Romains 1:1 - New Testament in Mitsogo

¹ O te me Paul môyanzine aJésus-Christ. Nzambé amasevoa me na amakudéga me. Namatômu na Jésus gôéékéda Tsangô éedi Eamôsoba.

Romains 1:1 ပူးပေါင်းရင်းမြစ်များ

Marc 1:14

Jean ameengédu gô eba atsôgôô. Jésus amakea na gô Galilée gôéékéda Tsangô Eamôsôba émaviga gôndé Nzambé.

Jean 12:26

One anyôngéô éyanzéa me, akéé n’ami nzéepo. Na tungune éngaba me te éne éngaba môyanzine. Téta agobeda ône ayanzéa me.

Jean 15:15

Me tsoongôa énôénda mbe ayanzi ami gôébégô môyanzine asamenya éne éndé na kooko edi. Nanôteta mbe wee yami yamôtéma gôébégô namani énômenyeda metso mamatubédu me na Téta Nzambé.

Jean 15:20

Bangôani éne émanigôa me anye mbe gôsaba môyanzi ootéa kumu edi. Okô mbe oma akuana me, angakuana te n’anye muetso. Okô mbe oma amagobeda meekédu mami, angagobeda te na mane manyô.

Mayanzame 13:9

Gédidi SaNzambé gémeengéa pepe gôndé Saul, ône amoogu dôta mbe Paul. Amabono Elymas na nzôô.

Mayanzame 20:24

Ivô tsabono monyoe wami mbe te sôma sami satsoongo. Ene ébuta me gô monyo ôdôô te mbe nabuéa v’ekôdéô na gényônga ga môma akea tsaé. Na mbe namangôa éyanzee émeetsô me na Kumu Jésus. Eyanzee, te gôétsua na gôénigôa Tsangô Eamôsôba éangeba dimatôenanô na Nzambé.

Mayanzame 21:40

Môtômine amasinga. Paul amatema môtie va pandimô va komu eba. Amadékéda géômbége n’ogogo edi mbe: Kôdani. Oma amakôda. Paul amabandôa évovo g’ôgi aAraméen ôôkanô n’ahngô muetso.

Mayanzame 22:21

Vane Kumu Jésus amoomba évovo n’ami mbe: Kiaka. Nagôtôma na gô dipo tungu yagôtongoni disibuéô na mbeego. Kiaka na gôndé mavo mongo masaba Ajuif.

Mayanzame 22:7

Namamesegea na gô tsina. Namookô ôgie ômasemba me mbe: Saul. ?Saul, éwe ôkuana me gôndé?

Mayanzame 26:1

Agrippa amavovo na Paul mbe: Nagôsingéa gôénigôa éne éndé n’ewe. Vovoko. Paul amakômbôana n’edi, sambanéa. Amavovo mbe:

Mayanzame 26:14

We muetso tômagudama na gô tsina. Namookô ôgie ômavovo n’ami g’ôgi aAraméen ôvovo oma muetso mbe: Saul. ?Saul, ôkuana me gôndé? Vatubéda môkeneyi oo péndéne gôétévéda éwe nzéane, ôatsôkô ômuene gô yangô. Gô kéndéne yoo, ôabévéda te ômuene.

Mayanzame 27:23

Menyani mbe Nzambé, kumu ami amonyo, ône ayanzéa me amavigédéa me môsi g’ôba na pitsi.

Mayanzame 9:15

Ivô Kumu amamônikéda mbe: Kiaka. Te me namasevoa mômôgôô nône. Nangayanza n’edi gôémenyeda inami gô tsengeye yetso madeo disookanô éangô. Atômi aô angookô. Oma aIsraël angookô te n’edi.

Romains 1:16

Me tsookô tsoyi gôénigôa Tsangône Eamôsôba éaJésus-Christ. Tsangô nedué étômenyeda ngudi yaNzambé dioboo muetso eetsa angô mitéma miaô. Mapangame te Ajuif. Buéyé n’ane asaba Ajuif.

