Philippiens 4:8 - New Testament in Mitsogo

⁸ Endé te nane, ana aTétee. Bakani matasa manyô metso gô mane mamisôba na gô mane makumédu na Nzambé, na gô mane mapie, na mane meegoba, na mane metsimama, na mane mamagôgéani, na mane manyônganéôni na gô mane mandé kuanakue.

Philippiens 4:8 ပူးပေါင်းရင်းမြစ်များ

Matthieu 22:16

Ahmatôma avo aneengie aô na avo ava géômbé saHérode gôévovo na Jésus mbe: Môékédi, tôsabômu mbe mane mavovo éwe te mapie matévo. Oékéda môdigédi apie ônyôngéô Nzambé. Gô meekédu moo ôsaba na ônzenze amôma. Ahmanyôngéôyee, ahsamanyôngéôyee, ébégôe te éanguene.

Marc 6:20

Hérode ameena Jean édita. Asibômu mbe Jean te môma amatsimamani aNzambé. Ameebakanéda angô. Hérode amanyôngéô éôkô mane mameekéda Jean buéyé mbe gameesédu angô na môtémedi gô meekédu maJean.

LUC TSANGO EAMOSOBA EMATENDA 16:15

Jésus amavovo n’ahngô mbe: Anye te nôenanô n’oma mbe nôndé oma amisôba tambô Nzambé abono te môtéma amôma na asabômu mine mianyô. Menyani mbe éne étanganéda môma mbe ébégô évôni, va miso maNzambé ésaba na tsoongo.

LUC TSANGO EAMOSOBA EMATENDA 2:25

Gô Jérusalem gômabaka mômôgôô atetu mbe Siméôn. Amabaka môma amôsôba. Amagobeda Nzambé na ameenéa gévigéô saMooboyine ana aIsraël. Gédidi SaNzambé gémabaka n’edi.

LUC TSANGO EAMOSOBA EMATENDA 23:50

Gômabaka gévovi sagô kundu épôni éaJuif. Inedi Joseph, môsi mbôka éAjuif ééndô mbe Arimathée. Asigésangané n’akedi étasevo gô mane mamasunda ahngô Jésus. Amabaka môma amôsôba amavôma. Môtémedi wetso ômaba gôéenéa ôkumu aNzambé.

Jean 7:18

Jésus angô mbe: One avovo gô ényangee éedi amuene abuta ékumédu. Ivô ône ayanza mbe môtômine wedi akumédu asangapata. Na mane medi metso te mapie matévo.

Mayanzame 10:22

Agendee amamônigôa mbe: We tôvigi gô ina aCorneille, môtômi amigode. Angô te môma amôsôba aneegeda Nzambé. Ajuif muetso amômekeda. Môsi g’ôba amavigédu na Nzambé gôémôbeenda mbe: Wanyédé Pierre aviga na gô eboo. Ovôtanganô éne énganônigôa angô.

Mayanzame 22:12

Gô Damas gômabaka mômôgôô, inedi Ananias. Amaneegeda Nzambé na amagobeda mitôma na mige miasô n’anyô. Ajuif muetso agô Damas amamekeda Ananias.

Mayanzame 6:3

T’ebandô, ana aTéta asi mbumu éaNzambé, sevoani va gatse anyô amôgôô tsambué. Sevoani amôgôô amookanô mbe andé na môdigéô abuedi na andé n’eodo, na amayuésédu mitéma miaô na Gédidi SaNzambé. Na tôngeetsa ahngô éyanza éne.

Romains 13:13

Tôdigékéni gô ésima ésapenganani, wa n’anyô asi gô gévede. Tônôtôgéni gô évitsi na ésimee yedi éasagô, na édangi, na éagésasô, na éamasaganédana na éangusu.

Romains 13:3

Endé te nane. Agobedi amitômamie miatsenge asaba na mikebanganô gôndé atômi. Ane andé na mikebanganô te ane akékôani. Ewe ôsanyôngéô édigaa na mikebanganô, buedi gôégobeda atômie na ôngakumédu.

Romains 14:18

Okô ôyanzéa Christ gôémôgobeda gô mabégô mema, Nzambé anganyôngéô na akoo dôta angagôsénga ôséngu.

Romains 2:29

One andé na gô pie Môjuif asigeetu gô gékeneo samige mimatenduni, ivô amageetu na Gédidi SaNzambé gô môtémedi. One andé na gô pie Môjuif asakumédu na môma. Akumédu te na Nzambé.

