Philippiens 4:7 - New Testament in Mitsogo

⁷ Vane gétabé saNzambé, géne géôtéa pepe gétabé gémenya môma, génganôsuméda mitémamie na génganôsipéda édidie gôndé Jésus‐Christ.

Philippiens 4:7 ပူးပေါင်းရင်းမြစ်များ

LUC TSANGO EAMOSOBA EMATENDA 1:79

Gévedege géne géngapatsa évitsi gôndé ane adigaa gô tsina éangô na gô tsina otômu owa. Te gévedege sangô gétévéda makôdôme masô n’anyô gôékea gô nzéa éagétabé.

LUC TSANGO EAMOSOBA EMATENDA 2:14

Kumédani Nzambé gô tungu yag’ôba na gô Tsina gôbaké gétabé gôndé oma anyôngéô angô.

Jean 14:27

Me nakeyi. Ene étsikéa me anye te gétabé sami mbe géngaba gô mitéma mianyô mbe nôngaba na mitéma mimasumani. Géne sami gétsikéa me anye gésagono na géne satsenge nedué. Nombiaba na mikebanganô gô mitéma mianyô.

Jean 16:33

Namani énônigôa metso mane te mbe gétabége sanyô géngaba te gô évambee éndé anye n’ami. Gôgébakanye gô tsina, nôgébaka te gô panda. Ivô tsôkéakani na bôkédé. Gô ébadie égenyu gô tsengene, me namani éediia.

Romains 1:7

Nanôtendéa anye asi Rome nôbambéô na Nzambé mbe vagébakanye va tsina nôngaba môvo n’edi. Na mbe nôngatetu mbe asi mbumu éedi. Te mbe Nzambé, Tétee éasô n’anyô, na Jésus-Christ Kumu asô n’anyô anôétsa mate medi na gétabé sedi.

Romains 14:17

Okumu aNzambé ôsangono na môyakô na meba. Oôtéa mane. Mabégô mokumu aNzambé te metsimama, na magétabé, na magényonga meetsa Gédidi SaNzambé.

Romains 15:13

Gôsatsuma anye Nzambé paga, te mbe angô Kumu atsoongone éasô n’anyô, anôétsa gényônga sedi na gétabé sedi sapie. Okitie wanyô te môténdéda ôndé n’anyô gô ngudi yaGédidi SaNzambé.

Romains 5:1

Endé te nane. Wa n’anyô tômeetsa Jésus mitéma miasô n’anyô gémôtsumé paga, tôenanô na Nzambé ti eembe tôsaba n’oési. Na tôdigaa n’edi na gétabé gô ngudi yaKumu Jésus-Christ.

Romains 8:6

Mikebanganô miamane manyima ôtô mikeda môma na g’ôwa. Ivô gékéneo samane manyôngéô Gedidi SaNzambé gétôétsa monyo na gétabé.

II Corinthiens 10:5

Na mayanza maô, oma asaa môgômba ôebakanéda môma gôémenya Nzambé. We tôndé gôépanzéda môgômbee ône gôékukua nzéane gôndé oma gôémenya Nzambé. Na ékeeyi éétsa Nzambé me, nagenya gôétsôpa matasame moma gôémakeda gôéneegeda Christ, gatsôpu môsi tsôgôô.

II Corinthiens 13:11

Te nane ana aTétee n’ami, gésoo navovi. Nakôdéyi te vane. Butani édiia étsimama. Kasôgédanani anyene n’anyene. Bakani na vitoo. Digaakani gô gétabé. Na vane, étondo éaNzambé na gétabé sedi géngaba gôndé anye.

Galatie 5:22

Tambô gabôta géétété samôsôba miônda miedi miamisôba, mônongovo gaGédidi SaNzambé gébôta gô môtéma amôma ésima éedi éamisôba. Gébôta t’etondo, na gényônga, gétabé, ôbibô, tsôvé oma, ngeba, mavôma,

Ephésiens 3:19

Anye mbe ti nômenya étondo éaNzambé, buéyé mbe gôsaba môma oongôa émenya ébandôe n’ekôdéôé éangô. Ivô nôngoongôa émenya éangô gôyuésédu mitéma mianyô n’amuene Nzambé.

Philippiens 1:1

Oô te me Paul na Timothée tôndé ayanzie aJésus‐Christ, tônôkudéga gésangô gegé. Te gondé anye muetso asi mbumu éaNzambé nôndé gô môsenge aPhilippes, nômeetsa Jésus‐Christ mitéma mianyô gémôtsumé paga. Tônôtendéa dôta anye nôndé peeye na atômie agô mbumu éaNzambé.

Philippiens 1:2

Tônyôngéô mbe Nzambé, Tétene éasô n’anyô na Kumu Jésus‐Christ anôétsa mate medi na gétabé sedi.

Philippiens 4:19

Nzambé, ône akuméda me, anganôétsa mane magômbéô anye mandéké g’ôkitie ôvôni ôkenea angô gô ina aJésus‐Christ g’ôba.

Philippiens 4:21

Kômbôani gôndé me gô ina aJésus‐Christ asi mbumu éaNzambé muetso. Ane aTétee andé n’ami éva anôkômbôa.

Philippiens 4:9

Indakani na ngudi yanyô yetso éne émeekédu anye na éne émeetsô anye na me. Indani dôta éne émookô anye me nanônigôa, na éne émeenanye me neenda. Amuene Nzambé, Kumu agétabé angaba n’anye.

Colosses 3:15

Singani mbe gétabé saJésus‐Christ génôsuméda mitéma. Nzambé amanôbambéa gôévamba gavamba éemé éotô ôvo mbe nôbé na gétabége sedi géne. Kumédani angô.

II Thessaloniciens 3:16

Te mbe Kumu Jésus amuene môétsi agétabé anôsuméda mitéma gô ndéô yetso na gô minongo mietso. Te mbe abaké gôndé anye muetso.

Hébreux 13:20

Tôkumédéni Nzambé Kumu agétabé ône amakundua Kumu asô n’anyô Jésus va gatse ane amawani. Gô ngudi yowedi, Jésus aka môkeneyi môvôni amandombo medi. Ene émavambédu môma na Nzambé gô nzina yedi te évambee amôbô na môbô.

Jude 1:1

O te me Jude, môyanzi aJésus‐Christ. Me te muanayaa aJacques. Natendéa anye nômaabéa gômabambéô anye na Nzambé na nôdigaa évambevo n’edi anye nôkeneo na Jésus‐Christ.

Gétsutsuéô 1:4

Oô te me Jean nanôtendéa anye asi mbumu éaNzambé gô mbôka tsambué gô tsenge étetu mbe Asie. Te mbe mate na gétabé gébaké gôndé anye. Eetso éne nôédiia te gôndé Nzambé. Angô amabakani, na andéké, na te angô angavigani. Nôédiia te gôndé édidi tsambué éndé va kôbangô éagédigaa sokumaka gédigaa Nzambé g’ôba.

Gétsutsuéô 2:17

Okô mbe anye nôndé na matô ôôkôni môma na môma mane mavovo Gédidi SaNzambé na anye asi mbumu éaNzambé. Angô mbe: Gôndé ane adiiani gô ébadi égenyuni nangeetsa ahngô môyakô ôviga g’ôba ôsamenya muetso. Nangeetsa ahngô dôta étaé éavembo ématendu ina éatsatsee ésamenya muene môma buétsé te kumue éangô.