Philippiens 4:9 - New Testament in Mitsogo

⁹ Indakani na ngudi yanyô yetso éne émeekédu anye na éne émeetsô anye na me. Indani dôta éne émookô anye me nanônigôa, na éne émeenanye me neenda. Amuene Nzambé, Kumu agétabé angaba n’anye.

Philippiens 4:9 ပူးပေါင်းရင်းမြစ်များ

Matthieu 1:23

Tômbô madeo asigésangana na mômôgôô angatsua émé. Angabôta muanamômôgôô. Angamôôga mbe Emmanuel. (Evéndégéô mbe Nzambé andé n’asô n’anyô.)

Matthieu 28:20

Nôékédaka ahngô gôégobeda mabégô metso mamatôma me anye. Bangôani ébégôé édué. Me nandéké n’anye pitsiye yetso ngu na vangakôdéa tsengene.

Matthieu 7:21

Kaka muetso ateta me mbe: Kumu, Kumu, angeengéa gô tsenge éami éag’ôba. Ivô ane eenda éne ényôngéô Téta ône andé g’ôba, te ahngô angeengéani.

LUC TSANGO EAMOSOBA EMATENDA 6:46

?Anye nayee nôénda me mbe: Kumu, Kumu, na anye nôsagobeda me gô mane matôma me?

LUC TSANGO EAMOSOBA EMATENDA 8:21

Jésus amavovo na muetso mbe: Iya, n’aneya, te ane ookô ôgi aNzambé na agobeda angô.

Jean 13:17

Anye nômani énigôgéô ébégô édué. Okô nôéndi éangô nôngaba na gényônga.

Jean 15:14

Anye te wee yami yamôtéma ôkô nôéndi éne énôtôma me.

Jean 2:5

Yeene aJésus amavovo n’ayanzie akumu yambôka mbe: Eetso éngatômu anye n’edi, indakani éangô.

Mayanzame 9:6

Timôgaka. Tsigaka na gô môsenge. Gône ôngakebeendu éne éngeendewe.

Romains 15:33

Te mbe Nzambé, môétsi agétabé abaké gôndé anye muetso. Amen.

Romains 16:20

Tôsabômu mbe amuene Nzambé, môétsi agétabé, n’atsatsee angayetéda Satan gô makôdô manyô gôémôniga. Te mbe mate maKumu éasô nanyô Jésus mabaké gôndé anye.

I Corinthiens 10:31

Nômbiatsapéô. Buéyé mbe aakani buéyé mbe nyuakani, buéyé mbe indakani pati ébégô, indakani metso te gôékuméda Nzambé.

I Corinthiens 14:33

Nzambé kaka Kumu amabégô masagôsagô, na madiyunga. Na asanyôngéô wa n’anyô tôénda mane, ivô tôbaké gô gétabé. Indakani geenda asi mbumu éaNzambé muetso.

I Corinthiens 4:16

T’ebandô nanôtôma mbe: Indakani geenda me.

II Corinthiens 13:11

Te nane ana aTétee n’ami, gésoo navovi. Nakôdéyi te vane. Butani édiia étsimama. Kasôgédanani anyene n’anyene. Bakani na vitoo. Digaakani gô gétabé. Na vane, étondo éaNzambé na gétabé sedi géngaba gôndé anye.

Philippiens 3:17

Ana aTéta, indani tsingayi geenda me. Namani énôtubéda. Tambô anye dôta émbégéani ane akea gô nzéane émanôtubéda me.

Philippiens 4:7

Vane gétabé saNzambé, géne géôtéa pepe gétabé gémenya môma, génganôsuméda mitémamie na génganôsipéda édidie gôndé Jésus‐Christ.

1 Thessaloniciens 1:6

Nômadeka gamadigaa we na gamadigaa amuene Kumu Jésus. Gô éne nômeena te maguga. Buéyé nane nômasinga Mane Mamavovo Nzambé n’ekasôga émeetsô anye na Gédidi sedi.

1 Thessaloniciens 2:14

Ana aTétee, anye nômeena mabégô mameena dôta asi mbumu éaNzambé andé gô Judée, ane ameetsa Jésus mitémamie. Anye nômatubédu gékuanô n’ane andé tsenge épo n’anyô. Gékuanôge géne te gévo na géne gématubédu asi mbumu éaNzambé gô Judée na Ajuife n’aô.

1 Thessaloniciens 5:23

Tônyôngéô mbe Nzambé, môsumédi amitéma aaganédé anye gô mabégô mabévani gôénôkoa omedi amatsimamani. Buta mbe vangaviga Kumu Jésus‐Christ nôba gébé n’oési gô mitémamie mianyô, buéyé na gô édidié éanyô, buéyé na gô matasame manyô, buéyé na gô yôtôye yanyô.

II Thessaloniciens 3:4

Kumu Jésus atôsuméda mitéma gôndé anye mbe nôndé gôégobeda ndongi yasô na mbe nôngoomba édigobeda.

II Timothée 4:22

Te mbe Kumu Jésus abaké n’ewe. Na mbe mate maNzambé mabaké gô mitéma mianyô muetso.

Jacques 1:22

Nômbiabômédu anyene. ?Mane mamavovo Nzambé, nôndé gôéôkô mangô te na matô matévo nayee? Indakani mane mookô anye gô mangô.

II Pierre 1:10

T’ebandô ana aTétee gényôgani na ngudi gôésipa gômaabéa anye mbeeane émabambéô anye na Nzambé na gô gésevôéôge sedi gémasevou anye. Okô nôénda nane, anye nôsangapônga ta na pesu.

I Jean 3:22

Wa n’anyô tôdiia gôndé angô metso mane maduka we te gôgobeda we mitôma na mige miedi na tôénda gô mabégô metso te éne ényôngéô angô.