I Corinthiens 4:5

T’ebandô nanôbeenda mbe nômbiayavôga éeséda môma, ndéône émasevoa Nzambé madeo ésibuéa. Tôenékéni ngu na vangaviga Kumu asô n’anyô. Amuene angakuséda na v’ekanga mane mamasuégu v’esooe. Angatsutsuéda na matasame mav’esooe mandé gô tsina amôtéma amôma. Vane môma na môma angakumédu na Nzambé kumane éndé kuanakue n’edi.

II Corinthiens 13:7

We eekédi tôvovo na Nzambé gôndé anye mbe nôsangeenda ébégô ébévani ta n’evo. Kaka mbe nasénga we eekédie ôséngu, ivô gôétubéda mbe anye oma aChrist nôndé na ngudi yaNzambé gô mane mamisôba, buéyé mbe we eekédi tôenanôkô mbe oma asaba na ngudi.

II Corinthiens 6:8

Tôkumédu na tôtsuavô. Tôséngu na tôdetu. Tôéndô mbe apati, tambô tôvovo ti mane mapie.

II Corinthiens 8:18

Tônôkudégéa Tite na môkedi ône amookanô kumane na mbumuye yetso yaNzambé. Kumane te gayanza angô gô Tsangô Eamôsôba éaJésus‐Christ éékédangô.

II Corinthiens 8:21

Tônyôngéô mbe éne éénda we éagébé n’oési va mbene aKumu Nzambé, ébaké dôta gébé n’oési va mbene oma.

Galatie 5:22

Tambô gabôta géétété samôsôba miônda miedi miamisôba, mônongovo gaGédidi SaNzambé gébôta gô môtéma amôma ésima éedi éamisôba. Gébôta t’etondo, na gényônga, gétabé, ôbibô, tsôvé oma, ngeba, mavôma,

Ephésiens 4:25

T’ebandô nanôtôma mbe: Sasani diboe. Buedi mbe môma na môma avové na môkedi mane mapie. Gôébégô tôndé muetso éeme éamôkuba ôvo.

Ephésiens 5:9

Va tungune éndé gévede veenanô ésima éetso éamisôba, n’etsimama, na mabégô metso mapie.

Ephésiens 6:14

Bakani na vévé gôéenéa môgenyee. Oodedani Mabégô MaPie MaNzambé goodedanye môkodi v’ôninge. Aatani étsimama gaatô ngoyi éamianga.

Philippiens 3:1

Deo noo ana aTétee n’ami, tsôkéakani gô éne émayanzéa Kumu Jésus anye. Me tseena panda na tsagogo énôomba ébeenda éne émamana me étenda kuka éamapanga. Gôndé anye ényepa gôéomba ébeendu.

Colosses 4:5

Digaakani na deede n’ekena va gatse ane madeo asineegeda Jésus‐Christ. Kuka yetso didenganô anye vavo n’ahngô, nômbiasinga ndéône éôta anye gévové éne éndé na tsoongo.

1 Thessaloniciens 4:12

Okô nôgobedi ndongi yedi nôsangagômbéô sôma, buéyé mbe nôsaba na môma gôénôwedéa. Na dôta ane asaba oma aChrist anganôbono na angamenya gô tsina yamitéma miaô mbe: Na gô pie, gôndéké ébégô.

I Timothée 2:2

Buedi gôévovo na Nzambé gôndé atômi avôni atsengeye, n’ane andé na manyanga muetso, buta mbe tôdigaa na gétabé gébé na mikebanganô. Vane tôngaba na môdigeo ôgobedani ganyôngéô Nzambé.

I Timothée 3:11

Buedi mbe agayaô dôta abaké agobedani na gébé gékinda pambo éadeekeda. Abaké gébé na migianganô miamatsuavi. Abaké ageto abôkédé na amavôma gô mabégô metso.

I Timothée 3:4

Buedi mbe amenye étôma asi ebedi. Gô mônongoe ôtômangô anedi angamôgobeda na angamômeekeda. Divooti yedi te yapie.

I Timothée 4:12

Ombiasinga môma, ta na môvo adeta ônzambue woo mbe: Agébaka ti muanéngé. Ivô gô mônongoe woo, tubéda ane ameetsa Jésus mitémamie nganégu éamôsôba g’ôvovédie woo, na g’ôdigédie woo. Tubéda angô dôta ganyôngéô éwe akoo, na gasatsumewe Jésus paga gandé éwe na môtéma ômagôgéani.

I Timothée 5:10

Otenda te ône amenyanganô gô mayanza medi mamisôba na amamenya éékéda anedi. Te ône amamenya ékenea agenda na asikiné éyanzee éagébé na tsama gôéwedéa asi mbumu éaNzambé, na amawedéa ane amaba gô maguga na ameenda mayanza mamisôba maminongo mietso.

