Romains 1:16 - New Testament in Mitsogo

¹⁶ Me tsookô tsoyi gôénigôa Tsangône Eamôsôba éaJésus-Christ. Tsangô nedué étômenyeda ngudi yaNzambé dioboo muetso eetsa angô mitéma miaô. Mapangame te Ajuif. Buéyé n’ane asaba Ajuif.

Romains 1:16 ပူးပေါင်းရင်းမြစ်များ

Marc 8:38

Okô môma eena tsoyi gôndé me na mabégô mami va mbene oma andé n’edi ane anôtôga gôndé Nzambé gôémôviia ngima, na andé abévani; menyani mbe me, Muana Amôma nangeena tsoyi gôndé angô vangaviga me g’ôkumaka ondômbee a Téta Nzambé n’asi g’ôba ayanzie wedi.

LUC TSANGO EAMOSOBA EMATENDA 9:26

Okô môma eena tsoyi gôndé me na Mabégô mami va miso moma, menya mbe me Muana Amôma nangeena tsoyi gôndé angô vangaviga me g’ôkumakami na ôndômba aTéta n’asi g’ôba, ayanzie aNzambé.

Jean 7:35

Peeye yAjuif ameevôana anguene mbe: ?Angakea vita na gésa ndé gésangatômenyani? Tambô mavooe angakea te na gôndé Ajuif amapanzanganani adigaa va gatse aAgrec. Mavooe angeekéda Agrec.

Mayanzame 3:26

T’ebandô Nzambé amakudéga môyanzi edi, mapangame te gôndé anye. Amakudégéa angô na gôndé anye te mbe vangaviianye ngima mabégô manyô mabévani, anganôétsa mate.

Romains 10:17

Ekegea te nane. Môma eetsa môtémedi gétsumé Nzambé paga te gôôkô angô mane meekéduni. Mane meekéduni dôta te mangô mapandôéda mane mamavovo Jésus-Christ.

Romains 15:19

Amayanza na me gôétubéda émbégéa éangudi yedi, na gô mabégô manyônganéôni masoongôa môma ésupua, na gô ngudi yaGédidi SaNzambé. Te gameekéda me Tsangô Eamôsôba éaJésus-Christ, bandôa gô Jérusalem na nzéaye yetso dine ngu na gô tsenge éaIllyrie.

Romains 15:29

Me tsabômu mbe vangaviga me na gôndé anye, nangatsiga gô ngudi yamate maChrist.

Romains 2:9

Maguga na panda dimootéani dingaaga gôndé abévie muetso. Mapangame te Ajuif, na va ngimane vane, te ane asaba Ajuif.

Romains 4:11

Va mbenene vane, Abraham amageetu te ndémbô émeetsô angô na Nzambé gôétubéda mbe mômane ôdôô madeo asigeetu ameetsa me môtémedi gétsumé me paga, na asabadô n’oési va mbene ame, Nzambé. T’ebandô Abraham te tétene amuetso ane asageetuni eetsa Nzambé mitéma miaô na Nzambé eena ahngô ti eembe ahsabadô n’oési.

I Corinthiens 15:2

Nôobou gô ngudi yaTsangône Eamôsôba édué ôkô nôsipi gô yangô gamanôékéda me. Okô nôsisipa nômeetsa mitémamie te bobo.

I Corinthiens 2:2

Vamabaka me madeo tsiba n’anyô namavanga mbe: Tsangamenya évovo mene mabégô va gatse akasô, buétsé te ti Jésus‐Christ n’owedi va gésumu sowa.

I Corinthiens 2:4

Tsinigôé tsangône na meekédume gavovo asi tsengene n’enyepa éamavovia na éodoe yaô. Namapandôéda mangô na vede gô ngudi ya Gédidi SaNzambé. Ngudiye dine dimeenanô na vede. N’oma asiôngôé étsumadô Nzambé paga.

I Corinthiens 9:12

Namookô mbe akasô adiia gôndé anye. ?Tambô me tsaba na mitayi gôénôbeenda mbe: Keneani me‐a? Nandé na mitayi. Buéyé vane, tsinôduké sôma. Me namakenea memuene géduké anye sôma gôébôngôa ôtô ami kabaga nanôôkéda ébaku na kabaga gô ébakue éne nôkina Tsangô Eamôsôba éaJésus‐Christ.

