Philippiens 3:20 - New Testament in Mitsogo

²⁰ Géé wa n’anyô tôsaba asi tsenge nedué. Tsengene éasô n’anyô te g’ôba gôtôbono na nzôô gôéena Mooboyi asô n’anyô Kumu Jésus‐Christ aviga.

Philippiens 3:20 ပူးပေါင်းရင်းမြစ်များ

Matthieu 19:21

Jésus amavovo n’edi mbe: Okô ônyôngéyiô éba gébé n’oési, kiaka ôkesômbéda éetso éndé n’ewe. Obongo dodeye ôkekabanéa na misuga. N’ewe ôngaba n’okiti g’ôba. Na vane ôviga gôékea nzéepo n’ami.

LUC TSANGO EAMOSOBA EMATENDA 12:21

Jésus amanigôa mbe: Endé te nane. Gôndé amuene môma andé gékiti, ivô va miso maNzambé andé ti môsuga.

LUC TSANGO EAMOSOBA EMATENDA 14:14

Ti gô gényônga géngaba n’ewe gôébégô ane ayeeyi môambôe woo asangagônikédéa ta na sôma gévo. Ivô te Nzambé angagônikédéani gô nyee ôngakunduga ane amawani amayanzéa Nzambé ganyôngéô angô.

Mayanzame 1:11

Angô abaé amavovo n’aneengie mbe: ?Anye asi Galilée nôtema gôégébaméa g’ôba gôndé? Jésus ôdôô, atômbiô va gatse anyô gôékea na g’ôba, angô anganika mônongovo geeni anye angô abata.

I Corinthiens 1:7

Nôsivee ta na môgôô ôvo aNzambé. Tambô anye véngéani na ngudi yetso génikéô saKumu asô n’anyô Jésus‐Christ na gô tsina.

I Corinthiens 15:48

Muetso asi tsinane agono n’one amavangô na totone éava tsina. Muetso asi g’ôba agono n’one amaviga g’ôba.

II Corinthiens 4:18

Maguga mandé mavôni, na géneegage géndé gévôni ivô évundee éagéneegage éôtéa éne éamaguga. Tôsaténdéda éne éapitsi yedi. Tôténdéda éne éagô mbene éseenanôni. Ene étôenani édinga gô pitsi yatangaga. Ivô éne ésatôenani éndé éamôgunanza gékôdéé.

II Corinthiens 5:8

Na mitéma miasô misanika gévii. We tôndé ga môma andé g’ôgenda madeo asitsiga gô ebedi. Tôôtéa ényôngéô étsika ôtôe ôdôô gôékea gôédenga ône ôndé na Kumu.

Galatie 4:26

Ivô Jérusalem éagô tsenge éag’ôba ésaba g’ôvéga. Yangô te yeene éasô n’anyô.

Ephésiens 2:19

T’ebandô anye nôsibôtu gô éongo éAjuif, nôsabadô agenda. Nôsabadô ane asamenyanganô na Nzambé. Gô tsenge éa Nzambé nôsaba agenda, nôndé te kumu. Nôndé asi mbumu éedi.

Ephésiens 2:6

Gô vitoone éndé n’asô n’anyô na Jésus‐Christ, Nzambé amatôkundua g’ôwa gômbe tôndé ôtômu ôvo na Christ. Na tôndé digaa n’edi gô ényanga éag’ôba.

Philippiens 1:10

Namôduka dôta mbe nôngamenya ésevoa mane mamisôba na gôétsika mane mabévani. Te mbe nôngaba nômagôgéani, gébé na mabégô mabévani mamasuégu na buembe. Na nôsangeetsô ôési nyaa ôngaviga Christ.

Philippiens 1:27

Eébéyée nane, digaakani na môdigéô ôsapenganani na Tsangô Eamôsôba éaJésus‐Christ. Navigéyee gôénôena, tsavigéyee nangookô mbe: Ahndé muetso na étasevo gôésipa ti v’ekôdéô, éesipa. Gô ébadi égenyuni, andé muetso na môtémovo gôétseda paga, buta mbe Tsangô Eamôsôba éaJésus‐Christ édiia.

Colosses 1:5

Vameekédu anye kukane éamapanga Tsangô Eapie, éne Eamôsôba éaJésus‐Christ, nômamenyedu mbe éangô éndé na tsoongo. Ebandôe éavitoone éanyô na ébandôé émeetsanye mitémamie, étsinee te tsoongo nene. Nôndé gôéténdéda éne émakeneo g’ôba gôndé anye.

1 Thessaloniciens 1:10

Anigôa dôta gandé anye gôéenéa génikéô saMuana ANzambé Jésus‐Christ, ône andé g’ôba. Asabômu mbe Nzambé amakundua Jésus‐Christ g’ôwa. Na te angô angatôyuua g’ôpisa aNzambé ôvigani.

1 Thessaloniciens 4:16

Gôngookanô mbeea enyanga. Te ôgi apene éasi g’ôba ayanzi aNzambé na gémbômba saNzambé géngatoonguni. Vane amuene Kumu Jésus angasuma g’ôba. Ane amawa andé n’edi na vitoo te ane angapanga ékundugani.

II Timothée 4:8

Ene ényangiô gô ébadi éndé gôévéngéa me deo noo gô mbene anzéa. Eangô te gépôkôdô setsimama géngaatédu me na Kumu Jésus môtsundédine asapenganani. Asangaatéda sangô memuene môtévo, te na muetso ane andé gôéenéa na gényônga génikéô sedi.

Tite 2:13

Ngeba yedi ditôékéda gôédigaa kuanakue gôéenéa gévigéô sanyee ôvôni agényônga ôtôténdédani. Nyee ône ôvôni ôngatsutsuga ôbébayi ôtubéda ôndômba aMooboyi asô n’anyô Jésus‐Christ, angô te Nzambéne éasô n’anyô épôni ésaba na gégoni.

Hébreux 12:22

Géé anye nôndé nômawesea na gô môkôdie ôtetu mbe Zion. Na nômawesea na gô môsenge aNzambé Kumu amonyo, te Jérusalem ag’ôba. Gône gôndéké mitônisa na mitônisa miasi g’ôba avigédu na Nzambé gôétsôkéa anye.

Hébreux 9:28

Te mônongovo dôta émavangô mbe Christ amaadeekeda amuene ôgondoku kukepo gôénôtôa ébévee éoma ayekani. Na angaviga kukane éamôbaé kaka gôébusua ébévee, ivo te gôéengéda gô géobogeo ane andé gôémôenéani.

Gétsutsuéô 1:7

Bononi. Nôeni gavigangô va gatse obôngé. Oma muetso angamôena, buéyé n’ane amamôtuma n’ekongo. Asi mongo metso mava tsina angadéa na mindônga gôndé angô. Ii. ?Tôngeenda nayee? Engaba te nane. Amen.