I Timothée 5:2

Ikéda gébôôtô samôgeto ti eembe te yoo. Ikéda tômbô ga kadi yoo gébé na matasa masagô.

Tite 1:8

Na buedi mbe ône eetsô ényangee éopayi abaké môma amenya ékenea agenda na abaké môma anyôngéô te mane mamisôba. Abaké dôta na môtéma ômasumani, n’etsimama, na abaké gépenganédé mavovia. Na amenya étôma ôtôe wedi.

Tite 2:14

Amaadeekeda amuene gôéwa gôndé wa n’anyô, gôéyuua we gô mabégô metso mabévani na gôégôgéda we mbe tôngaba omedi, asi évambevo n’edi. Na mbe tôngaba na gényônga na môvinéné gôéénda mane mamisôba.

Tite 2:2

Beenda peeye yamôgôô mbe: Digaani ékenge, n’esima éamisôba, n’eodo. Beenda ahngô mbe: Sipani gô nzéa éaJésus étôkeani édué. Na bakani n’etondo na ôbibo.

Tite 2:7

Ewe Tite, ôtévéda ahngô gô mônongoe woo gayanza mônzambu mabégô mamisôba. Odigaa na môtéma ômasumani gôéékéda mabégô mavôni mandéké n’ewe.

Tite 3:14

Buedi mbe omee asô n’anyô, éékédu gatôwedéana wa n’anyône na wa n’anyôene gô mane mavôni matôgômbéôni. Enyepa mbe omee asô n’anyô agono na géétété gébôtani gô mayanza maô n’esimee éaô éamisôba, kaka ga géétété sagékômba.

Hébreux 11:2

Va mbeego omee amaséngu na Nzambé ôséngu, te ane amamôétsa mitéma miaô mietso gémôtsumé paga.

Hébreux 13:18

Nômbiatsika évovo na Nzambé gôndé we tônônigôa mabégô mema. Wéene tôsabômu mbe tôsadigaa n’ebégô étsundédu we na mianga miamitéma miasô, mbe tôsakônza éangô. Na tônyôngéô mbe tôbaké te nane.

Jacques 1:27

One andé na gô pie môma aNzambé, gébé n’oési va mbene aNzambé te ône aweda ana atsani na mikué gô panda yaô. Na akumba mane mabévani matsenge nedué.

Jacques 3:17

Ivô gôndéké éodo éviga g’ôba te éodo émagôgéani. Ene te ébégô éedi éamapanga, na éodoe éne éndé éagétabé, gébé na nyemo, gébé na tato. Te éodo émayôa na ngeba, na ékuséda go môtéma amôma ésima éamisôba. Eodoe éne ékina matasa mabévani na ésaba n’enyepa éamônya.

I Pierre 1:22

Nômagôgéda mitéma mianyô vamagobedanye mabégô mapie. Na nômadiia étondo éapie éana aTétee. Te vane nyônganéôni pepe anyene n’anyene na mitéma mianyô mietso.

I Pierre 2:12

Bakani na midigédi miamisôba va gatse oma asavamba na Nzambé. Buéyé mbe g’ôsôbee waô apatéa anye mbe oma abévani, ivô ahsabômu mayanzame manyô mamisôba. Te vane vangayanza Nzambé gô mitéma miaô anganôkuméda.

I Pierre 4:8

Nas’ediiaka mabégô metso pángani ényônganéô anyene n’anyene ti v’ekôdéô éenyônganéô. Gôébégô étondo épika mabégô mayekani mabévani.

II Pierre 3:1

Anami amôtéma, nôeni gésangô samôbaé génôtendéa me. Gô gésangô samapanga na samôbaé nabuta étimôa matasa meetsimama meedidi éanyô gô éne ébangôéda me anye.

I Jean 3:18

Anami ôkô mbe tônyônganéô wa n’anyôene na wa n’anyôene, kaka gô mavovia na ényepa éamônya. Tambô tônyônganéôni ti na gô pie te gô mayanza masô mamisôba.

I Jean 3:3

Muetso tôndé na tsoongone éne gôndé Christ tôkeneke mitéma miasô mbe migôgédu gandé amuene andé amagôgéani.

I Jean 4:1

Anami amôtéma, nômbiasingana na muetso eenda mbe, me nandé na Gédidi SaNzambé. Tônegedani sangô ôkô mbe gédidige géne géviga gôndé Nzambé. Endé te nane, eekédi ayekani adiboe atsanzabani gô tsengeye yetso.