Philippiens 4:4 - New Testament in Mitsogo

⁴ Gô ndéô yetso tsôkéakani gô éne éyanzéa Kumu Jésus wa n’anyô. Noomba énôtôma mbe: Tsôkéakani.

Philippiens 4:4 ပူးပေါင်းရင်းမြစ်များ

Matthieu 5:12

Tsôkéani na gényônga gévôni gôébégô nôngadiia misenda g’ôba. Va mbeego anye madeo nôsibôtu apandôédi amatasa maNzambé amakuanô te nane.

Mayanzame 16:25

Va gatse apitsine, Paul na Silas ahmavovo na Nzambé na ahmatôa mimbô gôémôkuméda. Ana amabaka gô dipo tsongo gô eba atsôgôô amookô.

Mayanzame 5:41

Ane amatômukuni amanôtôga gô eba amisoso. Amatsôkéa na gényônga gévôni mbe: Nzambé amasevoa we gôétubédu gékuanô saina aJésus.

Romains 12:12

Tsôkéakani môténdédee ôndé n’anyô. Bibédani maguga gôéenéa éne éngayanza Kumu. Vovoni na Nzambé gédundé.

II Corinthiens 6:10

Miso masô te keba, ivô gô mitéma tôndé na gényônga. Tômenyanganô mbe misuga, tambô tôdôngéda ayekani n’okitie ôndé n’asô. Tôsaba ta na dode épo mbe tôsômba sôma, tambô tôsabuta sôma.

Galatie 1:8

Menyani édué. Okô muene, buéyé mbe môma buéyé mbe môsi g’ôba avigédu na Nzambé, anônigôa nyene tsangô éamôsôba épangana na éne émapanga we éékéda anye, ahngô mbe ahngadoku na gô mungu asoto.

Philippiens 2:18

Na vatsôkéanye, me dôta nangagésangana gôétsôkéa gényônga gévo n’anye.

Philippiens 3:1

Deo noo ana aTétee n’ami, tsôkéakani gô éne émayanzéa Kumu Jésus anye. Me tseena panda na tsagogo énôomba ébeenda éne émamana me étenda kuka éamapanga. Gôndé anye ényepa gôéomba ébeendu.

I Pierre 4:13

Eébéyée nane tsôkéakani g’ôkabô ômadiia anye gô maguga mameena Christ. Mônongovo gangatsôkéanye na gényônga gémootéani vangatsutsuga ôbébayi ôtubéda ôndômba aJésus.