Romains 1:14 - New Testament in Mitsogo

¹⁴ Nameetsô éyanza, ta madeo ésigôga édita gô môtéma ga égumba. Eyanzee te gôébuéda Tsangô nedué na gôndé oma muetso. Nabuéda éangô na gôndé éongo ékuma na éodo, na gôndé éongo ésaba n’eodo, na gôndé asi géneenga gévôni na gôndé ane asaba na géneenga.

Romains 1:14 ပူးပေါင်းရင်းမြစ်များ

Matthieu 11:25

Gô ndéô nene Jésus amavovo na Tétedi mbe: Ah Téta, Ewe Kumu atsina n’oba, nagôkuméda. Ewe ômatsutsuéda mabégô mavôni gôndé oma abobo mbe amamenya. Géé gôndé oma éodo, na oma agéneenga gévôni ômasuéga mangô.

LUC TSANGO EAMOSOBA EMATENDA 10:21

Gô ndéô nene, Jésus amatsôkéa na gényônga gévôni saGédidi SaNzambé, na amavovo na Nzambé mbe: Ah Téta, éwe Kumu atsina n’oba, nagôkuméda. Ewe ômatsutsuéda mabégô mavôni gôndé ana anéngé mbe amamenya. Géé gôndé oma eodo na oma agéneenga gévôni ômasuéga mangô. Na gô pie Téta, éndé te nane gôébégô ômuene ômanyôngéô te nane. Nagôkuméda gô éangô.

Mayanzame 22:21

Vane Kumu Jésus amoomba évovo n’ami mbe: Kiaka. Nagôtôma na gô dipo tungu yagôtongoni disibuéô na mbeego. Kiaka na gôndé mavo mongo masaba Ajuif.

Mayanzame 28:2

Mbuuane émabandôa ényogo na sodi gévôni. Asi néngé nene ahmakenea we na géneega. Ahmadumua gésotosoto na amakôkanganéda we va kôbangô asangô gôéôkô épiô.

Mayanzame 28:4

Vameena asi néngé nyogone éviômba émambata g’ôgogo aPaul amavovo anguene n’anguene mbe: Na gô pie mômôgôô nône asanyepa. Te môsi môkôbé. Bononi, buéyé gabusugi angô ôwa agô mubu, môtsundédine oma muetso asangamôsinga aba na monyo.

Mayanzame 9:15

Ivô Kumu amamônikéda mbe: Kiaka. Te me namasevoa mômôgôô nône. Nangayanza n’edi gôémenyeda inami gô tsengeye yetso madeo disookanô éangô. Atômi aô angookô. Oma aIsraël angookô te n’edi.

Romains 1:22

Oma anyemôga mbe andé n’eodo, tambô asamenya ébégô. Andé ti égiô.

Romains 11:25

Anee aTeétee n’ami ôôkôni ébégô édué éapie ésinigôganéô na muetso. Kabaga nôba n’etasa mbe we tômani étsiga v’ekôdéô éodo, nanôomba énigôa ébégô édué. Okabô ôvo éongo eaIsraël asangoongôa éôkô. Vangadugu ôkabôe ane asibôtu gô Ajuif amaviga na gôndé Nzambé gô géobogeo, na vane Ajuif angookô.

Romains 12:16

Bakani n’evamba anyene n’anyene. Nômbiaba na nyemo gôéabatéda anyene ivô bandani buéyé na mayanza moma abobo. Nômbianyemôga gô éodoe éanyene.

Romains 13:8

Nômbiasombonéa mitete, buétsé te môtete asô n’anyô ôvôni gôényônganéô wa n’anyôene na wa n’anyôene na étondo éapie. One anyôngéô môkedi amani égobeda migemie na mitômamie mietso miaNzambé.

Romains 16:19

Oma muetso amani éôkô gagobedanye Kumu Jésus. Me nanôtsôkéa. Nanyôngéô mbe nôba n’eodo gôéénda mane mamisôba na nôgônga mane mabévani va kôbangô kabaga nôdengu n’evindô.

Romains 8:12

Menyani mbe wa n’anyô ana aTéta, tôsaba na môtete na yôtô yasô n’anyô mbe tôngatômu na yangô gô manyima maô.

I Corinthiens 14:11

One avovo n’ami g’ôgi edi, me géôkô angô tsabômu mbe te môgenda. Me dôta gôndé angô nandé te môgenda.

I Corinthiens 14:16

Endé te nane. ?Okô ôkuméda Nzambé gô gédidi gétévo, akoo andé vangô gôéôkô angoongôa éaabéa mbe: Amen‐a? Angô genigôgéô éne ékuméda éwe Nzambé asangamenya éne évovo éwe.

I Corinthiens 2:13

Wa n’anyô tônigôa mabégôme mane kaka na mavovia mameekédu môma na éodo éamôkedi. Ivô tômanigôa na mavovia matôékédu na Gédidi SaNzambé. Te gatônigôa mabégô mapie maNzambé gôndé ane andéké na Gédidige SaNzambé géne.

I Corinthiens 3:18

Nôkenea kabaga môma abômu amuene. Okô môvo va gatse anye amenya mbe andé n’eodo gakegea éodo éatsengene asugédé amuene mbe: tsaba n’eodo, na vane angadiia éodo éapie.

II Corinthiens 10:12

Na gô pie me tsangoongôa éakuméda memuene geenda avo oma aabatéda anguene va mbene anyô. N’ahngô eenda ôdungé. Akina ôkana ômeetsô ahngô na Nzambé. Ahndéké môma na môma na wedi ôkana. Andé na dikana diyekani yamanyepa maô.

II Corinthiens 11:19

Anye nôndé n’eodo na gétabé nôsadagéô môsi tsôga.

Colosses 3:11

Vane oma asatatôu mbe Ajuif, n’ane asaba Ajuif, vo ane amageetuni n’ane asigeetuni, vo môma agéneega na môma abobo, vo avéga na ane asaba avéga. Gôébégô Christ, ône asaba n’ebandô na asaba n’ekôdéô andé gô mitéma mianyô.

II Timothée 2:10

T’ebandô nasinga maguga mema gôndé avo oma, buta mbe ane amasevou na Nzambé angeengéa gô géobogeo géndé gôndé Jésus‐Christ. Na angeengéa dôta g’ôndômbee ôsakôdéakani ag’ôba.

Tite 3:3

Osabômu mbe buéyé wa n’anyô va mbeego tômabaka gandéké akasô deo noo. Tômabaka n’odungé, gégobede, na tômabaka oma amadimbanéô nzéa. Tômadigaa g’ôvéga ômatômu we na tsôvé dibévani dimatsôkéa yôtô yasô n’anyô. Tômadigaa gô ébévee na gô ngusu. We tômavinga akasô, n’ahngô dôta amavinga we.