Philippiens 4:11 - New Testament in Mitsogo

¹¹ Tsavovo nane tsangô mbe nandé gôébuta sôma. Nameekédu na Nzambé mbe nabaké na gényônga nabéyee na sôma, tsabéyee na sôma.

Philippiens 4:11 ပူးပေါင်းရင်းမြစ်များ

LUC TSANGO EAMOSOBA EMATENDA 3:14

Na migode ameevôa Jean dôta mbe: ?Na we, tôénda nayee? Amongô ahngô mbe: Nômbiabanda dode yamôma gô ngudi yanyene na buembee wanyô na mônongoe wanyô apataga. Bakani n’ene évanéôkô anye n’atômie.

II Corinthiens 11:27

Namayanzédu mayanza madagani. Nameena maguga mamootéani. Pitsi diyekani oma asisingé me neeboga vio. Namookô nzaa na sôé. Kuka diyekani oma asidugédu me môyakô. Namookô sodi na tsibé na mikanda.

II Corinthiens 6:10

Miso masô te keba, ivô gô mitéma tôndé na gényônga. Tômenyanganô mbe misuga, tambô tôdôngéda ayekani n’okitie ôndé n’asô. Tôsaba ta na dode épo mbe tôsômba sôma, tambô tôsabuta sôma.

II Corinthiens 8:9

Anye nôsabômu éne émeetsô wa n’anyô na Kumu Jésus‐Christ ôbiia. Amabaka gékiti. Amakoga môsuga te mbe wa n’anyô tôkoga ékiti.

II Corinthiens 9:8

Nzambé andé na ngudi gôénôétsa ôkiti ôyekani gô minongo mietso gômbe nôsangabuta sôma gôédônga anyene gô tsengene, na dôta gôédôngéda akanyô gô mane mamisôba.

Philippiens 3:8

Kaka mayanza matévo maka gébé na tsoongo gôndé me, te na metso mamisôba moongôa môma ékôndéga gôndé me. Naviia metso mane ngima gô éne émadenga me éôtéa ényepa na metso mane. Namadenga Kumu ami. Nabuta émenya angô, Jésus‐Christ. Gôndé angô namaviia mane mami metso ngima. Nabono mangô ti eembe te tôbi, buta mbe nadiia mane maChrist metso.

Hébreux 10:34

Nômawanyeda moonga na maguga mameena asi tsôgôô. Vamawatô anye ôkitie wanyô ava tsina anye nômatsôkéa gôébégô nôsibômu mbe: We tôndé na wene ôkiti ôôtéa ényepa n’one n’angô te amôbô na môbô ôsangagôgani.