I Corinthiens 9:18

?Môvanôe wami yéndé? Môvanôe wami te gényôngage géôkô me gôdugéda me éyanza émeetsô me gôéékéda Tsangô Eamôsôba ésavanôkôni. Me tsangasimbuéa ényangee éétsiô me, môékédi aTsangô Eamôsôba éaJésus‐Christ.

II Corinthiens 2:12

Vamatsiga me gô môsenge aTroas gôéékéda Tsangô Eamôsôba éaJésus‐Christ namakukuéô na Kumu asô n’anyô ômbaa wangô. Ombaa te oma amanyôngéô éôkô.

II Corinthiens 4:4

Asangoongôa ésinga mangô gôébégô Môtômine môbévani atsinane édué amakukéga yôkiia yamitéma miaô n’okutue. Te Môtômine ône iméda ahngô misome mbe kabaga eena gévedege gétanédu na Tsangô Eamôsôba étôtubéda ôndômba ôndé na Jésus‐Christ. Na étônigôa mbe Jésus te gégoni saNzambé.

II Corinthiens 9:13

Ene éyanzanye étubéda éne éndé gô mitéma mianyô. Ayekani angakuméda Nzambé gôndé anye nôgobeda ôgi aNzambé na nôtubéda akanyô gameetsanye mitémamie mianyô gô Tsangô Eamôsôba éaJésus‐Christ. Angakuméda Nzambé dôta gôsikiné anye ékabéa ôkitie wanyô n’akanyô muetso.

Galatie 1:7

Kaka mbe na gô pie gôndéké nyene Tsangô Eamôsôba. Ivô navovo nane gôébégô gôndéké oma anôyungédani gôébévéda Tsangô Eamôsôba éaChrist.

1 Thessaloniciens 2:13

Na gôndéké na yene ébégô ésatsika we ékuméda Nzambé gôndé anye. Vameekéda we anye Matendeo MaNzambé, nômookéô mangô na nômasinga mangô, ti pidi mbe ôgi aNzambé, kaka mavovia mamôma. Na mandéké te ôgi aNzambé. T’ebandô mandé na ngudi gô mitéma mianyô nosamatsuma paga.

I Timothée 1:11

Meekédume mapie mane, mandéké te gô Tsangô Eamôsôba émeetsô me Paul mbe neekéda yangô. Tsangô Eamôsôba étônigôa gandéké Nzambé, ône akuméduni ôndômbee na eendô mbe Kumu.

II Timothée 1:12

Maguga matubédu me, te gô éne. Buéyé nane, me tsatsuma paga ta na pesu. Me tsabômu ône ameetsa me môtémami. Namenya na gô pie mbe angô andé na ngudi yekenea éyanzee na ényangee émadeekedangô me, ngu na nyoo ôvôni.

II Timothée 1:16

Naduka Kumu Nzambé mbe eetsa mate medi gôndé géômbé saOnésiphore gôébégô akasôgéda me kuka yetso. Buéyé gandé me gô eba atsôgôô, asiôkô tsoyi gôévamba na me.

II Timothée 1:8

Nigôa na bôkédé ômbanza aKumu Jésus, gébé na tsoyi. Ombieena tsoyi, tsangô mbe me Paul nandé gô tsôgôô gô inedi. Ene éôtéa ényepani te mbe n’ewe muetso ôsinga magugame matubédu éwe gô Tsangô Eamôsôba éaJésus‐Christ. Amuene Nzambé angagôétsa ngudi gôésipa.

Hébreux 4:12

Menyani mbe Mane Mamavovo Nzambé mandé na ngudi na meetsa monyo. Mengôme medi mootéa mane meebaga. Mengéa gôndé môma ngu na gôwanya gédidi na matasa. Meengéa gô mawanyéô na diôngô ngu na gô misoosô. Matsundéda tsôvéye diôkô môma. Matsundéda na matasa magô tsina amôtéma amôma.

I Pierre 4:16

Okô môma atubédu maguga gôébégô andé môma aJésus, nômbiôkô tsoyi ivô neegedani Nzambé gômeetsô anye ina aJésus‐Christ.