Romains 1:5

Nzambé amasingéa me mbe nasevou na nakudégu na Jésus gômbe angô anganeegedu. Gésooge sami te gôéweseda na gôndé Nzambé oma ahndé gô tsengeye yetso mbe eetsé Jésus mitéma miaô gémôtsumé paga, na agobédé angô.

Romains 1:9

Ene évovo me tsapata. Gémonige sami te Nzambé, ône ayanzéa me na môtémami wetso gôétsua Tsangô Eamôsôba éaMuanedi Jésus-Christ. Angô asabômu gateta me miname manyô

Romains 11:13

Me Paul navovo éva n’anye nôsaba Ajuif. Jésus-Christ amakudéga me gôétsua tsangône éedi na gôndé ane asaba gô éongo éAjuif. Na memuene natsôkéa gôékuméda éyanzee éne émeetsô me.

Romains 15:16

Amasevoa me gôéba môyanzi aJésus-Christ gôndé ane asaba Ajuif. Eyanzee éami te gôénigôa ane asaba Ajuif Tsangô Eamôsôba émaviga gôndé Nzambé. Nayanza gameenda môdeekedi adigondoku. Nadeekeda ane asaba Ajuif ôbiia na gôndé Nzambé. Gô ngudi yaGédidi sedi, Nzambé asinga ôgondokue ône.

Romains 15:29

Me tsabômu mbe vangaviga me na gôndé anye, nangatsiga gô ngudi yamate maChrist.

Romains 16:18

Gôébégô mônongoe oma ane, asayanzéa Kumu asô n’anyô Jésus-Christ. Ayanzéa te mabuyi maô. Gô mavoviame maô na buembee waô abômédu oma andé na mitéma miagésingiasingia.

Romains 16:25

Tôkumédéni Nzambé. Angô andé na ngudi gôétôsipéda gô nzéane éamonyo edi étôkéani. Atôsipéda gô Tsangô Eamôsôba éékéda me, na gô meekédume mami metso maJésus-Christ. Na dôta atôodeda gômanigôgéô wa n’anyô matasa maNzambé mamabaka ga mamasuégu. Ene émavanga Nazmbé gôndé wa n’anyô oma ésinigôganéô n’oma va mbeego.

I Corinthiens 1:1

Oô te me Paul namasevou gamanyôngéô amuene Nzambé. Namakudégu na Jésus‐Christ. We tôvovoni, te me Paul na Sosthène muana aTétene n’anyô agô mbumu éaNzambé.

I Corinthiens 9:1

Ane atsuma paga gôndé me Paul, aanakani. ?Me Paul namaba g’ôvéga‐a? Tsibé. ?Me Paul tsisevou na tsitômu na Jésus‐Christ‐a? ?Me tsiene na miso mami Kumu asô n’anyô Jésus‐a? ?Anye kaka gémbégéa gétubéda éyanzee éami‐a?

II Corinthiens 1:1

O te me Paul namasevou na namatômuku na Jésus‐Christ gamanyôngéô Nzambé. We tôvovoni te me Paul na muana aTétee n’asô n’anyô agô mbumu éaNzambé, Timothée. Gésangô gegé te sanyô asi mbumu éaNzambé nôndé gô môsenge aCorinthe na gô tsengene nyetso éaGrèce.

II Corinthiens 11:5

Anye nômenya mbe ane aviga gôénôékéda mabégôme mane te eekédie enyanga évôni. ?Tambô me Paul kaka môékédi môvôni‐a? ?Me tsitômu na Jésus‐a?

II Corinthiens 11:7

Vameekéda me anye Tsangô Eamôsôba émakudéga Nzambé, tsinôduké ta na sôma. Namasugéa memuene gôétômba anye. Mavooe namabaka n’oési gôéénda nane.

II Corinthiens 12:11

Anye nôbakéga me gôévovo ga môma andé tsôga. Anye mbe nôsungéa me‐géé nane, nôsungéa te avo avôni aviga na gôndé anye apata mbe: We tômatômu na Christ. Buéyé vasaba me môma môvôni tsaba gô tsina ahngô.

