Philippiens 3:6 - New Testament in Mitsogo

⁶ Namabaka na géviôviô gévôni gô mabégô maNzambé gésingé mangô mabévédu. T’ebandô namakuana asi mbumu éaNzambé. Gôsibé muene gandé me gôédiia monyo gô gékeneo sandongi na mitôma na mige mia Nzambé.

Philippiens 3:6 ပူးပေါင်းရင်းမြစ်များ

Matthieu 23:25

Ti gô maguga mandé n’anye anigôi amige miaNzambé n’Apharisien, anye nôndé ti anyepi amiônya. Gô ébungue éanyô na épedee éanyô nôsabômu éôvôa te gésa géngongo géenanôni. Géé gô gatse éangô éndé émayôa na mane mameesua anye, na mane makuséda manyima manyô mabévani.

Matthieu 5:20

Me nanôbeenda na gô pie mbe gôndé anye gôéengéa g’ôkumu aNzambé, géndégégéé, buétsé te nôgobeda éne ényôngéô Nzambé, éôtéa égobeda na éne éApharisien n’anigôi amige miaNzambé.

LUC TSANGO EAMOSOBA EMATENDA 1:6

Zacharie na Elisabeth amagobeda Nzambé gô mabégô metso. Ahsikékôé ta n’ebégô évo ématsikéô ahngô gô mitômamie na gô mige miaKumu Nzambé.

Mayanzame 21:20

Vamookô ahngô nane, omee ane amakuméda Kumu Nzambé. Na amavovo na Paul mbe: Muana aTétee n’asô, bangôa ôtangôe ôvôni aAjuif amakogani gômeetsahngô Jésus mitémamie. N’ahngô ahsaagana na mige na mitôma mimatsikéô ahngô na Moïse.

Mayanzame 22:5

Pene adeekedi adigondoku na dôta géômbé sapeeye andé mbangi yami. Nameetsô n’ahngô ésangô ébaé gôékea na gô Damas gôédigaa n’anee aTétee n’ami Ajuif. Nameetsô na ényanga gôétsôpa ane ameetsa Jésus mitémamie na gôékeda ahngô na gô Jérusalem mbe aketsundédu.

Mayanzame 26:5

Ajuif amenya me. Anguene andé na ngudi yegônigôa gameengéa me gô gésôga sagébé na ngeba, te géné sagéômbé sApharisien.

Mayanzame 8:3

Na gamanyôngéô amuene Saul, amagényôga gôébunza mbumu éaNzambé. Ameengéa gô yeba na yeba gôétsôpa amôgôô n’ageto amabaka gô yangô. Ameengéda ahngô na gô eba atsôgôô.

Romains 7:9

Va mbeego, mige miaNzambé madeo misikitsô me namabaka na ngudi, na namadônga. Ivô vamatsiga migemie te ébévee émadiia ngudi.

I Corinthiens 10:32

Digaakani n’etsimama gôndé Nzambé gômbe môdigédie wanyô ôsangatôngéda Ajuif, na ôsangapatsa ane asaba Ajuif, na ôsayungéda ina ambumu éaNzambé.

I Corinthiens 15:9

Va gatse ane amasevouni na amatômukuni na Jésus, môngimee na ngaa te me Paul. Buéyé vane tsaba kuanakue gôétetu mbe ône amatômu na Jésus gôébégô va mbeego namakuanaka pepe asi mbumu éaNzambé.

Philippiens 2:15

Vane nôngaba n’etsimama na nômagôgéani. Nôngamenyanganô mbe ana aNzambé agébé n’oési, nôdigaa va gatse oma abévani adiboe andé gô tsengene. Tanani ga minanga gô tsina evitsi.

Philippiens 3:9

Nanyôngéô éba môvo n’edi. Tsoongôa éénda mbe gôkenea me mige mia Nzambé me tsaba n’oési va mbene éedi. Tsabômu mbe neenanô na Nzambé ti eembe tsaba n’oési, te gômeetsa me Christ môtémami wetso gémôtsumé paga. Amuene Nzambé amakônza nzéane mbe ôkô môma eetsi Jésus‐Christ môtémedi wetso gémôtsumé paga, me Nzambé nangamôbono ti eembe asaba n’oési.

I Timothée 1:13

Eenda nane buéyé mbe namamôkékôa v’ebandô na namamôkuana na namamôenza. Ivô Nzambé ameena me ti ngeba gôébégô metso mane namamayanza g’ôdungé tsimenye. Namabaka na paga tsiitséké môtémee gô mabégô medi mapie.