edi ti eembe ahsaba n’oési.

II Corinthiens 3:9

Môtômine amaviga gôéeséda oma amabuéa n’obébayi ondômba. Tambô na môtômine aviga gôétsimanéda oma va mbene aNzambé ?asangaviga n’obébayi ôôtéani ôtubéda ôndômba wedi‐a?

II Corinthiens 5:21

Jésus‐Christ asibaké n’ebéva ivô Nzambé amakoa angô aka môbévi gô ébévee éasô n’anyô. Wa n’anyô dôta tôsibaké n’etsimama ivô Nzambé amakoa we tôka tômatsimamédu gô étsimamee éaJésus.

Galatie 3:11

Béyé nane éndé ti na vede mbe Nzambé aseena môma ti eembe asaba n’oési te gô ngudi yamige miaNzambé mikenea angô gôébégô Matendeo MaNzambé matônigôa mbe: One andé va mbene aNzambé gétsumé ngudi yedi paga te ône andé na monyo.

Philippiens 3:9

Nanyôngéô éba môvo n’edi. Tsoongôa éénda mbe gôkenea me mige mia Nzambé me tsaba n’oési va mbene éedi. Tsabômu mbe neenanô na Nzambé ti eembe tsaba n’oési, te gômeetsa me Christ môtémami wetso gémôtsumé paga. Amuene Nzambé amakônza nzéane mbe ôkô môma eetsi Jésus‐Christ môtémedi wetso gémôtsumé paga, me Nzambé nangamôbono ti eembe asaba n’oési.

Hébreux 10:38

Buéyé vane, ône andé n’etsimama va miso mami adônga te gôétsangô Nzambé môtémee gémôtsumé paga. Ivô ône anika ngima, me tsangeena gényônga n’edi.