II Corinthiens 2:12

Vamatsiga me gô môsenge aTroas gôéékéda Tsangô Eamôsôba éaJésus‐Christ namakukuéô na Kumu asô n’anyô ômbaa wangô. Ombaa te oma amanyôngéô éôkô.

II Corinthiens 4:5

We tôsanôékéda tsangô éawéene. Tônôékéda mbe Jésus te Kumu. Gôndé we tôndéké ayanzie anyô gô ina aJésus‐Christ.

Galatie 1:1

Oô te me Paul nanôtendeani. One amasevoa me na amatôma me gô éyanzee édué te Jésus‐Christ na Tétedi Nzambé, ône amakundua angô g’ôwa. Gôndé oma, kaka ahngô amatôma me.

Ephésiens 1:1

O te me Paul namasevou na Nzambé na namatômu na Jésus‐Christ gôétsua tsangô éedi. Nanôtendéa, anye asi mbumu éaNzambé nôndé gô Ephèse. Anye nôsitatôané gô vitoone éndé n’anye na Jésus‐Christ.

Ephésiens 1:13

Anye asi Ephèse nômookô Tsangô Eamôsôba éaJésus‐Christ, yangô te meekédu mapie manônigôa géôbogeo. Vamookô anye nômeetsa Christ mitéma mianyô gébé na paga. Na vane Nzambé amatôéémba ndémbô étubéda inedi. Ndémbône te Gédidi sedi sovanga ômavanga angô mbeego.

Ephésiens 4:11

Na te angô akaba migôô gôndé oma ganyôngéô amuene. Ameetsa gôndé avo môgôô mbe asevou na atômu na Christ. Avo dôta waô môgôô te apandôédi adongi diviga gôndé Nzambé. Na avo ameetsô môgôô eetsua Tsangô Eamôsôba. Avo dôta gôéba môkeneyi ambumu éaNzambé na eekédie.

Philippiens 1:1

Oô te me Paul na Timothée tôndé ayanzie aJésus‐Christ, tônôkudéga gésangô gegé. Te gondé anye muetso asi mbumu éaNzambé nôndé gô môsenge aPhilippes, nômeetsa Jésus‐Christ mitéma mianyô gémôtsumé paga. Tônôtendéa dôta anye nôndé peeye na atômie agô mbumu éaNzambé.

Philippiens 2:11

Na yôgi yamongome metso mangakuméda Nzambé nyaa ônganigôa yangô mbe: Jésus te Kumu apie.

Colosses 1:1

Oô te me Paul nanôtendéani. Nandé môvo vandé ane amatômu na Jésus‐Christ, te gamanyôngéô amuene Nzambé. Oô te me Timothée, muana aTétee n’anyô agô mbumu éaNzambé.

Colosses 1:25

Me naka môyanzi ambumu éaNzambé. Ene te éyanzee émeetsô me na Nzambé gôénôyanzéa. Amatôma we gôéékéda na vede étasee éedi.

1 Thessaloniciens 2:2

Nôsabômu dôta mbe me n’egétsigaka na gôndé anye gô Thessalonique, namapanga étubédu maguga gô môsenge ôtetu mbe Philippes. Ivô Nzambé ameetsa we bôkédé gôénigôa anye Tsangô éedi Eamôsôba, buéyé gamadenga we gékuanô gévôni.

1 Thessaloniciens 2:8

Gôébégô tônônyôngéô na nzoo na gô mitéma miasô, tômanyôngéô énôétsa Tsangô Eamôsôba éviga gôndé Nzambé. Kaka éne étévo, ti na monyoe awéene. Mitéma miasô mimabaka te nane gôndé anye.

1 Thessaloniciens 2:9

Ana aTéta, nôsoongôa ééba gamayanza we ti v’ekôdéô éegogo évôni. Tômayanza na pitsi n’omanda kabaga we tôba ga égumba gôékeneo n’anyô gô ndéône émabaka we gôénôékéda Tsangô Eamôsoba émeetsô we na Nzambé.

I Timothée 1:1

Oô te me Paul, namasevou na Kumu asô n’oo Nzambé na namatômu naJésus‐Christ, ône andé tsoongone éasô n’oo étôténdéndni.

I Timothée 2:7

T’ebandô Jésus amatôma me gôénigôa ômbanzee wedi na gôndé ane asaba Ajuif. Me tsapata. Nanônigôa te mane mapie mayanza me. Nameekédangô Mabégô Metso MaPie maNzambé mbe eetsa mitéma miaô gô mangô gébé na buétsé.

II Timothée 1:11

Nzambé amasevoa me gôénigôa Tsangô nene Eamôsôba gôndé ane asavamba na Nzambé. Ameetsa me ényangee éamôékédi, na éamôma atômuku na Jésus.

Tite 1:1

Oô te me Paul, môyanzi aNzambé. Namatômu na Jésus‐Christ. Namasevou gôéweseda na gôndé Nzambé ane amanyôngéô Nzambé amôétsa mitéma miaô gébé na buétsé. Namasevou gôémenyeda ahngô mabégô metso mapie, te mane meekédu gô ésôgee éneegeda we Nzambé.

Hébreux 5:4

Gôsaba môma angatomo amuene gôéba môsungéyi. Môma akoga môsungéyi te vaabéa angô mbeeane éaNzambé. Aaron amabambéôkô na Nzambé te nane.

Hébreux 7:26

Jésus te môdeekedi môvôni adigondoku. Mbeka angô, wa n’anyô oma mbe tôsaba na tsoongo. Andé n’etsimama éetso. Asaba n’ebéva. Asaba na ébégô ébévani ta n’evo. Amaaganédu n’oma abévani gôétômbu na gô ngongo gômadigédu angô.

Jacques 1:1

Oô te me Jacques, môyanzi aNzambé na aKumu Jésus‐Christ nanôtendéa. Nanôkômbôa muetso asi mbumu éaNzambé nômapanzanganédu gô tsengeye yetso.

I Pierre 4:17

Géyénza gébuéyi, géne gébandôa môtsundu. Oma aNzambé to angô apanga étsundédu na Nzambé. Okô môtsundu ôbandôi na wa n’anyô oma aNzambé ?ékôdéô éamôtsundue gôndé ane akina Tsangô Eamôsôba éviga gôndé Nzambé éngaba nayee?

II Pierre 1:1

Oô te me Simon Pierre, môyanzine amatômu na Jésus‐Christ. Natendéa ane ahmeetsô na Nzambé ngudi yeetsa angô mitéma miaô gémôtsumé paga mônongovo gameetsa me. Ngudi yedi tômeetsô yangô gô étsimama éaNzambé na éaMooboyi asô n’anyô Jésus‐Christ.

Jude 1:1

O te me Jude, môyanzi aJésus‐Christ. Me te muanayaa aJacques. Natendéa anye nômaabéa gômabambéô anye na Nzambé na nôdigaa évambevo n’edi anye nôkeneo na Jésus‐Christ.

Gétsutsuéô 1:1

Gô gésangô gegé nôngookô tsangô éamane mamatsutsua Jésus‐Christ. Nzambé amasingéa Jésus‐Christ gôétsutsua mangô gômbe angatévéda ayanzi edi mane mangabuéani. Amakudéga môsi g’ôba na gôndé môyanzi edi Jean, gôémôtévéda mabégô mema.

Gétsutsuéô 22:6

Môsi g’ôba amoomba évovo na me Jean mbe: Mabégô mema te mapie na moongôa môma eetsa môtémedi gôématéndéda. Menya mbe Kumu Nzambé, ône ameetsa Gédidi sedi na gôndé apandôédi amatasa medi, te ône amakudéga asi g’oba ayanziedi gôétubéda ayanzi edi agô tsina mane masangaamba ébuéani.

Gétsutsuéô 22:9

Ivô angô amasemba me mbe: Ombiayeega éneegeda me. Me te môyanzi gandé éwe na gandé ana aTétee n’oo, apandôédi amatasa maNzambé na gandé muetso ane ahgobeda ôgie amiganda miemi. Nôneegeda te Nzambé.